Railway Job: ರೈಲ್ವೆ ಇಲಾಖೆಯ ಬೃಹತ್‌

ಅರ್ಜಿ ಸಲ್ಲಿಕೆ ಇಂದಿನಿಂದಲೇ ಆರಂಭ!

ಅರ್ಜಿ ಸಲ್ಲಿಕೆ ಮೇ 15, 2026 ರಂದು ಆರಂಭವಾಗಿದ್ದು, ಅರ್ಜಿ ಸಲ್ಲಿಸಲು ಕೊನೆಯ ದಿನ ಜೂನ್ 14, 2026 (ರಾತ್ರಿ 23:59 ಗಂಟೆ). ಅರ್ಜಿಗಳನ್ನು ಕೇವಲ ಆನ್‌ಲೈನ್ ಮೂಲಕ ಮಾತ್ರ www.rrbapply.gov.in ವೆಬ್‌ಸೈಟ್‌ನಲ್ಲಿ ಸಲ್ಲಿಸಬೇಕು. ಬೇರೆ ಯಾವುದೇ ಮಾರ್ಗ ಸ್ವೀಕಾರಾರ್ಹವಲ್ಲ.

ಹುದ್ದೆಯ ವಿವರ ಹೀಗಿದೆ

ಅಸಿಸ್ಟೆಂಟ್ ಲೋಕೋ ಪೈಲಟ್ (ALP) ಹುದ್ದೆ 7ನೇ CPC ಅನ್ವಯ ಪೇ ಲೆವೆಲ್ 2 ರಲ್ಲಿ ಇದ್ದು, ಆರಂಭಿಕ ವೇತನ ₹19,900 ಆಗಿದೆ. ವಯೋಮಿತಿ ಜುಲೈ 1, 2026 ರ ಅನ್ವಯ 18 ರಿಂದ 30 ವರ್ಷದೊಳಗೆ ಇರಬೇಕು. ಶೈಕ್ಷಣಿಕ ಅರ್ಹತೆ ಮತ್ತು ವೈದ್ಯಕೀಯ ಮಾನದಂಡಗಳ ಸಂಪೂರ್ಣ ವಿವರ ಈ ವರದಿಯಲ್ಲಿ ಕೊಡಲಾಗಿದೆ.

ಆಧಾರ್‌ ಸರಿಯಾಗಿದ್ದರೆ ಮಾತ್ರ ಅರ್ಜಿ ಸ್ವೀಕಾರಾರ್ಹ!

ಅರ್ಜಿ ಭರ್ತಿ ಮಾಡುವಾಗ ಒಂದು ಮಹತ್ವದ ವಿಷಯ ತಿಳಿದಿರಬೇಕು. ಅಭ್ಯರ್ಥಿಗಳು ತಮ್ಮ ಆಧಾರ್ ಕಾರ್ಡ್ ಬಳಸಿ ಪ್ರಾಥಮಿಕ ವಿವರಗಳನ್ನು ಪರಿಶೀಲಿಸಿಕೊಳ್ಳುವುದು ಕಡ್ಡಾಯ. ಏಕೆಂದರೆ ನೇಮಕಾತಿ ಪ್ರಕ್ರಿಯೆಯ ಪ್ರತಿ ಹಂತದಲ್ಲೂ ಆಧಾರ್ ಪರಿಶೀಲನೆ ನಡೆಯಲಿದ್ದು, ಹೊಂದಾಣಿಕೆ ಇಲ್ಲದ ಅರ್ಜಿಗಳನ್ನು ತಿರಸ್ಕರಿಸಲಾಗುತ್ತದೆ. ಆಧಾರ್‌ನಲ್ಲಿರುವ ಹೆಸರು ಮತ್ತು ಹುಟ್ಟಿದ ದಿನಾಂಕ 10ನೇ ತರಗತಿ ಅಂಕಪಟ್ಟಿಯೊಂದಿಗೆ 100% ಹೊಂದಾಣಿಕೆ ಆಗಬೇಕು. ಅಲ್ಲದೆ ಆಧಾರ್‌ನಲ್ಲಿ ಇತ್ತೀಚಿನ ಫೋಟೋ ಮತ್ತು ಬಯೋಮೆಟ್ರಿಕ್ಸ್ (ಬೆರಳಚ್ಚು ಮತ್ತು ಕಣ್ಣಿನ ಪಾಪೆ) ನವೀಕರಿಸಿರಬೇಕು ಎಂದು ಅಧಿಸೂಚನೆ ಸ್ಪಷ್ಟಪಡಿಸಿದೆ.

