Good News: ಇನ್ಮೇಲೆ ಈ QR Code ತೋರಿಸಿದರೆ

Last Updated:May 22, 2026 4:50 PM IST

ಕರ್ನಾಟಕ ಸರ್ಕಾರ 2ನೇ ಪಿಯುಸಿ Passed Freshers ಗೆ KSEAB ಫಲಿತಾಂಶದ ಆಧಾರದ ಮೇಲೆ DigiLocker ಮೂಲಕ QR Code ಇರುವ ಡಿಜಿಟಲ್ TC ನೀಡಲು ಆದೇಶಿಸಿದೆ

ಬೆಂಗಳೂರು: 2ನೇ ಪಿಯುಸಿ ಪಾಸಾದ ವಿದ್ಯಾರ್ಥಿಗಳಿಗೆ (Students) ಕ್ರಾಂತಿಕಾರಿ ಸಿಹಿ ಸುದ್ದಿ! ಕರ್ನಾಟಕ ಸರ್ಕಾರ ಮಹತ್ವದ ಆದೇಶ ಹೊರಡಿಸಿದ್ದು, ಇನ್ನು ಮುಂದೆ 2ನೇ ಪಿಯುಸಿ (2nd Puc) ಉತ್ತೀರ್ಣರಾದ “Passed Freshers” ವಿದ್ಯಾರ್ಥಿಗಳಿಗೆ KSEAB ಫಲಿತಾಂಶ ದತ್ತಾಂಶದ ಆಧಾರದ ಮೇಲೆ DigiLocker ಮೂಲಕ “ಡಿಜಿಟಲ್ ವರ್ಗಾವಣೆ ಪ್ರಮಾಣ ಪತ್ರ” (Digital TC) QR Code ಸಹಿತ ವಿತರಿಸಲಾಗುತ್ತದೆ!

ಹೋದ ವರ್ಷವೇ ತೆಗೆದುಕೊಂಡ ನಿರ್ಧಾರ

ದಿನಾಂಕ: 16-07-2025ರಂದು ಸರ್ಕಾರದ ಮುಖ್ಯ ಕಾರ್ಯದರ್ಶಿಗಳ ಅಧ್ಯಕ್ಷತೆಯಲ್ಲಿ ನಡೆದ 16ನೇ UIDIC ಸಭೆ ನಿರ್ಣಯದಂತೆ ವಿದ್ಯಾರ್ಥಿಗಳ ಆಧಾರ್ ನವೀಕರಣಕ್ಕಾಗಿ “Universal Client” ತಂತ್ರಾಂಶ ಅಳವಡಿಸಿಕೊಳ್ಳಲು ನಿರ್ಧರಿಸಲಾಗಿದ್ದು, ದಾಖಲೆಗಳ ನೈಜತೆಯನ್ನು ಆನ್‌ಲೈನ್ ಮೂಲಕ ಪರಿಶೀಲಿಸಿ TC ವಿತರಿಸಲು ತೀರ್ಮಾನಿಸಲಾಗಿದೆ.

ಯಾವ ಮಾದರಿಯ ಟಿಸಿ ಇದು?

ಮುಂದೆ ದಿನಾಂಕ: 03-02-2026ರಂದು ಇಲಾಖಾ ಹಂತದಲ್ಲಿ KSEAB, DigiLocker (CeG) ಮತ್ತು NIC ಅಧಿಕಾರಿಗಳ ಸಭೆ ನಡೆದು ಪ್ರಸ್ತುತ ಸಾಲಿನ 2ನೇ ಪಿಯುಸಿ ವಿದ್ಯಾರ್ಥಿಗಳಿಗೆ ಕಾಗದ ರೂಪದ TC ಬದಲಿಗೆ ಮಂಡಳಿಯ ಫಲಿತಾಂಶ ದತ್ತಾಂಶ (Result Data) ಆಧಾರದಲ್ಲಿ Automated TC ನೀಡಲು ತೀರ್ಮಾನಿಸಲಾಯಿತು..

ಏನೆಲ್ಲಾ ಬದಲಾವಣೆ ಆಗಲಿದೆ?

