Job Alert: ನಿಮಗೆ 35 ದಾಟಿದ್ರೂ

Last Updated:May 25, 2026 12:28 PM IST

ಮಂಡ್ಯ ಜಿಲ್ಲಾ ಉದ್ಯೋಗ ವಿನಿಮಯ ಕಛೇರಿ ಮೇ 27 ರಂದು ವಾಕ್ ಇನ್ ಸಂದರ್ಶನ, MedPlus ಮತ್ತು VilCart Solutions ನಲ್ಲಿ SSLC ರಿಂದ D.Pharma ಅಭ್ಯರ್ಥಿಗಳಿಗೆ 10 ರಿಂದ 20 ಸಾವಿರ ಸಂಬಳದ ಉದ್ಯೋಗ ಅವಕಾಶ

ಮಂಡ್ಯ: ನಿರುದ್ಯೋಗಿ ಯುವಕ-ಯುವತಿಯರಿಗೆ (Youngster) ಇಲ್ಲಿದೆ ಒಂದು ಭರ್ಜರಿ ಗುಡ್ ನ್ಯೂಸ್! “ಕೆಲಸವೇ ಸಿಗುತ್ತಿಲ್ಲ, ಕೈಯಲ್ಲಿ ಕಾಸಿಲ್ಲ” ಎಂದು ತಲೆ ಕೆಡಿಸಿಕೊಂಡು ಕೂತಿರುವ ಮಂಡ್ಯ (Mandya) ಮತ್ತು ಸುತ್ತಮುತ್ತಲಿನ ಜಿಲ್ಲೆಯ ಮಂದಿಗೆ ಈಗ ಅದೃಷ್ಟದ ಬಾಗಿಲು ತೆರೆದಿದೆ. ಕೇವಲ ಎಸ್‌ಎಸ್‌ಎಲ್‌ಸಿ (SSLC) ಪಾಸಾಗಿದ್ದರೂ ಸಾಕು, ಯಾವುದೇ ಪರೀಕ್ಷೆ ಇಲ್ಲದೆ ನೇರ ಸಂದರ್ಶನದ ಮೂಲಕವೇ ಉದ್ಯೋಗ (Job) ಗಿಟ್ಟಿಸಿಕೊಳ್ಳುವ ಸುವರ್ಣಾವಕಾಶ ನಿಮಗಾಗಿ ಕಾಯುತ್ತಿದೆ!

ಯಾವ ಯಾವ ಸಂಸ್ಥೆಯಿಂದ ಕೆಲಸ?

ಹೌದು, ಮಂಡ್ಯ ಜಿಲ್ಲಾ ಉದ್ಯೋಗ ವಿನಿಮಯ ಕಛೇರಿಯು ಖಾಸಗಿ ರಂಗದ ದೈತ್ಯ ಸಂಸ್ಥೆಗಳಾದ ‘ಮೆಡ್‌ಪ್ಲಸ್’ (MedPlus) ಮತ್ತು ‘ವಿಲ್‌ಕಾರ್ಟ್ ಸಲ್ಯೂಷನ್ಸ್’ (VilCart Solutions) ಜೊತೆ ಕೈಜೋಡಿಸಿದ್ದು, ನಿರುದ್ಯೋಗಿಗಳಿಗೆ ಉದ್ಯೋಗದ ಭಾಗ್ಯ ಕರುಣಿಸಲು ಮುಂದಾಗಿದೆ. ಮೇ 27 ರಂದು (ಬುಧವಾರ) ಬೆಳಿಗ್ಗೆ 10:00 ಗಂಟೆಗೆ ಮಂಡ್ಯದ ಆರ್.ಟಿ.ಓ ಕಛೇರಿ ಎದುರಿಗಿರುವ ಜಿಲ್ಲಾ ಉದ್ಯೋಗ ವಿನಿಮಯ ಕಛೇರಿಯಲ್ಲಿ ಬೃಹತ್ ನೇರ ಸಂದರ್ಶನ (Walk-in Interview) ಹಮ್ಮಿಕೊಳ್ಳಲಾಗಿದೆ.

ಯಾವೆಲ್ಲಾ ಹುದ್ದೆಗಳಿವೆ? ಸಂಬಳ ಎಷ್ಟು ಸಿಗಬಹುದು? ಯಾರೆಲ್ಲಾ ಭಾಗವಹಿಸಬಹುದು?

