CIPET: PUC ಅಥವಾ ITI ಬಳಿಕ ಯಾವ ಕೋರ್ಸ್?

Last Updated:Jul 04, 2026 4:14 PM IST

PUC (ವಿಜ್ಞಾನ) ಅಥವಾ ITI ಮುಗಿಸಿದ್ದೀರಾ? ಮೈಸೂರಿನ ಸಿಪೆಟ್‌ನಲ್ಲಿ ಲ್ಯಾಟರಲ್ ಎಂಟ್ರಿ ಮೂಲಕ ನೇರವಾಗಿ 2ನೇ ವರ್ಷಕ್ಕೆ ಪ್ರವೇಶ ಪಡೆಯುವ ಅವಕಾಶ ಬಂದಿದೆ. ಕ್ಯಾಂಪಸ್ ಪ್ಲೇಸ್‌ಮೆಂಟ್, ಉದ್ಯೋಗಾಧಾರಿತ ತರಬೇತಿ ಹಾಗೂ ಉತ್ತಮ ಭವಿಷ್ಯಕ್ಕಾಗಿ ಈಗಲೇ ಅರ್ಜಿ ಸಲ್ಲಿಸಿ!

ಮೈಸೂರು: ಪಿಯುಸಿ ಸೈನ್ಸ್ ಅಥವಾ ಐಟಿಐ (ITI) ಮುಗಿಸಿ ಮುಂದೆ ಯಾವ ಕೋರ್ಸ್ ತೆಗೆದುಕೊಂಡರೆ ತಕ್ಷಣ ಕೈತುಂಬಾ ಸಂಬಳ ಬರುವ ಕೆಲಸ ಸಿಗುತ್ತದೆ ಎಂದು ತಲೆಕೆಡಿಸಿಕೊಂಡಿದ್ದೀರಾ? ತಾಂತ್ರಿಕ ಶಿಕ್ಷಣ ಪಡೆದು ಸ್ವಂತ ಕಾಲಿನ ಮೇಲೆ ನಿಲ್ಲಬೇಕು ಎಂಬ ಕನಸು ನಿಮ್ಮದಾಗಿದ್ದರೆ, ಇಗೋ ನಿಮಗೊಂದು ಭರ್ಜರಿ ಸಿಹಿಸುದ್ದಿ! ಪ್ಲಾಸ್ಟಿಕ್ ಮತ್ತು ಪಾಲಿಮರ್ ತಂತ್ರಜ್ಞಾನ ಕ್ಷೇತ್ರದಲ್ಲಿ ಇಡೀ ದೇಶದಲ್ಲೇ ಹೆಸರುವಾಸಿಯಾಗಿರುವ ಮೈಸೂರಿನ ಕೇಂದ್ರ ಪೆಟ್ರೋಕೆಮಿಕಲ್ಸ್ ಎಂಜಿನಿಯರಿಂಗ್ ಮತ್ತು ತಂತ್ರಜ್ಞಾನ ಸಂಸ್ಥೆ (CIPET – ಸಿಪೆಟ್) ಯಲ್ಲಿ ಇದೀಗ 2026-27ನೇ ಶೈಕ್ಷಣಿಕ ಸಾಲಿನ ಡಿಪ್ಲೋಮಾ ಕೋರ್ಸ್‌ಗಳಿಗೆ ಪ್ರವೇಶಾತಿ ಆರಂಭವಾಗಿದೆ. ಇದು ಕೇವಲ ಒಂದು ಡಿಪ್ಲೋಮಾ ಕೋರ್ಸ್ ಅಲ್ಲ, ನಿಮ್ಮ ಉಜ್ವಲ ಭವಿಷ್ಯದ ಪಾಸ್‌ಪೋರ್ಟ್!

