Admission: ಮಹಿಳೆಯರಿಗೆ ಫುಲ್ ಫ್ರೀ!

Last Updated:May 07, 2026 6:18 PM IST

ದಕ್ಷಿಣ ಕನ್ನಡ ಸರ್ಕಾರಿ ಕೈಗಾರಿಕಾ ತರಬೇತಿ ಸಂಸ್ಥೆ 2026-27 ಪ್ರವೇಶಕ್ಕೆ ಮೇ 8ರವರೆಗೆ ಆನ್‌ಲೈನ್ ಅರ್ಜಿ ಆಹ್ವಾನ, SSLC ಪಾಸ್ 14-40 ವಯಸ್ಸಿನವರಿಗೆ Fitter ಮತ್ತು Refrigeration ಕೋರ್ಸ್, ಮಹಿಳೆಗೆ ಉಚಿತ

ದಕ್ಷಿಣ ಕನ್ನಡ: ಎಸ್ಸೆಸ್ಸೆಲ್ಸಿ ಪಾಸ್ ಮಾಡಿ ಮುಂದೇನು ಎಂಬ ದೊಡ್ಡ ಪ್ರಶ್ನೆ ಕಾಡುತ್ತಿದೆಯಾ? ಕಡಿಮೆ ಖರ್ಚಿನಲ್ಲಿ ಕೇಂದ್ರ ಸರ್ಕಾರ (Government) ಮಾನ್ಯತೆ ಪಡೆದ ತರಬೇತಿ ಪಡೆದು ಭಾರತ ಮಾತ್ರವಲ್ಲ ವಿದೇಶದಲ್ಲೂ ಕೆಲಸ ಸಿಗಬೇಕೆಂಬ ಕನಸಿದೆಯಾ? ಹಾಗಿದ್ದರೆ ಈ ಸುದ್ದಿ (News) ನಿಮಗಾಗಿಯೇ ಇದೆ! ಕೈಗಾರಿಕಾ ತರಬೇತಿ ಮತ್ತು ಉದ್ಯೋಗ ಇಲಾಖೆ 2026-27ನೇ ಶೈಕ್ಷಣಿಕ ಸಾಲಿನ ಪ್ರವೇಶಕ್ಕೆ ಅಧಿಸೂಚನೆ ಹೊರಡಿಸಿದ್ದು, ಅರ್ಜಿ ಸಲ್ಲಿಸಲು ನಾಳೆ ಮೇ 8, 2026 ಕೊನೆಯ ದಿನ ಇನ್ನು ತಡ ಮಾಡಿದರೆ ಅವಕಾಶ ಕೈತಪ್ಪಬಹುದು!

ದಶಕಗಳ ಭರವಸೆ ಹೊಂದಿದ ಸಂಸ್ಥೆ

1997ರಲ್ಲಿ ಸ್ಥಾಪನೆಯಾದ ದಕ್ಷಿಣ ಕನ್ನಡ ಜಿಲ್ಲೆಯ ಬೆಳ್ತಂಗಡಿ ತಾಲೂಕಿನ ಮಾಲಾಡಿ ಪೋಸ್ಟ್‌ನಲ್ಲಿರುವ (ಪಿನ್: 574224) ಸರ್ಕಾರಿ ಕೈಗಾರಿಕಾ ತರಬೇತಿ ಸಂಸ್ಥೆ (MIS ಕೋಡ್: GR29000259), NCVT — ಕೇಂದ್ರ ಸರ್ಕಾರದ ಮಾನ್ಯತೆ ಪಡೆದ ಈ ಸಂಸ್ಥೆ ಪ್ರವೇಶಕ್ಕೆ ಏಪ್ರಿಲ್ 27 ರಿಂದ ಮೇ 8, 2026ರವರೆಗೆ ಆನ್‌ಲೈನ್ ಅರ್ಜಿ ಆಹ್ವಾನಿಸಿದೆ. SSLC (10ನೇ ತರಗತಿ) ಪಾಸ್ ಆದ 14 ರಿಂದ 40 ವರ್ಷ ವಯಸ್ಸಿನ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದು.

2 ವರ್ಷದ ಕೋರ್ಸ್‌ಗಳು ಲಭ್ಯ

ಈ ಸಂಸ್ಥೆಯಲ್ಲಿ ಪ್ರಸ್ತುತ ಎರಡು ಪ್ರಮುಖ 2 ವರ್ಷದ ಟ್ರೇಡ್‌ಗಳು ಲಭ್ಯವಿದೆ. ಯಂತ್ರಾಂಶ, ಫಿಟ್ಟಿಂಗ್ ಮತ್ತು ಅಸೆಂಬ್ಲಿ ಕೌಶಲ್ಯ ನೀಡುವ Fitter (NSQF) ಮತ್ತು AC, ಫ್ರಿಜ್, ಕೂಲಿಂಗ್ ಸಿಸ್ಟಮ್ ತಜ್ಞರನ್ನು ತಯಾರಿಸುವ Refrigeration & Air Conditioning Technician (MRAC). ಪ್ರತಿ ಟ್ರೇಡ್‌ನಲ್ಲಿ 20 ರಿಂದ 32ಕ್ಕೂ ಹೆಚ್ಚು ಸೀಟುಗಳು, I ಮತ್ತು II ಶಿಫ್ಟ್‌ಗಳಲ್ಲಿ ತರಬೇತಿ ನೀಡಲಾಗುತ್ತದೆ. ಸರ್ಕಾರಿ ಸೀಟುಗಳ ಜೊತೆಗೆ ಮ್ಯಾನೇಜ್‌ಮೆಂಟ್/IMC ಕೋಟಾ ಸೀಟುಗಳೂ ಲಭ್ಯ.

