Last Updated:
ನೀವೂ ಕೂಡ ಬಿ.ಎಡ್, ಟಿ-ಇಟಿ ಬರೆದು ಸರ್ಕಾರಿ ನೇಮಕಾತಿಗಾಗಿ ಕಾಯ್ತಿದ್ದೀರಾ? ಹಾಗಾದರೆ ಇಲ್ಲಿ ನಿಮಗಾಗಿ ಭಾರೀ ಉದ್ಯೋಗಾವಕಾಶ ಕಾದಿದೆ. ಆರ್ಜಿ ಸಲ್ಲಿಸಲು ಜೂನ್ 15 ಕೊನೆಯ ದಿನಾಂಕ, ಹೀಗಾಗಿ ಬೇಗ ಬೇಗನೇ ಅರ್ಜಿ ಸಲ್ಲಿಸಿ
ಧಾರವಾಡ; ನೀವು ಡಿ.ಎಡ್ ಅಥವಾ ಬಿ.ಎಡ್ ಮುಗಿಸಿ ಉದ್ಯೋಗದ ಹುಡುಕಾಟದಲ್ಲಿದ್ದೀರಾ? ಹಾಗಾದರೆ ನಿಮಗೊಂದು ಭರ್ಜರಿ ಸಿಹಿ ಸುದ್ದಿ ಇಲ್ಲಿದೆ! ಸಮಗ್ರ ಶಿಕ್ಷಣ ಕರ್ನಾಟಕ (SSK) ಯೋಜನೆಯ ಸಮನ್ವಯ ಶಿಕ್ಷಣದ ಅಡಿಯಲ್ಲಿ ಧಾರವಾಡ ಜಿಲ್ಲೆಯಲ್ಲಿ ವಿಶೇಷ ಸಂಪನ್ಮೂಲ ಶಿಕ್ಷಕರ (Special Resource Teachers) ನೇರಗುತ್ತಿಗೆ ನೇಮಕಾತಿಗೆ ಅರ್ಜಿ ಆಹ್ವಾನಿಸಲಾಗಿದೆ.
ಆದರೆ ನೆನಪಿರಲಿ, ಇಲ್ಲಿ ಸಮಯ ಬಹಳ ಕಮ್ಮಿ ಇದೆ! ಅರ್ಜಿ ಸಲ್ಲಿಸಲು ಜೂನ್ 15, 2026 ನೇಯ ದಿನಾಂಕವಾಗಿದ್ದು, ಇಂದು ಜೂನ್ 12 ಆಗಿರುವುದರಿಂದ ನಿಮ್ಮ ಕೈಯಲ್ಲಿ ಇನ್ನು ಕೇವಲ 3 ದಿನಗಳು ಮಾತ್ರ ಬಾಕಿ ಉಳಿದಿವೆ. ಲೇಟ್ ಮಾಡಿದರೆ ಈ ಭರ್ಜರಿ ಅವಕಾಶ ನಿಮ್ಮ ಕೈತಪ್ಪಿ ಹೋಗುವುದು ಗ್ಯಾರಂಟಿ!
ನೇಮಕಾತಿ ವಿಧಾನ: ಇದು ಸಂಪೂರ್ಣವಾಗಿ ನೇರಗುತ್ತಿಗೆ (Direct Contract) ಆಧಾರಿತ ನೇಮಕಾತಿಯಾಗಿದೆ.
ಮುಖ್ಯ ಜವಾಬ್ದಾರಿ: ವಿಶೇಷ ಅಗತ್ಯಗಳುಳ್ಳ ಮಕ್ಕಳು (CWSN) ಸಾಮಾನ್ಯ ಶಾಲೆಗಳಲ್ಲಿ ಒಟ್ಟಿಗೆ ಕಲಿಯುವುದನ್ನು ಸುಗಮಗೊಳಿಸುವುದು ಮತ್ತು ಅವರಿಗೆ ಶೈಕ್ಷಣಿಕ ಬೆಂಬಲ ನೀಡುವುದು ಈ ಹುದ್ದೆಯ ಪ್ರಮುಖ ಕೆಲಸವಾಗಿದೆ.
ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಭಾರತೀಯ ಪುನರ್ವಸತಿ ಪರಿಷತ್ (RCI) ಪ್ರಮಾಣಪತ್ರ ಹೊಂದುವುದು ಕಡ್ಡಾಯವಾಗಿದೆ.
