Last Updated:
ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯ ಧಾರವಾಡ ಪ್ರಾದೇಶಿಕ ಕೇಂದ್ರದಲ್ಲಿ 2026-27 ಜುಲೈ ಆವೃತ್ತಿ ಯುಜಿ, ಪಿಜಿ, ಡಿಪ್ಲೋಮಾ, ಸರ್ಟಿಫಿಕೇಟ್ ಪ್ರವೇಶ ಆರಂಭವಾಗಿದೆ. ಸೆಪ್ಟೆಂಬರ್ 15 ಕೊನೆಯ ದಿನಾಂಕವಾಗಿದ್ದು, ಆನ್ಲೈನ್ ಮೂಲಕ ಅರ್ಜಿ ಸಲ್ಲಿಕೆ ಮಾಡಲು ಕೋರಲಾಗಿದೆ
ಹುಬ್ಬಳ್ಳಿ-ಧಾರವಾಡ: ಉದ್ಯೋಗದಲ್ಲಿದ್ದುಕೊಂಡೇ ಉನ್ನತ ವ್ಯಾಸಂಗ (Higher Education) ಮಾಡಬೇಕು ಎನ್ನುವ ಕನಸು ಕಾಣುತ್ತಿರುವಿರಾ? ಅಥವಾ ಯಾವುದೋ ಕಾರಣಕ್ಕೆ ನಿಮ್ಮ ಓದು ಅರ್ಧಕ್ಕೆ ನಿಂತುಹೋಗಿದೆಯೇ? ಹಾಗಿದ್ದರೆ ನಿಮಗೊಂದು ಭರ್ಜರಿ ಸುವರ್ಣಾವಕಾಶ (Golden Opportunity) ಇಲ್ಲಿದೆ! “ಉನ್ನತ ಶಿಕ್ಷಣ ಎಲ್ಲರಿಗೂ ಎಲ್ಲೆಡೆ” ಎಂಬ ಘೋಷವಾಕ್ಯದೊಂದಿಗೆ ವಿದ್ಯಾರ್ಥಿಗಳ ಮನೆಬಾಗಿಲಿಗೆ ಶಿಕ್ಷಣ (Education) ತಲುಪಿಸುತ್ತಿರುವ ಮೈಸೂರಿನ ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯವು (KSOU) ಧಾರವಾಡ ಪ್ರಾದೇಶಿಕ ಕೇಂದ್ರದ ಅಡಿಯಲ್ಲಿ 2026-27ನೇ ಶೈಕ್ಷಣಿಕ ಸಾಲಿನ ಜುಲೈ ಆವೃತ್ತಿಯ ಪ್ರವೇಶಾತಿಯನ್ನು ಆರಂಭಿಸಿದೆ.
ನ್ಯಾಕ್ (NAAC) ನಿಂದ ಪ್ರತಿಷ್ಠಿತ ‘A+’ ಶ್ರೇಣಿ ಹಾಗೂ ಯುಜಿಸಿ (UGC) ಮಾನ್ಯತೆ ಪಡೆದಿರುವ ಈ ಮುಕ್ತ ಮತ್ತು ದೂರ ಶಿಕ್ಷಣ (ODL) ಪದವಿಗಳು ಈಗ ರೆಗ್ಯುಲರ್ ವಿಶ್ವವಿದ್ಯಾಲಯಗಳ ಪದವಿಗಳಿಗೆ ಸಂಪೂರ್ಣ ಸಮಾನವಾಗಿವೆ! ಹೀಗಾಗಿ ನಿಮ್ಮ ಉದ್ಯೋಗ ಹಾಗೂ ಇತರ ಜವಾಬ್ದಾರಿಗಳ ನಡುವೆಯೇ ಉನ್ನತ ಶಿಕ್ಷಣ ಪಡೆದು ಭವಿಷ್ಯವನ್ನು ಉಜ್ವಲಗೊಳಿಸಿಕೊಳ್ಳಲು ಇದು ಹೇಳಿಮಾಡಿಸಿದ ಸಮಯವಾಗಿದೆ.
