Last Updated:
ಪಿಯುಸಿ ಫೇಲ್ ವಿದ್ಯಾರ್ಥಿಗಳಿಗೆ ಅವಕಾಶ, ಬೆಂಗಳೂರು ಕಿಲ್ಟ್ ನಲ್ಲಿ ಲೆದರ್ ಫ್ಯಾಷನ್ ಡಿಪ್ಲೊಮಾ ಕೋರ್ಸ್ ಗೆ ಅರ್ಜಿ ಆಹ್ವಾನ, ವಾರ್ಷಿಕ ಶುಲ್ಕ ಕಡಿಮೆ, ಎಸ್ ಸಿ ಗೆ ಉಚಿತ, 100 ಪರ್ಸೆಂಟ್ ಪ್ಲೇಸ್ಮೆಂಟ್.
ಬೆಂಗಳೂರು: ಪಿಯುಸಿ ಪರೀಕ್ಷೆಯಲ್ಲಿ(PUC Exam) ಅನುತ್ತೀರ್ಣರಾದ ವಿದ್ಯಾರ್ಥಿಗಳಿಗೆ (Students) ಭವಿಷ್ಯ ಕತ್ತಲಾಯಿತು ಎಂದು ಕೈ ಚೆಲ್ಲುವ ಅಗತ್ಯವಿಲ್ಲ. ಕರ್ನಾಟಕ ಸರ್ಕಾರದ (Karnataka Government) ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಕರ್ನಾಟಕ ಇನ್ಸ್ಟಿಟ್ಯೂಟ್ ಆಫ್ ಲೆದರ್ & ಫ್ಯಾಷನ್ ಟೆಕ್ನಾಲಜಿ (ಕಿಲ್ಟ್) ಅವರಿಗಾಗಿ ಸುವರ್ಣ ಅವಕಾಶ (Golden Opportunity) ತೆರೆದಿದೆ. ಬೆಂಗಳೂರಿನ ಕೆಂಗೇರಿ/ಉಲ್ಲಾಳ್ ಪ್ರದೇಶದಲ್ಲಿರುವ ಈ ಸಂಸ್ಥೆ ಚರ್ಮ, ಪಾದರಕ್ಷೆ, ಫ್ಯಾಷನ್ ಮತ್ತು ಲೆದರ್ ಗೂಡ್ಸ್ ಕ್ಷೇತ್ರದಲ್ಲಿ ತರಬೇತಿ ನೀಡುವ ರಾಜ್ಯದ ಏಕೈಕ ಸರ್ಕಾರಿ ತಾಂತ್ರಿಕ ಸಂಸ್ಥೆಯಾಗಿದ್ದು, ಪ್ರಸ್ತುತ ಪ್ರವೇಶ ಅರ್ಜಿ ಸ್ವೀಕರಿಸಲಾಗುತ್ತಿದೆ.
ಎಸ್ಎಸ್ಎಲ್ಸಿ ಪಾಸ್ ಆಗಿರುವ ಯಾರು ಬೇಕಾದರೂ ಈ ಕೋರ್ಸ್ಗಳಿಗೆ ಅರ್ಜಿ ಸಲ್ಲಿಸಬಹುದು. ಪಿಯುಸಿ ಫೇಲ್ ಆಗಿದ್ದರೂ ಸಮಸ್ಯೆ ಇಲ್ಲ. ಪಿಯುಸಿ (ಸೈನ್ಸ್) ಪಾಸ್ ಆದ ವಿದ್ಯಾರ್ಥಿಗಳು ನೇರವಾಗಿ 2ನೇ ವರ್ಷಕ್ಕೆ ಪ್ರವೇಶ ಪಡೆಯಬಹುದು. AICTE ಮತ್ತು ಡಿಟಿಇ ಅನುಮೋದಿತ ಕೋರ್ಸ್ಗಳಿರುವ ಈ ಸಂಸ್ಥೆಯಲ್ಲಿ ಕೇವಲ 45 ಸೀಟುಗಳು ಲಭ್ಯವಿದ್ದು ಮೆರಿಟ್ ಆಧಾರದಲ್ಲಿ ಆಯ್ಕೆ ನಡೆಯಲಿದೆ.