ನಿಮಗೆ ಕಾದಿದೆ ದೊಡ್ಡ ಸರ್ಪ್ರೈಸ್

ಇಲ್ಲಿನ ಅತಿ ದೊಡ್ಡ ಸರ್ಪ್ರೈಸ್ ಎಂದರೆ, ಐಟಿಐ ಹಾಗೂ ಪಿಯುಸಿ (ವಿಜ್ಞಾನ ವಿಭಾಗ) ಉತ್ತೀರ್ಣರಾದ ವಿದ್ಯಾರ್ಥಿಗಳು ಮೊದಲನೇ ವರ್ಷದಿಂದ ಕಲಿಯುವ ಅಗತ್ಯವೇ ಇಲ್ಲ! ‘ಲ್ಯಾಟರಲ್ ಎಂಟ್ರಿ’ (ನೇರ ಪ್ರವೇಶ) ಮೂಲಕ ನೀವು ನೇರವಾಗಿ ಡಿಪ್ಲೋಮಾ ಕೋರ್ಸ್‌ನ ಎರಡನೇ ವರ್ಷಕ್ಕೆ ಅಂದರೆ ಮೂರನೇ ಸೆಮಿಸ್ಟರ್‌ಗೆ ಪ್ರವೇಶ ಪಡೆಯುವ ಸುವರ್ಣ ಅವಕಾಶವನ್ನು ಸಿಪೆಟ್ ಕಲ್ಪಿಸಿದೆ. ‌

ಯಾವೆಲ್ಲಾ ಕೋರ್ಸ್‌ಗಳಿಗೆ ಅರ್ಜಿ ಆಹ್ವಾನ ನೀಡಲಾಗಿದೆ?

ಇದರಿಂದ ನಿಮ್ಮ ಅಮೂಲ್ಯವಾದ ಒಂದು ವರ್ಷದ ಸಮಯ ಉಳಿತಾಯವಾಗಲಿದ್ದು, ಬೇಗನೇ ಕೈಗಾರಿಕಾ ರಂಗಕ್ಕೆ ಪದಾರ್ಪಣೆ ಮಾಡಬಹುದು. ವಯಸ್ಸಿನ ಯಾವುದೇ ಮಿತಿ ಇಲ್ಲದಿರುವುದು ಈ ಕೋರ್ಸ್‌ನ ಮತ್ತೊಂದು ವಿಶೇಷ. ಡಿಪ್ಲೋಮಾ ಇನ್ ಪ್ಲಾಸ್ಟಿಕ್ಸ್ ಮೌಲ್ಡ್ ಟೆಕ್ನಾಲಜಿ (DPMT) ಮತ್ತು ಡಿಪ್ಲೋಮಾ ಇನ್ ಪ್ಲಾಸ್ಟಿಕ್ಸ್ ಟೆಕ್ನಾಲಜಿ (DPT) ಎಂಬ ಅತ್ಯಂತ ಬೇಡಿಕೆಯಿರುವ ಎಐಸಿಟಿಇ (AICTE) ಅನುಮೋದಿತ ಕೋರ್ಸ್‌ಗಳು ಇಲ್ಲಿ ಲಭ್ಯವಿವೆ.

ಏನೆಲ್ಲಾ ಉದ್ಯೋಗಾವಕಾಶ ಇದೆ?

ಅಷ್ಟಕ್ಕೂ ಸಿಪೆಟ್‌ನಲ್ಲಿ ಓದಿದರೆ ಉದ್ಯೋಗ ಗ್ಯಾರಂಟಿ ಅಂತ ಯಾಕೆ ಹೇಳ್ತಾರೆ ಗೊತ್ತಾ? ಇದೊಂದು ಗುಣಮಟ್ಟದ ಶಿಕ್ಷಣ ನೀಡುವ ಪ್ರತಿಷ್ಠಿತ ರಾಷ್ಟ್ರೀಯ ಸಂಸ್ಥೆಯಾಗಿದ್ದು, ಇಲ್ಲಿನ ವಿದ್ಯಾರ್ಥಿಗಳಿಗೆ ಕೇವಲ ಪುಸ್ತಕದ ಬದನೆಕಾಯಿ ಕಲಿಸುವುದಿಲ್ಲ! ಬದಲಾಗಿ ಅತ್ಯಾಧುನಿಕ ಪ್ರಯೋಗಾಲಯಗಳಲ್ಲಿ 100% ಪ್ರಾಯೋಗಿಕ ತರಬೇತಿ, ಕೈಗಾರಿಕಾ ಕೌಶಲ್ಯಾಭಿವೃದ್ಧಿ ಹಾಗೂ ಇಂಟರ್ನ್‌ಶಿಪ್‌ಗೆ ಅತಿ ಹೆಚ್ಚು ಒತ್ತು ನೀಡಲಾಗುತ್ತದೆ. ಅಂತಿಮ ಸೆಮಿಸ್ಟರ್‌ಗೆ ಬರುತ್ತಿದ್ದಂತೆಯೇ ದೇಶ-ವಿದೇಶಗಳ ಪ್ರತಿಷ್ಠಿತ ಪ್ಲಾಸ್ಟಿಕ್, ಪಾಲಿಮರ್ ಮತ್ತು ಪೆಟ್ರೋಕೆಮಿಕಲ್ ಕಂಪನಿಗಳು ಕ್ಯಾಂಪಸ್ ಪ್ಲೇಸ್‌ಮೆಂಟ್ ಮೂಲಕ ವಿದ್ಯಾರ್ಥಿಗಳನ್ನು ಅಪ್ಪಿಕೊಂಡು ಕೆಲಸಕ್ಕೆ ಕರೆದೊಯ್ಯುತ್ತವೆ.

