Last Updated:
ಮಂಡ್ಯದಲ್ಲಿ ಅಲ್ಪಸಂಖ್ಯಾತ ಮಹಿಳೆಯರಿಗಾಗಿ ಹೊಸ ಪದವಿ ಪೂರ್ವ ಕಾಲೇಜು ಆರಂಭ, 180 ಸೀಟು, ವಿಜ್ಞಾನ, ವಾಣಿಜ್ಯ, ಕಲಾ ವಿಭಾಗ, ಶುಲ್ಕ ವಿನಾಯಿತಿ, ವಿದ್ಯಾರ್ಥಿವೇತನ, ಹಾಸ್ಟೆಲ್ ಸೌಲಭ್ಯ ಲಭ್ಯ
ಮಂಡ್ಯ: ಉನ್ನತ ಶಿಕ್ಷಣದ ಕನಸು ಕಾಣುತ್ತಿರುವ ಮಂಡ್ಯ (Mandya) ಜಿಲ್ಲೆಯ ಅಲ್ಪಸಂಖ್ಯಾತ ಮಹಿಳೆಯರಿಗೆ ಇದೊಂದು ಸುವರ್ಣ ಅವಕಾಶ. ಕರ್ನಾಟಕ ಸರ್ಕಾರದ ಅಲ್ಪಸಂಖ್ಯಾತರ ಕಲ್ಯಾಣ ಇಲಾಖೆ ರಾಜ್ಯದ 31 ಜಿಲ್ಲೆಗಳಲ್ಲಿ ಅಲ್ಪಸಂಖ್ಯಾತ ಮಹಿಳಾ ಪದವಿ ಪೂರ್ವ ಕಾಲೇಜುಗಳನ್ನು ತೆರೆಯುವ ಮಹತ್ವಾಕಾಂಕ್ಷಿ ಯೋಜನೆ (Ambitious Project) ಹಾಕಿಕೊಂಡಿದ್ದು, ಅದರ ಭಾಗವಾಗಿ 2026-27ನೇ ಶೈಕ್ಷಣಿಕ ಸಾಲಿನಲ್ಲಿ ಮಂಡ್ಯದಲ್ಲೂ ಹೊಸ ಅಲ್ಪಸಂಖ್ಯಾತ ಮಹಿಳಾ ಪದವಿ ಪೂರ್ವ ಕಾಲೇಜು ಪ್ರಾರಂಭಗೊಂಡಿದೆ.
ಈ ಕಾಲೇಜಿನಲ್ಲಿ ಪ್ರಥಮ ಪಿ.ಯು.ಸಿ ಗೆ ಮೂರು ವಿಭಾಗಗಳಲ್ಲಿ ಪ್ರವೇಶ ನೀಡಲಾಗುತ್ತಿದೆ. ವಿಜ್ಞಾನ (PCMB), ವಾಣಿಜ್ಯ (CEBA) ಮತ್ತು ಕಲಾ (HEPS). ಪ್ರತಿ ವಿಭಾಗಕ್ಕೆ 60 ಸೀಟುಗಳಂತೆ ಒಟ್ಟು 180 ಸೀಟುಗಳು ಮೊದಲ ವರ್ಷದಲ್ಲಿ ಲಭ್ಯವಿವೆ. ಇದು ಮಹಿಳೆಯರಿಗೆ ಮಾತ್ರ ಮೀಸಲಾದ ಕಾಲೇಜಾಗಿದ್ದು ಸುರಕ್ಷಿತ ಮತ್ತು ಉತ್ತೇಜಕ ಶಿಕ್ಷಣ ವಾತಾವರಣ ಒದಗಿಸಲಿದೆ.
ಅಲ್ಪಸಂಖ್ಯಾತ ಕಲ್ಯಾಣ ಇಲಾಖೆ ಕಾಲೇಜುಗಳಲ್ಲಿ ಸಾಮಾನ್ಯವಾಗಿ ಅಲ್ಪಸಂಖ್ಯಾತರಿಗೆ 75% ಮತ್ತು SC/ST/OBC ವಿದ್ಯಾರ್ಥಿನಿಯರಿಗೆ 25% ಸೀಟುಗಳು ಮೀಸಲಿರುತ್ತವೆ. ಶುಲ್ಕ ವಿನಾಯಿತಿ, ವಿದ್ಯಾಸಿರಿ ವಿದ್ಯಾರ್ಥಿವೇತನ ಮತ್ತು ಹಾಸ್ಟೆಲ್ ಸೌಲಭ್ಯಗಳೂ ಲಭ್ಯವಾಗಲಿವೆ. ಮಂಡ್ಯದ ಮಹಿಳೆಯರಿಗೆ ದೂರ ಹೋಗದೆ ಸ್ಥಳೀಯವಾಗಿಯೇ ಉನ್ನತ ಶಿಕ್ಷಣ ಪಡೆಯುವ ಅವಕಾಶ ಇದರಿಂದ ಒದಗಿ ಬಂದಿದೆ.
ಏನೆಲ್ಲಾ ಪ್ರಮಾಣಪತ್ರಗಳು ಬೇಕು?
ಕಾಲೇಜು ಇರುವ ಸ್ಥಳ, ವಿವೇಕಾನಂದ ನಗರ ಕೆರೆಯಂಗಳದ ಮೌಲಾನಾ ಆಜಾದ್ ಭವನ, ಅಲ್ಪಸಂಖ್ಯಾತರ ಕಲ್ಯಾಣ ಇಲಾಖೆ ಜಿಲ್ಲಾ ಅಧಿಕಾರಿಗಳ ಕಚೇರಿ, ಮಂಡ್ಯ. ಹೆಚ್ಚಿನ ಮಾಹಿತಿಗೆ ಪ್ರಾಂಶುಪಾಲರಾದ ನಂದಿನಿ ಅವರನ್ನು ಮೊಬೈಲ್ ಸಂಖ್ಯೆ 8892212574 ರಲ್ಲಿ ಅಥವಾ ಕಚೇರಿ ದೂರವಾಣಿ 08232-297240 ರಲ್ಲಿ ಸಂಪರ್ಕಿಸಬಹುದು. ಅರ್ಜಿ ಸಲ್ಲಿಸಲು SSLC ಮಾರ್ಕ್ಕಾರ್ಡ್, ಜಾತಿ ಮತ್ತು ಆದಾಯ ಪ್ರಮಾಣಪತ್ರ, ಆಧಾರ್ ಕಾರ್ಡ್ ಸೇರಿದ ಅಗತ್ಯ ದಾಖಲೆಗಳು ಸಿದ್ಧವಿರಿಸಿ. ಹೆಚ್ಚಿನ ಮಾಹಿತಿಗೆ dom.karnataka.gov.in ವೆಬ್ಸೈಟ್ ಕೂಡ ಪರಿಶೀಲಿಸಬಹುದು.
Mandya,Mandya,Karnataka
