Last Updated:
ಮೈಸೂರು ಸರ್ಕಾರಿ ಐಟಿಐಯಲ್ಲಿ ಜೂನ್ 10, 2026ರಂದು ಬೆಳಿಗ್ಗೆ 9ಕ್ಕೆ ಬೃಹತ್ ಜಾಬ್ ಫೇರ್, ಐಟಿಐ ತರಬೇತಿ ಪಡೆಯುತ್ತಿರುವ ಮತ್ತು ಪೂರ್ಣಗೊಳಿಸಿದ ಅಭ್ಯರ್ಥಿಗಳಿಗೆ ಉದ್ಯೋಗ, ಅಪ್ರೆಂಟಿಸ್ ಅವಕಾಶಗಳು
ಮೈಸೂರು: ಐಟಿಐ ಮುಗಿಸಿ ಕೈತುಂಬಾ ಸಂಬಳ (Salary) ಬರುವ ಕೆಲಸದ ಹುಡುಕಾಟದಲ್ಲಿದ್ದೀರಾ? ಕೈಗಾರಿಕಾ ಕ್ಷೇತ್ರದಲ್ಲಿ ನಿಮ್ಮ ವೃತ್ತಿಜೀವನ ರೂಪಿಸಿಕೊಳ್ಳಲು ಉತ್ತಮ ಅವಕಾಶಕ್ಕಾಗಿ (Opportunity) ಕಾಯುತ್ತಿದ್ದೀರಾ? ಹಾಗಾದರೆ ಸಾಂಸ್ಕೃತಿಕ ನಗರಿ ಮೈಸೂರಿನ ಯುವಕರಿಗೆ (Mysuru) ಇಲ್ಲೊಂದು ಸುವರ್ಣಾವಕಾಶವಿದೆ. ಸರ್ಕಾರಿ ಕೈಗಾರಿಕಾ ತರಬೇತಿ ಸಂಸ್ಥೆ (ಐಟಿಐ) ವತಿಯಿಂದ ಬೃಹತ್ ಉದ್ಯೋಗ ಮತ್ತು ಅಪ್ರೆಂಟಿಸ್ಶಿಪ್ ಮೇಳ (Job Fair) ವನ್ನು ಆಯೋಜಿಸಲಾಗಿದ್ದು, ವಿವಿಧ ಪ್ರತಿಷ್ಠಿತ ಕೈಗಾರಿಕೆಗಳು, ಉತ್ಪಾದನಾ ಘಟಕಗಳು ಹಾಗೂ ಸೇವಾ ವಲಯದ ಸಂಸ್ಥೆಗಳು ನೇರವಾಗಿ ಸ್ಥಳದಲ್ಲೇ ಅಭ್ಯರ್ಥಿಗಳನ್ನು ಆಯ್ಕೆ ಮಾಡಿಕೊಳ್ಳಲಿವೆ.
ಉದ್ಯೋಗ ಮೇಳದ ಕಂಪ್ಲೀಟ್ ಡೀಟೇಲ್ಸ್ ಇಲ್ಲಿದೆ
- ದಿನಾಂಕ: ಜೂನ್ 10, 2026 (ಬುಧವಾರ)
- ಸಮಯ: ಬೆಳಿಗ್ಗೆ 9:00 ಗಂಟೆಗೆ ಪ್ರಾರಂಭ
- ಸ್ಥಳ: ಸರ್ಕಾರಿ ಕೈಗಾರಿಕಾ ತರಬೇತಿ ಸಂಸ್ಥೆ (ITI), ಎನ್.ಆರ್. ಮೊಹಲ್ಲಾ, ಮೈಸೂರು- 570007 (ಮೈಸೂರು-ಬೆಂಗಳೂರು ರಸ್ತೆ)
ಈ ಮೇಳದಲ್ಲಿ ಪಾಲ್ಗೊಳ್ಳಲು ಈ ಕೆಳಗಿನ ಅಭ್ಯರ್ಥಿಗಳಿಗೆ ಅವಕಾಶ ಕಲ್ಪಿಸಲಾಗಿದೆ
* ಮೈಸೂರು ಮತ್ತು ಶ್ರೀರಂಗಪಟ್ಟಣ ಸರ್ಕಾರಿ ಐಟಿಐಗಳಿಗೆ ಸಂಯೋಜನೆಗೊಂಡಿರುವ ಇತರೆ ತರಬೇತಿ ಸಂಸ್ಥೆಗಳ ವಿದ್ಯಾರ್ಥಿಗಳು.
* 2026ನೇ ಸಾಲಿನಲ್ಲಿ ಐಟಿಐನ ವಿವಿಧ ವೃತ್ತಿಗಳಲ್ಲಿ ತರಬೇತಿ ಪಡೆಯುತ್ತಿರುವ ಹಿರಿಯ ತರಬೇತಿದಾರರು (Senior Trainees).
* ಈಗಾಗಲೇ ಐಟಿಐ ತರಬೇತಿ ಪೂರ್ಣಗೊಳಿಸಿ ಉತ್ತೀರ್ಣರಾಗಿರುವ ಅಭ್ಯರ್ಥಿಗಳು.
* ಆಧಾರ್ ಕಾರ್ಡ್
* ಇತ್ತೀಚಿನ ಪಾಸ್ಪೋರ್ಟ್ ಅಳತೆಯ ಭಾವಚಿತ್ರಗಳು
* ಅಪ್ಡೇಟ್ ಮಾಡಲಾದ ರೆಸ್ಯೂಮ್ (ಬಯೋಡೇಟಾ)
ಹೆಚ್ಚಿನ ಮಾಹಿತಿಗಾಗಿ ಯಾರನ್ನು ಸಂಪರ್ಕಿಸಬೇಕು?
* ಬೋಪಯ್ಯ (ಉಪ ಪ್ರಾಚಾರ್ಯರು):99457 11787
* ನಾಗೇಶ್ ಎಂ.ಎಚ್. (ತರಬೇತಿ ಅಧಿಕಾರಿ): 99456 16088
ಇದೊಂದು ಪ್ರಧಾನ ಮಂತ್ರಿ ರಾಷ್ಟ್ರೀಯ ಅಪ್ರೆಂಟಿಸ್ಶಿಪ್ ಮೇಳದಂತಹ ಮಾದರಿಯ ಬೃಹತ್ ಅವಕಾಶವಾಗಿದ್ದು, ತರಬೇತಿ ಮುಗಿಸಿದ ಯುವಕರು ನೇರವಾಗಿ ಕೈಗಾರಿಕೆಗಳ ಸಂಪರ್ಕ ಬೆಳೆಸಲು ಉತ್ತಮ ವೇದಿಕೆಯಾಗಿದೆ. ಈ ಅವಕಾಶವನ್ನು ಸದುಪಯೋಗಪಡಿಸಿಕೊಂಡು ನಿಮ್ಮ ಭವಿಷ್ಯದ ವೃತ್ತಿಜೀವನಕ್ಕೆ ಭದ್ರ ಬುನಾದಿ ಹಾಕಿಕೊಳ್ಳಿ.
Mysore,Mysore,Karnataka
May 31, 2026 11:30 AM IST
Job Update: ನಿಮ್ಮದು ಐಟಿಐ ಆಗಿದ್ಯಾ? ಹಾಗಾದರೆ ಇನ್ನೂ 10 ದಿನದಲ್ಲಿ ತರಬೇತಿ ಸಮೇತ ಕೆಲಸ ಸಿಗುತ್ತೆ, ಇಲ್ಲಿ ಬನ್ನಿ ಸಾಕು