ಮಹಿಳೆಯರಿಗೆ ಸಂಪೂರ್ಣ ಉಚಿತ!

ಇನ್ನು ವಿಶೇಷ ಸೌಲಭ್ಯಗಳ ಬಗ್ಗೆ ಕೇಳ್ತೀರಾ? ಮಹಿಳಾ ಅಭ್ಯರ್ಥಿಗಳಿಗೆ ಸಂಪೂರ್ಣ ಉಚಿತ ಪ್ರವೇಶ! ಗ್ರಾಮೀಣ ಪ್ರದೇಶದ ವಿದ್ಯಾರ್ಥಿಗಳಿಗೆ, ಕನ್ನಡ ಮಾಧ್ಯಮದ ಅಭ್ಯರ್ಥಿಗಳಿಗೆ ಗ್ರೇಸ್ ಮಾರ್ಕ್‌ಗಳು, SC/ST/OBC ವರ್ಗಕ್ಕೆ ಮೀಸಲಾತಿ, ದಿವ್ಯಾಂಗರಿಗೆ 5% ಸೀಟುಗಳು ಮತ್ತು ವಿಶೇಷ ವರ್ಗಗಳಿಗೆ ವಯಸ್ಸಿನ ರಿಯಾಯಿತಿಯೂ ಇದೆ. ತರಬೇತಿ ಮುಗಿದ ನಂತರ ಕೇಂದ್ರ ಸರ್ಕಾರದಿಂದ NTC (National Trade Certificate) ಸಿಗುತ್ತದೆ. ಇದರಿಂದ ಭಾರತದ ಖಾಸಗಿ ಮತ್ತು ಸರ್ಕಾರಿ ಉದ್ಯೋಗ ಮಾತ್ರವಲ್ಲ, ವಿಶ್ವದ ಎಲ್ಲಾ ದೇಶಗಳಲ್ಲೂ ಉದ್ಯೋಗ ಪಡೆಯಲು ಅರ್ಹತೆ ಇರುತ್ತದೆ. ಸ್ವಯಂ ಉದ್ಯೋಗ ಆರಂಭಿಸಲು ಸರ್ಕಾರಿ ಸಹಾಯ ಮತ್ತು ಸಬ್ಸಿಡಿಯೂ ಲಭ್ಯ.

ಅರ್ಜಿ ಸಲ್ಲಿಸುವ ವಿವರ, ಸಂಪರ್ಕಿಸಬೇಕಾದ ವಿಳಾಸ

ಇದನ್ನೂ ಓದಿ: Surya Temple: ಮಂಗಳೂರಿನ ಈ 1200 ವರ್ಷ ಹಳೆಯ ಸೂರ್ಯ ದೇವಸ್ಥಾನದಲ್ಲಿ ಹೊಸ ಇತಿಹಾಸ, ಭಕ್ತರಿಗಾಗಿ ಆರಂಭವಾಗಿದೆ ವಿಶೇಷ ಸೇವೆ!

ಅರ್ಜಿ ಸಲ್ಲಿಸಲು cite.karnataka.gov.in ವೆಬ್‌ಸೈಟ್‌ಗೆ ಭೇಟಿ ನೀಡಿ — SSLC ಮಾರ್ಕ್‌ಕಾರ್ಡ್/ಪ್ರಮಾಣಪತ್ರ, ಆಧಾರ್ ಕಾರ್ಡ್ (ಮೊಬೈಲ್ ಲಿಂಕ್ ಆಗಿರಲಿ), ಜಾತಿ/ಆದಾಯ ಪ್ರಮಾಣಪತ್ರ, ನಿವಾಸ ಪ್ರಮಾಣಪತ್ರ, ಗ್ರಾಮೀಣ/ಕನ್ನಡ ಮಾಧ್ಯಮ ಪ್ರಮಾಣಪತ್ರ, ಪಾಸ್‌ಪೋರ್ಟ್ ಸೈಜ್ ಫೋಟೋ ಮತ್ತು ಸಹಿ ಮೊದಲೇ ಸ್ಕ್ಯಾನ್ ಮಾಡಿ ಸಿದ್ಧಪಡಿಸಿಕೊಳ್ಳಿ. ಅರ್ಜಿ ಸಬ್‌ಮಿಟ್ ಆದ ನಂತರ ಪ್ರಿಂಟ್ ಔಟ್ ತೆಗೆದಿಟ್ಟುಕೊಳ್ಳಿ. ಸೀಟ್ ಅಲಾಟ್‌ಮೆಂಟ್ ಮೆರಿಟ್-ಕಮ್-ರಿಸರ್ವೇಶನ್ ಆಧಾರದಲ್ಲಿ ನಡೆಯಲಿದೆ. ಹೆಚ್ಚಿನ ಮಾಹಿತಿಗೆ ಸಂಸ್ಥೆಯ ಪ್ರಾಚಾರ್ಯ ರಮೇಶ್ ನಾಯ್ಕ್ ಅವರನ್ನು 6361060652 | 9611375614 | 9481016250 | 08256-200606 | 08256-279106 ಮೂಲಕ ಸಂಪರ್ಕಿಸಿ. ಈ ಸಂಸ್ಥೆಯ ಇ-ಮೈಲ್: govitibelth@rediffmail.com | ವೆಬ್‌ಸೈಟ್: itibelthangady.com ನಾಳೆಯೇ ಮೇ 8 ಕೊನೆಯ ದಿನ, ಇಂದೇ ಅರ್ಜಿ ಸಲ್ಲಿಸಿ!

Location :

Dakshina Kannada,Karnataka

Source link