ಈ ನೇರ ಸಂದರ್ಶನದಲ್ಲಿ ಪ್ರಮುಖ 4 ರೀತಿಯ ಹುದ್ದೆಗಳಿಗೆ ಅಭ್ಯರ್ಥಿಗಳನ್ನು ನೇಮಕ ಮಾಡಿಕೊಳ್ಳಲಾಗುತ್ತಿದೆ

ಸಿ.ಎಸ್.ಎ (Customer Service Associate): ಕಸ್ಟಮರ್‌ಗಳೊಂದಿಗೆ ವ್ಯವಹರಿಸುವುದು, ಬಿಲ್ಲಿಂಗ್ ಹಾಗೂ ಸ್ಟಾಕ್ ನಿರ್ವಹಣೆ.
ಫಾರ್ಮಸಿ ಏಡ್ (Pharmacy Aid): ಔಷಧಿಗಳನ್ನು ಜೋಡಿಸುವುದು ಮತ್ತು ಗ್ರಾಹಕರಿಗೆ ಸಹಾಯ ಮಾಡುವುದು.
ಆಡಿಟ್ ಅಸಿಸ್ಟೆಂಟ್ (Audit Assistant): ಖಾತೆ ಪರಿಶೀಲನೆ, ಡೇಟಾ ಎಂಟ್ರಿ ಮತ್ತು ವರದಿ ತಯಾರಿಕೆ.
ಟೆಲಿಕಾಲರ್ಸ್ (Tele callers): ಫೋನ್ ಮೂಲಕ ಗ್ರಾಹಕರನ್ನು ಸಂಪರ್ಕಿಸುವುದು ಮತ್ತು ಸಪೋರ್ಟ್ ನೀಡುವುದು.

ವಿದ್ಯಾರ್ಹತೆ ಮತ್ತು ವಯೋಮಿತಿ ಏನು?

ವಿದ್ಯಾರ್ಹತೆ: ಎಸ್‌ಎಸ್‌ಎಲ್‌ಸಿ (SSLC), ಪಿಯುಸಿ (PUC), ಡಿಪ್ಲೊಮಾ (Diploma) ಹಾಗೂ ಡಿ.ಫಾರ್ಮಾ (D.Pharma) ಉತ್ತೀರ್ಣರಾಗಿರುವ ಫ್ರೆಶರ್ಸ್ ಹಾಗೂ ಅನುಭವಸ್ಥರು ಭಾಗವಹಿಸಬಹುದು.
ವಯೋಮಿತಿ: 18 ವರ್ಷ ತುಂಬಿದ ಯುವಕರಿಂದ ಹಿಡಿದು 40 ವರ್ಷ ವಯಸ್ಸಿನವರೆಗಿನ ಅಭ್ಯರ್ಥಿಗಳಿಗೆ ಅವಕಾಶವಿದೆ.
ಕೆಲಸದ ಸ್ಥಳ: ಆಯ್ಕೆಯಾಗುವ ಅಭ್ಯರ್ಥಿಗಳಿಗೆ ಮಂಡ್ಯ ಹಾಗೂ ಬೆಂಗಳೂರಿನಲ್ಲಿ ಕೆಲಸ ಮಾಡಲು ಸುವರ್ಣಾವಕಾಶ ಸಿಗಲಿದೆ.

ಕೈತುಂಬಾ ಸಂಬಳ ಮತ್ತು ಸಿಗಲಿರುವ ಸೌಲಭ್ಯಗಳು!