ಡಿಜಿಟಲ್ TC ನಮೂನೆಯಲ್ಲಿ ಯಾವ ಬದಲಾವಣೆಗಳಾಗಿವೆ ಎಂಬ ವಿವರ ಇಲ್ಲಿದೆ ಅನಾವಶ್ಯಕ ಕಾಲಂಗಳಾದ ಶುಲ್ಕ ಬಾಕಿ, ವಿದ್ಯಾರ್ಥಿ ವೇತನ, ಹಾಜರಾತಿ ಲೆಕ್ಕಾಚಾರ ಕೈಬಿಡಲಾಗುತ್ತದೆ. SATS ಸಂಖ್ಯೆಯ ಜೊತೆಗೆ ಇನ್ನು ಮುಂದೆ “ಪರೀಕ್ಷಾ ನೋಂದಣಿ ಸಂಖ್ಯೆ” ಮತ್ತು “APAAR ID” ಕೂಡ ಟಿಸಿಯಲ್ಲಿ ಅಳವಡಿಸಲಾಗುತ್ತದೆ. ಪ್ರಾಂಶುಪಾಲರು ನಿಗದಿತ ದಿನಾಂಕದೊಳಗೆ SATS ನಲ್ಲಿ ನಡತೆ ನಮೂದಿಸಲು ಅವಕಾಶ ನೀಡಲಾಗಿದೆ. ನಿಗದಿತ ದಿನಾಂಕದ ನಂತರ ಯಾರೂ ನಮೂದಿಸದೆ ಇದ್ದರೆ ತಂತ್ರಾಂಶ ಸ್ವಯಂಚಾಲಿತವಾಗಿ “ಉತ್ತಮ” (Good) ಎಂದು ಮುದ್ರಿಸುತ್ತದೆ. ಮೊದಲ ಹಂತದಲ್ಲಿ ಕೇವಲ “Passed Freshers” ಮಾತ್ರ ಈ ಸೌಲಭ್ಯ ಪಡೆಯಬಹುದು; ಫೇಲಾದ ಅಥವಾ ಮಧ್ಯಂತರ ವಿದ್ಯಾರ್ಥಿಗಳು ಹಳೆಯ ಪದ್ಧತಿಯಲ್ಲಿ ಟಿಸಿ ಪಡೆಯಬೇಕು.

ದಾಖಲಾತಿ ಇನ್ನು ಸುಲಭ

ಇದನ್ನೂ ಓದಿ: PF Money: ಇಡೀ ಪಿಎಫ್‌ ಜಾತಕವೇ ನಿಮ್ಮ ಕಿಸೆಯಲ್ಲಿ; ವಾಟ್ಸಾಪ್‌ನಲ್ಲಿಯೇ 24/7 ಮಾಹಿತಿ, UPI ಪಿನ್ ಹಾಕಿ ಸೆಕೆಂಡುಗಳಲ್ಲಿ ಹಣ ಪಡೆಯಿರಿ!

ಈ ಡಿಜಿಟಲ್ TC ವ್ಯವಸ್ಥೆಯ ಪ್ರಯೋಜನಗಳು ಏನೆಂದರೆ QR Code ಇರುವ ಡಿಜಿಟಲ್ TC ಮೂಲಕ ವಿಶ್ವವಿದ್ಯಾಲಯಗಳು, ಆಧಾರ್ ಕೇಂದ್ರಗಳು ತಕ್ಷಣ ನೈಜತೆ ಪರಿಶೀಲಿಸಬಹುದು. ನಕಲಿ ದಾಖಲೆಗಳ ಭೀತಿ ಇಲ್ಲ! ಶುಲ್ಕ ಬಾಕಿ ಮುಂತಾದ ಅನಾವಶ್ಯಕ ಕಾಲಂಗಳನ್ನು ತೆಗೆದು ಪ್ರಕ್ರಿಯೆ ಸರಳಗೊಳಿಸಲಾಗಿದೆ. ಫಲಿತಾಂಶ ಪ್ರಕಟವಾದ ತಕ್ಷಣ DigiLocker ನಲ್ಲಿ TC ಸಿದ್ಧವಾಗುವುದರಿಂದ ಕಾಲೇಜಿಗೆ ಅಲೆದಾಡದೆ ಉನ್ನತ ಶಿಕ್ಷಣ ಪ್ರವೇಶಾತಿ ಸುಲಭವಾಗಲಿದೆ. ರಾಜ್ಯದ ಎಲ್ಲಾ ಸರ್ಕಾರಿ ಪದವಿ ಪೂರ್ವ ಕಾಲೇಜುಗಳಿಗೆ ಈ ಆದೇಶ ಅನ್ವಯಿಸಲಿದ್ದು, ಶಾಲಾ ಶಿಕ್ಷಣ ಇಲಾಖೆ (ಪದವಿ ಪೂರ್ವ) ನಿರ್ದೇಶಕರು ಮತ್ತು ಕರ್ನಾಟಕ ಶಾಲಾ ಪರೀಕ್ಷೆ ಮತ್ತು ಮೌಲ್ಯನಿರ್ಣಯ ಮಂಡಳಿ (KSEAB) ಈ ಆದೇಶ ಜಾರಿಗೊಳಿಸಲಿದ್ದಾರೆ.

Location :

Bangalore [Bangalore],Bangalore,Karnataka

Source link