Job Update: 30 ದಾಟಿದ್ರೂ ಪರವಾಗಿಲ್ಲ, SSLC

ಇಲ್ಲಿದೆ ಕೆಲಸದ ಸಂಪೂರ್ಣ ವಿವರ

ಜಿಲ್ಲಾ ಉದ್ಯೋಗ ವಿನಿಮಯ ಕೇಂದ್ರದ ವತಿಯಿಂದ ಇದೇ ಜೂನ್ 2ರಂದು ಬೃಹತ್ ನೇರ ಸಂದರ್ಶನ (Walk-in Interview) ಏರ್ಪಡಿಸಲಾಗಿದೆ. ಯಾವೆಲ್ಲಾ ಹುದ್ದೆಗಳು ಖಾಲಿ ಇವೆ? ಯಾರೆಲ್ಲಾ ಭಾಗವಹಿಸಬಹುದು? ಸಂಬಳ ಎಷ್ಟು? ಸಂಪೂರ್ಣ ಡೀಟೇಲ್ಸ್ ಇಲ್ಲಿದೆ ನೋಡಿ.

ಯಾವೆಲ್ಲಾ ಕಂಪನಿಗಳು ಭಾಗಿ?

ಈ ಬೃಹತ್ ನೇರ ಸಂದರ್ಶನದಲ್ಲಿ ಪ್ರಮುಖವಾಗಿ ಮೂರು ಸಂಸ್ಥೆಗಳು ಭಾಗವಹಿಸುತ್ತಿದ್ದು, ನೂರಾರು ಹುದ್ದೆಗಳಿಗೆ ನೇಮಕಾತಿ ಮಾಡಿಕೊಳ್ಳುತ್ತಿವೆ

ನೆಟ್ಟೂರು ಟೆಕ್ನಿಕಲ್ ಟ್ರೈನಿಂಗ್ ಫೌಂಡೇಶನ್ (NTTF) – ಬೆಂಗಳೂರು (ಖ್ಯಾತ ಟೆಕ್ನಿಕಲ್ ತರಬೇತಿ ಸಂಸ್ಥೆ)
ಜೆಸಿ.ಗ್ರೂಪ್ ಡಾಟ್‌ಕಾಂ (JC Group Dot Com)
ಗಾಲ್ಟಿ ಎಸ್ಟೇಟ್ ಚಿಕ್ಕಮಗಳೂರು

ಖಾಲಿ ಇರುವ ಹುದ್ದೆಗಳು ಯಾವುವು?

* ಸುಪರ್‌ವೈಸರ್ (Supervisor)

* ಡಿಪ್ಲೋಮಾ ಸರ್ಟಿಫಿಕೇಶನ್ ಪ್ರೊಗ್ರಾಮ್ (NCVET)

* ಟೆಲಿಕಾಲರ್ (Telecaller)

* ಮಾರ್ಕೆಟಿಂಗ್ ಎಕ್ಸಿಕ್ಯುಟಿವ್

* ಆಫೀಸ್ ಎಕ್ಸಿಕ್ಯುಟಿವ್

* ಸೋಷಿಯಲ್ ಮೀಡಿಯಾ ಸ್ಟಾಫ್ / ಫ್ರೀಲಾನ್ಸ್ ಕಾರ್ಡಿನೇಟರ್

* AC (ಏರ್ ಕಂಡಿಷನಿಂಗ್) ಟೆಕ್ನಿಷಿಯನ್

* CSE (ಕಂಪ್ಯೂಟರ್ ಸೈನ್ಸ್ / ಸೇಲ್ಸ್ ಎಕ್ಸಿಕ್ಯುಟಿವ್)

ಎಷ್ಟು ಸಂಬಳ ಸಿಗಬಹುದು?

