CET Result 2026: ಸಿಇಟಿಯಲ್ಲಿ ಬೆಂಗಳೂರು ವಿದ್ಯಾರ್ಥಿನಿ ಸಾಧನೆ! ಒಂದಲ್ಲ, ಎರಡಲ್ಲ, ಐದು ವಿಷಯಗಳಲ್ಲಿ ಟಾಪರ್!

ಸಿಇಟಿ ಪರೀಕ್ಷೆಯಲ್ಲಿ ಸಾಧನೆ ಮಾಡಿರೋ ನಯನ ಗೋಪಿ ಅವರು ನ್ಯೂಸ್​18 ಕನ್ನಡ ಜೊತೆ ಮಾತನಾಡಿ ಸಂತಸ ಹಂಚಿಕೊಂಡರು. ಸಿಇಟಿ ರಿಸಲ್ಟ್​​ ಬಗ್ಗೆ ಮಾತನಾಡಿರುವ ಅವರು, ಟಾಪ್ 10ರಲ್ಲಿ  ಬರುವ ನಿರೀಕ್ಷೆ ಇತ್ತು, ಟಾಪ್ 1 ಪ್ಲೇಸ್ ಬಂದಿರುವುದಕ್ಕೆ ಖುಷಿಯಾಗಿದೆ. ಐದು ವಿಷಯಗಳಲ್ಲಿ ಟಾಪರ್ ಆಗಿರುವುದು ತುಂಬಾನೇ ಖುಷಿ ಕೊಟ್ಟಿದೆ, ನಾನು ಮೆಡಿಕಲ್ ಹೋಗಲು ಇಷ್ಟಪಡುತ್ತೇನೆ. ನೀಟ್ ಪರೀಕ್ಷೆ ಚೆನ್ನಾಗಿ ಬರೆದಿದ್ದೆ, ಆದ್ರೆ, ಮತ್ತೊಮ್ಮೆ ಪರೀಕ್ಷೆ ಬರೆಯಬೇಕಲ್ಲ ಎಂದು ವಿದ್ಯಾರ್ಥಿನಿ ನಯನ ಗೋಪಿ ಅವರು ಬೇಸರ ಹೊರಹಾಕಿದರು.

ಇಂಜಿನಿಯರಿಂಗ್​ನಲ್ಲಿ ಬೆಂಗಳೂರಿನ ಆರ್​.ವಿ ಕಾಲೇಜು ವಿದ್ಯಾರ್ಥಿನಿ ತನಿಶಾ ಕಾರ್ತಿಕ್​ ಅವರು ಮೊದಲ ​​ರ್ಯಾಂಕ್​ ಬಂದಿದ್ದಾರೆ. ಈ ಬಗ್ಗೆ ನ್ಯೂಸ್​18 ಜೊತೆ ಮಾತನಾಡಿರುವ ಅವರು, ನನ್ನ ಕನಸು ಯಾವಾಗಲೂ ಟಾಪ್ 10 ರ್ಯಾಂಕ್ ಬರ್ಬೇಕು ಅಂತ ಇತ್ತು, ದೇವರ ಕೃಪೆಯಿಂದ  ರಾಜ್ಯಕ್ಕೆ ಫಸ್ಟ್ ರ್ಯಾಂಕ್ ಬಂದಿದ್ದೇನೆ. ನನ್ನ ಶಿಕ್ಷಕರು ಹೇಳುತ್ತಿದ್ದರು. ನೀನು ರ್ಯಾಂಕ್ ಬರುತ್ತೀಯಾ ಅಂತ, ಅವ್ರು ಹೇಳೋದು ನನಗೆ ಮೋಟಿವೇಷನ್ ಸಿಗ್ತಿತ್ತು, ಪ್ರತಿದಿನ 7 ಗಂಟೆ ಮಲಗುತ್ತಿದ್ದೆ, ಉಳಿದ ಸಮಯ ಓದಿದ್ದೆ ಜಾಸ್ತಿ, ನಾನು ಕಂಪ್ಯೂಟರ್ ಸೈನ್ಸ್ ಇಂಜಿನಿಯರ್ ಮಾಡ್ಬೇಕು ಅನ್ಕೊಂಡಿದೀನಿ, ನಮ್ಮ ಮೇಲೆ ನಂಬಿಕೆ ಇದ್ರೆ ರ್ಯಾಂಕ್ ಬರುತ್ತೆ, ಶ್ರಮ ಪಟ್ಟರೆ ರ್ಯಾಂಕ್ ಸಿಗುತ್ತೆ, ನನಗೆ ಎಲ್ಲಾ ವಿಷಯಗಳು ಇಷ್ಟ ಇದ್ದವು, ತುಂಬ ಖುಷಿ ಆಗುತ್ತಿದೆ ಎರಡು ವರ್ಷದ ಶ್ರಮ ಇಂದು ನನಸಾಗಿದೆ ಎಂದು ಹೇಳಿದರು.