ಸಂದರ್ಶನದಲ್ಲಿ ಪಾಸ್ ಆದವರಿಗೆ ಅವರ ಹುದ್ದೆ ಮತ್ತು ವಿದ್ಯಾರ್ಹತೆಗೆ ತಕ್ಕಂತೆ ತಿಂಗಳಿಗೆ ₹10,000 ದಿಂದ ₹20,000 ವರೆಗೆ ಆಕರ್ಷಕ ಸಂಬಳ (ಗ್ರಾಸ್) ಸಿಗಲಿದೆ. ಇದಷ್ಟೇ ಅಲ್ಲದೆ ಕಂಪನಿಯ ನಿಯಮಾವಳಿಗಳ ಪ್ರಕಾರ PF (ಪ್ರಾವಿಡೆಂಟ್ ಫಂಡ್), ESI (ಆರೋಗ್ಯ ವಿಮೆ), Gratuity ಸೌಲಭ್ಯಗಳು ಸಿಗಲಿವೆ. ಜೊತೆಗೆ ಉತ್ತಮ ಪರ್ಫಾರ್ಮೆನ್ಸ್ ನೀಡಿದರೆ ಇನ್ಸೆಂಟಿವ್ಸ್, ಬೋನಸ್ ಹಾಗೂ ಕೇವಲ 6 ರಿಂದ 12 ತಿಂಗಳಲ್ಲಿ ಪ್ರಮೋಷನ್ ಪಡೆಯುವ ಚಾನ್ಸ್ ಕೂಡ ಇದೆ!

ಸಂದರ್ಶನಕ್ಕೆ ಹೋಗುವಾಗ ಮರೆಯದೇ ಇವುಗಳನ್ನು ತಗೊಂಡು ಹೋಗಿ

ಇದನ್ನೂ ಓದಿ: Weird Union: ಇನ್ಮೇಲೆ ಗಂಡಸರಿಗೆ ಏನೇ ಕಷ್ಟ ಬಂದ್ರೂ ಇಲ್ಲಿದೆ ಪರಿಹಾರ; ಈ ಸಂಘಕ್ಕೆ ಸೇರಿದರೆ ಪುರುಷರ ಗೋಳಿಗೆ ಪೂರ್ಣವಿರಾಮ!

ಒಂದಕ್ಕಿಂತ ಹೆಚ್ಚು ಪ್ರತಿಗಳಲ್ಲಿ ನಿಮ್ಮ ಅಪ್‌ಡೇಟೆಡ್ ರೆಸ್ಯೂಮ್/ಬಯೋಡೇಟಾ, ಶೈಕ್ಷಣಿಕ ಪ್ರಮಾಣಪತ್ರಗಳ ಜೆರಾಕ್ಸ್ ಪ್ರತಿಗಳು, ಆಧಾರ್ ಕಾರ್ಡ್ ಹಾಗೂ ಇತ್ತೀಚಿನ ಪಾಸ್‌ಪೋರ್ಟ್ ಸೈಜ್ ಫೋಟೋಗಳನ್ನು ನಿಮ್ಮ ಜೊತೆ ಇಟ್ಟುಕೊಳ್ಳಿ. ಕನ್ನಡದ ಜೊತೆಗೆ ಇಂಗ್ಲಿಷ್ ಮಾತನಾಡಲು ಬರುವವರಿಗೆ ಈ ಸಂದರ್ಶನದಲ್ಲಿ ಹೆಚ್ಚಿನ ಆದ್ಯತೆ ಸಿಗುವ ಸಾಧ್ಯತೆ ಇದೆ. ಹೆಚ್ಚಿನ ವಿವರಗಳಿಗಾಗಿ ಮತ್ತು ನಿಮ್ಮ ಡೌಟ್‌ಗಳನ್ನು ಕ್ಲಿಯರ್ ಮಾಡಿಕೊಳ್ಳಲು ಉದ್ಯೋಗಾಧಿಕಾರಿಗಳು ನೀಡಿರುವ ಅಧಿಕೃತ ಸಹಾಯವಾಣಿ ಸಂಖ್ಯೆಗಳಾದ 9164642684, 9113500761, 9113875775 ಮತ್ತು 9741939716 ಅನ್ನು ಸಂಪರ್ಕಿಸಬಹುದು.

Location :

Mandya,Mandya,Karnataka

First Published :

May 25, 2026 12:28 PM IST

Job Alert: ನಿಮಗೆ 35 ದಾಟಿದ್ರೂ ಪರವಾಗಿಲ್ಲ; ಡಿಗ್ರಿ ಇಲ್ಲ ಅನ್ನೋ ಚಿಂತೆನೂ ಇಲ್ಲ, ಕೈತುಂಬಾ ಸಂಬಳ ಕೊಡೋ ಉದ್ಯೋಗಗಳ ಮಾಹಿತಿ ಇಲ್ಲಿದೆ

Source link