ಚಿಕ್ಕಮಗಳೂರಿನ ಜಿಲ್ಲಾ ಉದ್ಯೋಗ ವಿನಿಮಯ ಕೇಂದ್ರದ ಕಚೇರಿಯಲ್ಲಿ 2026ರ ಜೂನ್ 2ರಂದು ಬೆಳಿಗ್ಗೆ 10:30ಕ್ಕೆ ಉಚಿತ ಉದ್ಯೋಗ ಸಂದರ್ಶನವನ್ನು ಆಯೋಜಿಸಲಾಗಿದೆ. ಈ ಪ್ರಕ್ರಿಯೆಯಲ್ಲಿ ಯಾವುದೇ ಮಧ್ಯವರ್ತಿಗಳಿಲ್ಲದೆ ಸಂಪೂರ್ಣ ಉಚಿತವಾಗಿ ಪ್ರವೇಶ ನೀಡಲಾಗುತ್ತಿದ್ದು, 18 ರಿಂದ 35 ವರ್ಷದೊಳಗಿನ ಪುರುಷ ಮತ್ತು ಮಹಿಳಾ ಅಭ್ಯರ್ಥಿಗಳು ಭಾಗವಹಿಸಬಹುದಾಗಿದೆ. ಎಸ್‌ಎಸ್‌ಎಲ್‌ಸಿ, ಪಿಯುಸಿ, ಡಿಪ್ಲೋಮಾ, ಐಟಿಐ ಹಾಗೂ ಯಾವುದೇ ಪದವಿ ಮುಗಿಸಿದ ಅಭ್ಯರ್ಥಿಗಳಿಗೆ ಇಲ್ಲಿ ವಿವಿಧ ಹುದ್ದೆಗಳ ಅವಕಾಶವಿದೆ.

ಉದ್ಯೋಗ ಮೇಳದಲ್ಲಿ ಲಭ್ಯವಿರುವ ಪ್ರಮುಖ ಹುದ್ದೆಗಳು ಮತ್ತು ಅವುಗಳ ವೇತನದ ವಿವರ

ಸುಪರ್‌ವೈಸರ್: ಆರಂಭಿಕ ವೇತನ ₹15,000 ರಿಂದ ₹22,000 ಹಾಗೂ ಅನುಭವದ ಆಧಾರದ ಮೇಲೆ ₹20,000 ರಿಂದ ₹30,000 ವರೆಗೆ ಸಿಗಲಿದ್ದು, ಇದರೊಂದಿಗೆ PF, ESI ಮತ್ತು ಇನ್ಸೆಂಟಿವ್ ಸೌಲಭ್ಯವಿರಲಿದೆ.ಟೆಲಿಕಾಲರ್: ₹10,000 ರಿಂದ ₹15,000 (ಅನುಭವಕ್ಕೆ ₹14,000 – ₹20,000) ವೇತನದೊಂದಿಗೆ ಇನ್ಸೆಂಟಿವ್ ಮತ್ತು PF ಲಭ್ಯವಿರುತ್ತದೆ.ಮಾರ್ಕೆಟಿಂಗ್ ಎಕ್ಸಿಕ್ಯುಟಿವ್: ₹12,000 ರಿಂದ ₹18,000 (ಅನುಭವಕ್ಕೆ ₹18,000 – ₹25,000) ವೇತನ ಹಾಗೂ ಟ್ರಾವೆಲ್ ಅಲೌನ್ಸ್ ಮತ್ತು ಕಮಿಷನ್ ನೀಡಲಾಗುತ್ತದೆ.ಆಫೀಸ್ ಎಕ್ಸಿಕ್ಯುಟಿವ್: ₹12,000 ರಿಂದ ₹16,000 (ಅನುಭವಕ್ಕೆ ₹15,000 – ₹22,000) ವೇತನ ಶ್ರೇಣಿ ಇರಲಿದೆ.ಸೋಷಿಯಲ್ ಮೀಡಿಯಾ ಸ್ಟಾಫ್: ₹10,000 ರಿಂದ ₹18,000 (ಅನುಭವಕ್ಕೆ ₹15,000 – ₹25,000) ಸಂಬಳದೊಂದಿಗೆ ಪರ್ಫಾರ್ಮೆನ್ಸ್ ಬೋನಸ್ ಸಿಗಲಿದೆ.AC ಟೆಕ್ನಿಷಿಯನ್: ₹14,000 ರಿಂದ ₹20,000 (ಅನುಭವಕ್ಕೆ ₹18,000 – ₹28,000) ವೇತನದ ಜೊತೆಗೆ ಓವರ್‌ಟೈಮ್ ಮತ್ತು ಟೂಲ್ಸ್ ಅಲೌನ್ಸ್ ಇರಲಿದೆ.CSE / ಡಿಪ್ಲೋಮಾ ಪ್ರೋಗ್ರಾಮ್: ₹13,000 ರಿಂದ ₹20,000 (ಅನುಭವಕ್ಕೆ ₹18,000 – ₹26,000) ವೇತನ ನಿಗದಿಪಡಿಸಲಾಗಿದೆ.