ಧಾರವಾಡದ ಪ್ರಾದೇಶಿಕ ಕೇಂದ್ರದಲ್ಲಿ ವಿವಿಧ ಯುಜಿಸಿ ಅನುಮೋದಿತ ಸ್ನಾತಕ (UG), ಸ್ನಾತಕೋತ್ತರ (PG), ಡಿಪ್ಲೋಮಾ ಮತ್ತು ಸರ್ಟಿಫಿಕೇಟ್ ಕೋರ್ಸ್ಗಳಿಗೆ ಅರ್ಜಿ ಆಹ್ವಾನಿಸಲಾಗಿದ್ದು, ಪ್ರಥಮ ವರ್ಷದ ಪ್ರವೇಶಾತಿಗೆ 2026ರ ಸೆಪ್ಟೆಂಬರ್ 15 ಕೊನೆಯ ದಿನಾಂಕವಾಗಿದೆ. ಸ್ನಾತಕ ಪದವಿಗಳಾದ ಬಿ.ಎ., ಬಿ.ಕಾಂ., ಬಿ.ಬಿ.ಎ., ಬಿ.ಸಿ.ಎ., ಬಿ.ಲಿಬ್.ಸೈನ್ಸ್., ಬಿ.ಎಸ್ಸಿ., ಹಾಗೂ ಬಿ.ಎಸ್.ಡಬ್ಲೂ. ಕೋರ್ಸ್ಗಳಿಗೆ 10+2 (ಪದವಿ ಪೂರ್ವ / ಪಿಯುಸಿ) ಅಥವಾ ಸಮಾನ ಯೋಗ್ಯತೆ ಹೊಂದಿರಬೇಕು. ಅದೇ ರೀತಿ ಸ್ನಾತಕೋತ್ತರ ಪದವಿಗಳಾದ ಎಂ.ಎ., ಎಂ.ಕಾಂ., ಎಂ.ಎಸ್ಸಿ., ಎಂ.ಬಿ.ಎ., ಎಂ.ಸಿ.ಎ., ಎಂ.ಲಿಬ್.ಸೈನ್ಸ್., ಎಂ.ಎಸ್.ಡಬ್ಲ್ಯೂ. ಹಾಗೂ ಪಿಜಿ ಸರ್ಟಿಫಿಕೇಟ್ ಕೋರ್ಸ್ಗಳಿಗೆ ಸಂಬಂಧಿತ ವಿಷಯದಲ್ಲಿ ಸ್ನಾತಕ ಪದವಿ (10+2+3) ಪೂರ್ಣಗೊಳಿಸಿರಬೇಕು. ವಿಶೇಷವೆಂದರೆ, ಕರಾಮುವಿಯ ಈ ಕೋರ್ಸ್ಗಳನ್ನು ಕಲಿಯಲು ಯಾವುದೇ ವಯಸ್ಸಿನ ಮಿತಿ ಇರುವುದಿಲ್ಲ!
ಕೋರ್ಸ್ಗೆ ಅನುಗುಣವಾಗಿ ಶುಲ್ಕ ಬದಲಾಗಲಿದ್ದು, ಕೆಲವು ವರ್ಗಗಳಿಗೆ ರಿಯಾಯಿತಿ ಕೂಡ ಇರಲಿದೆ. ಶುಲ್ಕ ಪಾವತಿಯ ನಂತರ ಅರ್ಜಿಯ ಪ್ರಿಂಟ್ಔಟ್ ಮತ್ತು ಮೂಲ ದಾಖಲೆಗಳನ್ನು ಧಾರವಾಡ ಪ್ರಾದೇಶಿಕ ಕೇಂದ್ರಕ್ಕೆ ಖುದ್ದಾಗಿ ಸಲ್ಲಿಸಿ ಪರಿಶೀಲನೆ (Document Verification) ಮಾಡಿಸಬೇಕು. ಪರಿಶೀಲನೆ ಮುಗಿದ ಬಳಿಕ ಪ್ರಾದೇಶಿಕ ಕೇಂದ್ರದಲ್ಲೇ ಮುದ್ರಿತ ಪುಸ್ತಕಗಳು (Self Learning Material) ಹಾಗೂ ಡಿಜಿಟಲ್ ಸಂಪನ್ಮೂಲಗಳು ಲಭ್ಯವಾಗಲಿದ್ದು, ವೀಕೆಂಡ್ ಕಾಂಟ್ಯಾಕ್ಟ್ ಕ್ಲಾಸ್ಗಳ ಸೌಲಭ್ಯವೂ ಸಿಗಲಿದೆ. ವರ್ಷಕ್ಕೆ ಎರಡು ಬಾರಿ (ಜೂನ್ ಮತ್ತು ಡಿಸೆಂಬರ್) ಪರೀಕ್ಷೆಗಳು ನಡೆಯಲಿದ್ದು, ರಿಸಲ್ಟ್ ಆನ್ಲೈನ್ ಪೋರ್ಟಲ್ನಲ್ಲಿ ಲಭ್ಯವಾಗಲಿದೆ.