ಪ್ರಾಥಮಿಕ ಹಂತ (1ರಿಂದ 5ನೇ ತರಗತಿ): D.Ed in Special Education ಅಥವಾ D.El.Ed (Special Education) ಮುಗಿಸಿರಬೇಕು.
ಮಧ್ಯಮ ಮತ್ತು ಪ್ರೌಢ ಹಂತ (6ರಿಂದ 12ನೇ ತರಗತಿ): B.Ed in Special Education ಪದವಿ ಹೊಂದಿರಬೇಕು.
ಇದು ತಾತ್ಕಾಲಿಕ ಗುತ್ತಿಗೆ ಆಧಾರಿತ ಹುದ್ದೆಯಾಗಿದ್ದರೂ, ಉತ್ತಮ ಮಾಸಿಕ ಗೌರವಧನವನ್ನು ನೀಡಲಾಗುತ್ತದೆ. ಪ್ರಾಥಮಿಕ ಹಂತದ ಶಿಕ್ಷಕರಿಗೆ ತಿಂಗಳಿಗೆ ಅಂದಾಜು ₹15,000 ದಿಂದ ₹20,000 ವರೆಗೆ ಗೌರವಧನ ಇರಲಿದೆ. ಪ್ರೌಢ ಶಾಲಾ ಹಂತದ ಶಿಕ್ಷಕರಿಗೆ ತಿಂಗಳಿಗೆ ಅಂದಾಜು ₹20,000 ದಿಂದ ₹25,000 ಕ್ಕೂ ಹೆಚ್ಚು ಗೌರವಧನ ಸಿಗಲಿದೆ.
ಅರ್ಜಿ ಸಲ್ಲಿಸುವುದು ಹೇಗೆ? ತಕ್ಷಣ ಇಲ್ಲಿ ಸಂಪರ್ಕಿಸಿ!
ಆಸಕ್ತ ಅರ್ಹ ಅಭ್ಯರ್ಥಿಗಳು ತಮ್ಮ ಶೈಕ್ಷಣಿಕ ದಾಖಲೆಗಳು, RCI ಪ್ರಮಾಣಪತ್ರ, ಆಧಾರ್ ಕಾರ್ಡ್ ಹಾಗೂ ಫೋಟೋಗಳೊಂದಿಗೆ ತಕ್ಷಣವೇ ಧಾರವಾಡದ ಸಮಗ್ರ ಶಿಕ್ಷಣ ಕಚೇರಿ ಅಥವಾ ಶಾಲಾ ಶಿಕ್ಷಣ ಇಲಾಖೆಯ ಉಪನಿರ್ದೇಶಕರ (DDPI) ಕಚೇರಿಗೆ ಭೇಟಿ ನೀಡಿ ಆಫ್ಲೈನ್ ಮೂಲಕ ಅರ್ಜಿ ಸಲ್ಲಿಸಬೇಕಾಗುತ್ತದೆ. ಈ ನೇಮಕಾತಿಗೆ ಸಂಬಂಧಿಸಿದಂತೆ ಯಾವುದೇ ಗೊಂದಲಗಳಿದ್ದರೆ ಅಥವಾ ಹೆಚ್ಚಿನ ಮಾಹಿತಿ ಬೇಕಿದ್ದಲ್ಲಿ ತಕ್ಷಣವೇ ಸಮಗ್ರ ಶಿಕ್ಷಣ ಕರ್ನಾಟಕದ ಅಧಿಕೃತ ದೂರವಾಣಿ ಸಂಖ್ಯೆ 9964362480 ಗೆ ಕರೆ ಮಾಡಿ ವಿವರ ಪಡೆಯಬಹುದು. ವಿಶೇಷ ಮಕ್ಕಳ ಜೀವನದಲ್ಲಿ ಬೆಳಕಾಗುವಂತಹ ಅತ್ಯಂತ ಪ್ರಭಾವಶಾಲಿ ಕೆಲಸ ಇದಾಗಿದ್ದು, ಭವಿಷ್ಯದ ಖಾಯಂ ಸರ್ಕಾರಿ ಹುದ್ದೆಗಳ ನೇಮಕಾತಿಗೆ ಈ ಅನುಭವ ಪ್ರಮಾಣಪತ್ರವು ತುಂಬಾ ಸಹಕಾರಿಯಾಗಲಿದೆ. ಹಾಗಾಗಿ ಸಮಯ ವ್ಯರ್ಥ ಮಾಡದೆ ಇಂದೇ ಅರ್ಜಿ ಸಲ್ಲಿಸಿ!
Hubli-Dharwad (Hubli),Dharwad,Karnataka