ಏನೆಲ್ಲಾ ತರಬೇಕು?

ಇದನ್ನೂ ಓದಿ: Tourist Place: 6000 ಅಡಿ ಎತ್ತರದಲ್ಲಿ ಭೀಮನ ಗದೆಯಿಂದ ಹುಟ್ಟಿದ ಕೆರೆ, ಚಿಕ್ಕಮಗಳೂರಿನಲ್ಲಿರುವ ಈ ಸ್ವರ್ಗದ ಬಗ್ಗೆ ನಿಮಗೆ ಗೊತ್ತಾ?

ವಿಶೇಷವಾಗಿ ಟೆಲಿಕಾಲರ್ ಮತ್ತು ಮಾರ್ಕೆಟಿಂಗ್ ಹುದ್ದೆಗಳಿಗೆ ಆಕರ್ಷಕ ಇನ್ಸೆಂಟಿವ್ಸ್ ಇರಲಿದ್ದು, NTTF ಸಂಬಂಧಿತ ಹುದ್ದೆಗಳಿಗೆ ಆಯ್ಕೆಯಾಗುವವರಿಗೆ ಉಚಿತ ತರಬೇತಿಯೊಂದಿಗೆ ಉತ್ತಮ ವೇತನದ ನಿರೀಕ್ಷೆಯಿದೆ. ಸಂದರ್ಶನದಲ್ಲಿ ಭಾಗವಹಿಸಲು ಇಚ್ಛಿಸುವವರು ಹೆಚ್ಚಿನ ಜನಸಂದಣಿಯನ್ನು ತಪ್ಪಿಸಲು ನಿಗದಿತ ಸಮಯಕ್ಕಿಂತ ಮುಂಚಿತವಾಗಿ, ಅಂದರೆ ಬೆಳಿಗ್ಗೆ 10:00 ಗಂಟೆಗೆ ಸ್ಥಳದಲ್ಲಿ ಹಾಜರಿರಬೇಕು. ಅಭ್ಯರ್ಥಿಗಳು ತಮ್ಮೊಂದಿಗೆ 3 ಸೆಟ್ ಆಕರ್ಷಕ ರೆಸ್ಯೂಮ್ (ಬಯೋಡೇಟಾ), ಇತ್ತೀಚಿನ ಪಾಸ್‌ಪೋರ್ಟ್ ಅಳತೆಯ ಫೋಟೋಗಳು ಹಾಗೂ ಎಲ್ಲಾ ಶೈಕ್ಷಣಿಕ ದಾಖಲಾತಿಗಳ ಮೂಲ ಪ್ರತಿಗಳು ಮತ್ತು ಜೆರಾಕ್ಸ್ ಕಾಪಿಗಳನ್ನು ಕಡ್ಡಾಯವಾಗಿ ಒಯ್ಯಬೇಕಾಗುತ್ತದೆ. ಈ ಉದ್ಯೋಗಾವಕಾಶದ ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು 08262-295538 ಅಥವಾ 9945198500 ಸಂಖ್ಯೆಗಳಿಗೆ ಕರೆ ಮಾಡಿ ಸಂಪರ್ಕಿಸಬಹುದಾಗಿದೆ.

Source link