Job Alert: ಮಹಿಳೆಯರಿಗೆ ಬಿಗ್‌ ಚಾನ್ಸ್;‌ SSLC-PUC ಆಗಿದ್ದರೂ ಸಾಕು, ಪರೀಕ್ಷೆಯೇ ಇಲ್ಲದೇ ಸರ್ಕಾರಿ ಕೆಲಸಕ್ಕೆ ನೇಮಕಾತಿ! ಇಲ್ಲಿದೆ ಮಾಹಿತಿ

ಮೈಸೂರು ಜಿಲ್ಲೆಯ 09 ಶಿಶು ಅಭಿವೃದ್ಧಿ ಯೋಜನೆಗಳ ವ್ಯಾಪ್ತಿಯಲ್ಲಿ ಬರೋಬ್ಬರಿ 241 ಅಂಗನವಾಡಿ ಕಾರ್ಯಕರ್ತೆ ಹಾಗೂ ಸಹಾಯಕಿ ಹುದ್ದೆಗಳನ್ನು ಭರ್ತಿ ಮಾಡಲು ಇಲಾಖೆ ಅಧಿಕೃತ ಅಧಿಸೂಚನೆ ಹೊರಡಿಸಿದೆ. ಅರ್ಹ ಮಹಿಳಾ ಅಭ್ಯರ್ಥಿಗಳು ಹಾಗೂ ಮಹಿಳಾ ಲಿಂಗತ್ವ ಅಲ್ಪಸಂಖ್ಯಾತರು ಈ ಕೂಡಲೇ ಅರ್ಜಿ ಸಲ್ಲಿಸಬಹುದಾಗಿದ್ದು, ಜೂನ್ 20, 2026 ಅರ್ಜಿ ಸಲ್ಲಿಸಲು ಕಡೆಯ ದಿನವಾಗಿದೆ. ಯಾವುದೇ ಲಿಖಿತ ಪರೀಕ್ಷೆ ಇಲ್ಲದೆ, ಕೇವಲ ಮೆರಿಟ್ ಆಧಾರದ ಮೇಲೆ ನಡೆಯುವ ಈ ನೇಮಕಾತಿಯ ಸಂಪೂರ್ಣ ಡಿಟೇಲ್ಸ್ ಇಲ್ಲಿದೆ.

ಒಟ್ಟು 241 ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಲಾಗಿದ್ದು, ಹುದ್ದೆಗಳ ವಿಂಗಡಣೆ ಮತ್ತು ಅರ್ಹತೆ ಈ ಕೆಳಗಿನಂತಿದೆ

ಇದು ಗೌರವ ಸೇವೆ (Honorarium-based) ಆಧಾರಿತ ನೇಮಕಾತಿಯಾಗಿದ್ದರೂ, ಆಯ್ಕೆಯಾದ ಅಭ್ಯರ್ಥಿಗಳಿಗೆ ಆಕರ್ಷಕ ಗೌರವ ಧನದ ಜೊತೆಗೆ ಹತ್ತು-ಹಲವು ಸೌಲಭ್ಯಗಳು ಸಿಗಲಿವೆ. ಕಾರ್ಯಕರ್ತೆಯರಿಗೆ ತಿಂಗಳಿಗೆ ₹11,500 ರಿಂದ ₹14,000 ವರೆಗೆ (ಕೇಂದ್ರದ ₹4,500 + ರಾಜ್ಯ ಸರ್ಕಾರದ ಪಾಲು ಸೇರಿ) ಸಹಾಯಕಿಯರಿಗೆ ತಿಂಗಳಿಗೆ ₹6,500 ರಿಂದ ₹8,000 ವರೆಗೆ ಗೌರವ ಧನ ಸಿಗಲಿದೆ.

ಕೇವಲ ಸಂಬಳ ಮಾತ್ರವಲ್ಲ, ಪ್ರತಿ ವರ್ಷ 2 ಸೀರೆ, ಗೌರವಧನ ಸಹಿತ ಬರೋಬ್ಬರಿ 6 ತಿಂಗಳ ಹೆರಿಗೆ ರಜೆ (Maternity Leave), ನಿವೃತ್ತಿಯ ನಂತರ ಗ್ರಾಚ್ಯುಯಿಟಿ (Gratuity) ಹಣ ಹಾಗೂ ಉಚಿತ ವೈದ್ಯಕೀಯ ಚಿಕಿತ್ಸೆಗಾಗಿ ಆಯುಷ್ಮಾನ್ ಭಾರತ್ ಕವರೇಜ್ ಕೂಡ ಲಭ್ಯವಿದೆ!

ಇದು ಆಫ್‌ಲೈನ್ ಅರ್ಜಿ ಪ್ರಕ್ರಿಯೆಯಾಗಿದ್ದು, ಅಭ್ಯರ್ಥಿಗಳು ನಿಗದಿತ ನಮೂನೆಯಲ್ಲಿ ಅರ್ಜಿಯನ್ನು ಭರ್ತಿ ಮಾಡಿ ತಮ್ಮ ತಾಲೂಕಿನ ಶಿಶು ಅಭಿವೃದ್ಧಿ ಯೋಜನಾಧಿಕಾರಿ (CDPO) ಕಚೇರಿಗೆ ಖುದ್ದಾಗಿ ಸಲ್ಲಿಸಬೇಕು.

SSLC / PUC ಅಂಕಪಟ್ಟಿ (ಮಾರ್ಕ್ಸ್ ಕಾರ್ಡ್), ಆಧಾರ್ ಕಾರ್ಡ್, ಜಾತಿ ಪ್ರಮಾಣಪತ್ರ, ವಿಳಾಸ ದೃಢೀಕರಣ ಪುರಾವೆ ಇವುಗಳು ಲಗತ್ತಿಸಬೇಕಾದ ಮುಖ್ಯ ದಾಖಲೆಗಳು. ಅರ್ಜಿ ಸಲ್ಲಿಕೆ ಹಾಗೂ ಹೆಚ್ಚಿನ ಮಾಹಿತಿಗಾಗಿ ಈ ಕೆಳಗಿನ ನಿಮ್ಮ ತಾಲೂಕಿನ CDPO ಕಚೇರಿಯನ್ನು ಸಂಪರ್ಕಿಸಬಹುದು; ಮೈಸೂರು ನಗರ: 0821-2491962 ಮೈಸೂರು ಗ್ರಾಮಾಂತರ: 0821-2567940 ತಿ.ನರಸೀಪುರ: 08227-261267 ನಂಜನಗೂಡು: 08221-226168 ಹುಣಸೂರು: 08222-252254 ಹೆಚ್.ಡಿ.ಕೋಟೆ: 08228-255320 ಪಿರಿಯಾಪಟ್ಟಣ: 08223-274742 ಕೆ.ಆರ್.ನಗರ: 08223-262714 ಬಿಳಿಗೆರೆ: 08221-223147 ಈ ನಂಬರ್‌ಗಳಿಗೆ ಕರೆಮಾಡಿ ಮಾಹಿತಿ ಪಡೆಯಬಹುದು. ಅಧಿಕೃತ ಅಧಿಸೂಚನೆ ಮತ್ತು ಹೆಚ್ಚಿನ ಮಾಹಿತಿಗಾಗಿ ಮೈಸೂರು ಜಿಲ್ಲೆಯ ಅಧಿಕೃತ ವೆಬ್‌ಸೈಟ್ mysore.nic.in ಗೆ ಭೇಟಿ ನೀಡಿ