Last Updated:
ಧಾರವಾಡ ಕೃಷಿ ಮಹಾವಿದ್ಯಾಲಯದ ಜೈವಿಕ ತಂತ್ರಜ್ಞಾನ ವಿಭಾಗದಲ್ಲಿ DBT-Builder ಯೋಜನೆಗೆ ರಿಸರ್ಚ್ ಅಸೋಸಿಯೇಟ್ ತಾತ್ಕಾಲಿಕ ಹುದ್ದೆ, ಸಂದರ್ಶನ ಜೂನ್ 4, 2026ರಂದು ಬೆಳಿಗ್ಗೆ 11ಕ್ಕೆ
ಧಾರವಾಡ: ನೀವು ಕೃಷಿ (Agriculture) ಕ್ಷೇತ್ರದಲ್ಲಿ ಸಂಶೋಧನೆ ಮಾಡಲು ಆಸಕ್ತಿ ಹೊಂದಿದ್ದೀರಾ? ಹಾಗಾದರೆ ನಿಮಗೊಂದು ಸುವರ್ಣಾವಕಾಶ ಇಲ್ಲಿದೆ. ಧಾರವಾಡದ (Dharwad) ಪ್ರತಿಷ್ಠಿತ ಕೃಷಿ ಮಹಾವಿದ್ಯಾಲಯವು ತನ್ನ ಜೈವಿಕ ತಂತ್ರಜ್ಞಾನ ವಿಭಾಗದಲ್ಲಿ ‘DBT-Builder’ ಯೋಜನೆಯಡಿ ‘ರಿಸರ್ಚ್ ಅಸೋಸಿಯೇಟ್’ ಹುದ್ದೆಗಾಗಿ ಅರ್ಹ ಅಭ್ಯರ್ಥಿಗಳಿಂದ ಅರ್ಜಿಗಳನ್ನು (Application) ಆಹ್ವಾನಿಸಿದೆ.
ಸಂದರ್ಶನದ ಮಾಹಿತಿ
ಆಸಕ್ತ ಮತ್ತು ಅರ್ಹ ಅಭ್ಯರ್ಥಿಗಳು ತಮ್ಮ ವಿದ್ಯಾರ್ಹತೆಗೆ ಸಂಬಂಧಿಸಿದ ಎಲ್ಲಾ ಅಸಲಿ ದಾಖಲೆಗಳ ಎರಡು ಪ್ರತಿಗಳನ್ನು ತೆಗೆದುಕೊಂಡು, ಜೂನ್ 4, 2026ರಂದು ಬೆಳಿಗ್ಗೆ 11 ಗಂಟೆಗೆ ಕೃಷಿ ಮಹಾವಿದ್ಯಾಲಯದ ಡೀನ್ (ಕೃಷಿ) ಅವರ ಕಚೇರಿಯಲ್ಲಿ ನಡೆಯುವ ಸಂದರ್ಶನಕ್ಕೆ ಹಾಜರಾಗಬೇಕು. ಸಂದರ್ಶನಕ್ಕೆ ಮುಂಚಿತವಾಗಿ ಯಾವುದೇ ಪ್ರತ್ಯೇಕ ಅರ್ಜಿ ಸಲ್ಲಿಕೆಯ ಅಗತ್ಯವಿಲ್ಲ, ಸಂದರ್ಶನ ದಿನದಂದೇ ನೇರವಾಗಿ ಹಾಜರಾಗಬಹುದು.
ನೇಮಕಾತಿಯ ಸ್ವರೂಪ
ಈ ನೇಮಕಾತಿಯು ಪ್ರಸ್ತುತ ತಾತ್ಕಾಲಿಕ ಆಧಾರದ ಮೇಲೆ ನಡೆಯಲಿದೆ. ಈ ಬಗ್ಗೆ ಕೃಷಿ ಮಹಾವಿದ್ಯಾಲಯದ ಡೀನ್ ಅವರು ಸ್ಪಷ್ಟಪಡಿಸಿದ್ದು, ಈ ನೇಮಕಾತಿಯು ಕೃಷಿ ವಿಶ್ವವಿದ್ಯಾಲಯದ ಯಾವುದೇ ಖಾಯಂ ಉದ್ಯೋಗದ ಹಕ್ಕಿಗೆ ಒಳಪಡುವುದಿಲ್ಲ. ಯೋಜನೆ ಅಥವಾ ಸಂಸ್ಥೆಯ ಅವಶ್ಯಕತೆಗೆ ಅನುಗುಣವಾಗಿ, ಯಾವುದೇ ಮುನ್ಸೂಚನೆ ಇಲ್ಲದೆಯೇ ಕೆಲಸದಿಂದ ತೆಗೆಯುವ ಅಧಿಕಾರವನ್ನು ಆಡಳಿತ ಮಂಡಳಿ ಹೊಂದಿರುತ್ತದೆ ಎಂದು ತಿಳಿಸಲಾಗಿದೆ.
ಯಾರು ಭಾಗವಹಿಸಬಹುದು?
ಕೃಷಿ ವಿಜ್ಞಾನ ಅಥವಾ ಜೈವಿಕ ತಂತ್ರಜ್ಞಾನ ವಿಷಯಗಳಲ್ಲಿ ಉತ್ತಮ ಅಂಕಗಳೊಂದಿಗೆ ಪದವಿ ಪಡೆದವರು ಈ ಸಂದರ್ಶನದಲ್ಲಿ ಭಾಗವಹಿಸಲು ಅರ್ಹರು. ಆಸಕ್ತರು ಜೂನ್ 4ರಂದು ನಿಗದಿತ ಸಮಯಕ್ಕೆ ಮುನ್ನವೇ ಕಚೇರಿಗೆ ತಲುಪಿ, ಸಂದರ್ಶನದ ಮೂಲಕ ಹೆಚ್ಚಿನ ಮಾಹಿತಿಗಳನ್ನು ಪಡೆಯಬಹುದಾಗಿದೆ.
Location :
Hubli-Dharwad (Hubli),Dharwad,Karnataka