ಸರ್ಕಾರಿ ಸಂಸ್ಥೆಯಾದ್ದರಿಂದ ವಾರ್ಷಿಕ ಶುಲ್ಕ ಕೇವಲ ಸುಮಾರು ₹3,600 ಮಾತ್ರ. SC ವರ್ಗದ ವಿದ್ಯಾರ್ಥಿಗಳಿಗೆ ಸರ್ಕಾರದ ಪೂರ್ಣ ಸ್ಪಾನ್ಸರ್ಶಿಪ್ ಅಡಿಯಲ್ಲಿ ಸಂಪೂರ್ಣ ಉಚಿತವಾಗಿ ಕಲಿಯಬಹುದು.
100% ಪ್ಲೇಸ್ಮೆಂಟ್ ಮತ್ತು ಹಾಸ್ಟೆಲ್ ಸೌಲಭ್ಯ
ಸಂಸ್ಥೆಯ ಟ್ರೈನಿಂಗ್ & ಪ್ಲೇಸ್ಮೆಂಟ್ ಸೆಲ್ ಮೂಲಕ 100% ಉದ್ಯೋಗ ನೆರವು ನೀಡಲಾಗುತ್ತದೆ. ಚರ್ಮ ಉದ್ಯಮ ಕಂಪನಿಗಳು ಮತ್ತು ಫ್ಯಾಷನ್ ಎಕ್ಸ್ಪೋರ್ಟ್ ಹೌಸ್ಗಳಲ್ಲಿ ನೇರ ನೇಮಕಾತಿ ಅವಕಾಶ ಇದೆ. ಕೋರ್ಸ್ ಮುಗಿಸಿದ ನಂತರ ಲೆದರ್ ಟೆಕ್ನಿಷಿಯನ್, ಫುಟ್ವೇರ್ ಡಿಸೈನರ್, ಕ್ವಾಲಿಟಿ ಮ್ಯಾನೇಜರ್ ಸೇರಿದಂತೆ ವಿವಿಧ ಹುದ್ದೆಗಳಿಗೆ ₹15,000 ರಿಂದ ₹50,000ವರೆಗೆ ಆರಂಭಿಕ ವೇತನ ಪಡೆಯಬಹುದು. ಪುರುಷ ಮತ್ತು ಮಹಿಳಾ ವಿದ್ಯಾರ್ಥಿಗಳಿಗೆ ಪ್ರತ್ಯೇಕ ಹಾಸ್ಟೆಲ್ ಸೌಲಭ್ಯ, ಲ್ಯಾಬ್ಗಳು, ವರ್ಕ್ಶಾಪ್, ಲೈಬ್ರರಿ ಮತ್ತು ಇಂಡಸ್ಟ್ರಿ ಎಕ್ಸ್ಪೋಶರ್ ಸೌಲಭ್ಯಗಳೂ ಇವೆ. ಅರ್ಜಿ ಸಲ್ಲಿಸಲು ಎಸ್ಎಸ್ಎಲ್ಸಿ/ಪಿಯುಸಿ ಮಾರ್ಕ್ಕಾರ್ಡ್, ಜಾತಿ/ಆದಾಯ ಪ್ರಮಾಣಪತ್ರ ಮತ್ತು ಫೋಟೋ ಅಗತ್ಯವಿದೆ. ಹೆಚ್ಚಿನ ಮಾಹಿತಿಗೆ 8618484321 ಗೆ ಕರೆ ಮಾಡಿ ಅಥವಾ kiltbangalore133@gmail.com ಗೆ ಇಮೇಲ್ ಮಾಡಿ. ಅಧಿಕೃತ ವೆಬ್ಸೈಟ್ kilt.karnataka.gov.in ಮೂಲಕ ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸಬಹುದು.
Bangalore [Bangalore],Bangalore,Karnataka