ಸಂಪರ್ಕದ ವಿಳಾಸ
ಆರೋಗ್ಯ ಸಂಬಂಧಿತ ಕೋರ್ಸ್ಗಳಿಗೆ ಯುಜಿಸಿ ನಿರ್ಬಂಧಗಳಿರಲಿದ್ದು, ಅರ್ಜಿ ಸಲ್ಲಿಸುವ ಮುನ್ನ ಅಧಿಕೃತ ವೆಬ್ಸೈಟ್ನಿಂದ ನೋಟಿಫಿಕೇಷನ್ ಮತ್ತು ಫೀ ಸ್ಟ್ರಕ್ಚರ್ ಡೌನ್ಲೋಡ್ ಮಾಡಿಕೊಂಡು ಪರಿಶೀಲಿಸುವುದು ಸೂಕ್ತ. ತಡವಾಗಿ ಅರ್ಜಿ ಸಲ್ಲಿಸಿದರೆ ದಂಡ ವಿಧಿಸುವ ಸಾಧ್ಯತೆ ಇರುತ್ತದೆ. ಹೆಚ್ಚಿನ ವಿವರಗಳಿಗಾಗಿ ಹಾಗೂ ಕಚೇರಿ ಭೇಟಿಗಾಗಿ ಕರಾಮುವಿ ಪ್ರಾದೇಶಿಕ ಕೇಂದ್ರ ಧಾರವಾಡ, ಅಮರಗೋಳ 2ನೇ ಹಂತ, ಜಡ್ಜ್ ಕಾಲೋನಿ ಹತ್ತಿರ, ನವನಗರ, ಹುಬ್ಬಳ್ಳಿ (ಅಥವಾ ಪರ್ಯಾಯ ವಿಳಾಸ: ಕರ್ನಾಟಕ ವಿಶ್ವವಿದ್ಯಾಲಯ ಪಬ್ಲಿಕ್ ಸ್ಕೂಲ್ ಕ್ಯಾಂಪಸ್, ಕೆಸಿಡಿ ರಸ್ತೆ, ಎಲ್ಐಸಿ ಆಫೀಸ್ ಎದುರು, ಧಾರವಾಡ) ಇಲ್ಲಿಗೆ ಭೇಟಿ ನೀಡಬಹುದು. ಪ್ರಾದೇಶಿಕ ನಿರ್ದೇಶಕರಾದ ಡಾ. ಲೋಕೇಶ್. ಆರ್. ಅವರನ್ನು ಸಂಪರ್ಕಿಸಲು ಕಚೇರಿಯ ದೂರವಾಣಿ ಸಂಖ್ಯೆಗಳಾದ 0836-2441199 ಅಥವಾ 7019314679 ಗೆ ಕರೆ ಮಾಡಬಹುದಾಗಿದೆ. ಭವಿಷ್ಯದ ಉದ್ಯೋಗ ಹಾಗೂ ಬಡ್ತಿಯ ಅವಕಾಶಗಳನ್ನು ಕೈಚೆಲ್ಲಬೇಡಿ, ಇಂದೇ ಅರ್ಜಿ ಸಲ್ಲಿಸಿ!
Hubli-Dharwad (Hubli),Dharwad,Karnataka
Jun 26, 2026 12:07 PM IST