ಮೊದಲು ಬಂದವರಿಗೆ ಆದ್ಯತೆ

ಇಂತಹ ಅದ್ಭುತ ಅವಕಾಶಕ್ಕಾಗಿ ಕಾದು ಕುಳಿತವರು ಸಾವಿರಾರು ಜನರಿದ್ದಾರೆ. ಆದರೆ, ಸಂಸ್ಥೆಯಲ್ಲಿ ಸೀಟುಗಳು ಬಹಳ ಸೀಮಿತವಾಗಿವೆ! ಮೊದಲು ಬಂದವರಿಗೆ ಮೊದಲ ಆದ್ಯತೆ (First Come, First Served) ಆಧಾರದ ಮೇಲೆ ಮೆರಿಟ್ ಮುಖಾಂತರ ಪ್ರವೇಶ ನೀಡಲಾಗುತ್ತಿದ್ದು, ಅರ್ಜಿ ಸಲ್ಲಿಸುವ ಅವಧಿ ಶೀಘ್ರದಲ್ಲೇ ಮುಕ್ತಾಯವಾಗಲಿದೆ. ಹಾಗಾಗಿ ಕೊನೆ ಕ್ಷಣದವರೆಗೂ ಕಾಯಬೇಡಿ. ಆನ್‌ಲೈನ್ ಅಥವಾ ಆಫ್‌ಲೈನ್ ಮೂಲಕ ತಕ್ಷಣವೇ ಅರ್ಜಿ ಸಲ್ಲಿಸಿ. ಹೆಚ್ಚಿನ ಮಾಹಿತಿಗಾಗಿ, ಶುಲ್ಕದ ವಿವರ ಹಾಗೂ ಅಗತ್ಯ ದಾಖಲೆಗಳ ಬಗ್ಗೆ ತಿಳಿಯಲು ಅಧಿಕೃತ ವೆಬ್‌ಸೈಟ್ www.cipet.gov.in ಗೆ ಭೇಟಿ ನೀಡಿ.

ಮೈಸೂರಿಗೆ ಬಂದು ಇವರನ್ನು ಸಂಪರ್ಕಿಸಿ

ಇದನ್ನೂ ಓದಿ: Mysuru: ಅಂಬಾರಿ ಆನೆ ಅಭಿಮನ್ಯು ದಂತ ಭಗ್ನ; ಮರದ ದಿಮ್ಮಿ ಸಾಗಿಸುವಾಗ ದಂತದ ತುದಿ ಕಟ್

ನೇರವಾಗಿ ಸಂಪರ್ಕಿಸಲು ಮೈಸೂರಿನ ಹೆಬ್ಬಾಳ ಕೈಗಾರಿಕಾ ಪ್ರದೇಶದಲ್ಲಿರುವ (ನಂ.437/A) ಸಿಪೆಟ್ ಕಚೇರಿಗೆ ಭೇಟಿ ನೀಡಿ. ಯಾವುದೇ ಗೊಂದಲಗಳಿದ್ದರೆ 8124489163, 0821-2516322, 94802-53024 ಅಥವಾ 97914-31827 ಈ ಸಂಖ್ಯೆಗಳಿಗೆ ಈಗಲೇ ಕರೆ ಮಾಡಿ, ಇಲ್ಲವೇ mysore@cipet.gov.in ಗೆ ಇ-ಮೇಲ್ ಮಾಡಿ ಮಾಹಿತಿ ಪಡೆಯಿರಿ ಎಂದು ಸಿಪೆಟ್‌ನ ಜಂಟಿ ನಿರ್ದೇಶಕರು ತಿಳಿಸಿದ್ದಾರೆ. ನಿಮ್ಮ ಉಜ್ವಲ ಭವಿಷ್ಯದ ಬಾಗಿಲು ಈಗ ತೆರೆದಿದೆ, ಈ ಗೋಲ್ಡನ್ ಚಾನ್ಸ್ ಮಾತ್ರ ಮಿಸ್ ಮಾಡ್ಕೋಬೇಡಿ!

Location :

Mysore,Karnataka

Source link