ಶೈಕ್ಷಣಿಕ ಅರ್ಹತೆಯ ವಿವರ

ಶೈಕ್ಷಣಿಕ ಅರ್ಹತೆ ವಿಷಯದಲ್ಲಿ ಅನೇಕರಿಗೆ ತಿಳಿದಿಲ್ಲದ ಮಹತ್ವದ ಸಂಗತಿ ಇದೆ. SSLC/10ನೇ ತರಗತಿ ಜೊತೆಗೆ Fitter, Electrician, Electronics Mechanic, Mechanic (Motor Vehicle), Mechanic (Diesel), Instrument Mechanic, Millwright, Mechanic (Radio & TV), Wireman, Tractor Mechanic, Armature & Coil Winder, Heat Engine, Turner, Machinist, Refrigeration & AC Mechanic ಸೇರಿದಂತೆ ನಿರ್ದಿಷ್ಟ ವೃತ್ತಿಪರ ವಿಭಾಗಗಳಲ್ಲಿ NCVT/SCVT ಮಾನ್ಯತೆ ಪಡೆದ ITI ಹೊಂದಿದ್ದರೆ ಅರ್ಹರು. ಇಲ್ಲವೇ SSLC ಜೊತೆಗೆ ಮೇಲಿನ ವಿಭಾಗಗಳಲ್ಲಿ Course Completed Act Apprenticeship ಇದ್ದರೂ ಸಾಕು. ಅಥವಾ SSLC ಜೊತೆಗೆ Mechanical, Electrical, Electronics, Automobile Engineering ನಲ್ಲಿ 3 ವರ್ಷದ ಡಿಪ್ಲೊಮಾ ಅಥವಾ ಇಂಜಿನಿಯರಿಂಗ್ ಡಿಗ್ರಿ ಹೊಂದಿದ್ದರೂ ಅರ್ಹರು. ಪ್ರಸ್ತುತ ಅಂತಿಮ ಪರೀಕ್ಷೆಗಾಗಿ ಕಾಯುತ್ತಿರುವವರು ಅರ್ಜಿ ಸಲ್ಲಿಸಲು ಅನರ್ಹರು ಎಂಬುದನ್ನು ನೆನಪಿಡಿ. PwBD ಅಭ್ಯರ್ಥಿಗಳಿಗೆ ಈ ಹುದ್ದೆ ಸೂಕ್ತವಲ್ಲ ಎಂದು ಅಧಿಸೂಚನೆ ಸ್ಪಷ್ಟಪಡಿಸಿದೆ.

ಹುದ್ದೆಗಳ ಹಂಚಿಕೆ ಹೀಗಿದೆ

ದೇಶಾದ್ಯಂತ ವರ್ಗವಾರು ಒಟ್ಟು ಹುದ್ದೆಗಳ ವಿವರ ನೋಡಿದರೆ UR 4,860, SC 1,746, ST 919, OBC 2,598, EWS 1,004 ಮತ್ತು ಮಾಜಿ ಸೈನಿಕರಿಗೆ 1,115 ಹುದ್ದೆಗಳು. RRB ವಾರು ನೋಡಿದರೆ ಅತಿ ಹೆಚ್ಚು ಹುದ್ದೆ ಮುಂಬೈ RRB (CR) ಅಡಿಯಲ್ಲಿ 1,078, ನಂತರ ಭುವನೇಶ್ವರ (ECoR) 801, ಸಿಕಂದರಾಬಾದ್ (ECoR) 824, ರಾಂಚಿ (SER) 745, ಗುವಾಹಟಿ 676, ಸಿಲಿಗುರಿ 600, ಅಜ್ಮೀರ್ (NWR) 600, ಕೋಲ್ಕತ್ತಾ (SER) 497, ಪ್ರಯಾಗ್‌ರಾಜ್ 457 ಹುದ್ದೆಗಳಿವೆ.

ಪರೀಕ್ಷಾ ಶುಲ್ಕದ ಮಾಹಿತಿ

ಇದನ್ನೂ ಓದಿ: Sabarimala: ಈ ತಿಂಗಳು 6 ದಿನ ಅಯ್ಯಪ್ಪನ ದರ್ಶನ; ಶಬರಿಮಲೆ ಯಾವಾಗೆಲ್ಲಾ ಓಪನ್‌ ಆಗುತ್ತೆ? ಭೇಟಿಯ ನಿಯಮವೇನು?

ಪರೀಕ್ಷಾ ಶುಲ್ಕ ಸಾಮಾನ್ಯ ಅಭ್ಯರ್ಥಿಗಳಿಗೆ ₹500 — CBT-1 ಹಾಜರಾದರೆ ₹400 ಮರುಪಾವತಿ. SC, ST, ಮಾಜಿ ಸೈನಿಕರು, ಮಹಿಳೆ, ತೃತೀಯ ಲಿಂಗಿ, ಅಲ್ಪಸಂಖ್ಯಾತರು ಮತ್ತು ₹50,000 ಕ್ಕಿಂತ ಕಡಿಮೆ ವಾರ್ಷಿಕ ಆದಾಯದ EBC ಅಭ್ಯರ್ಥಿಗಳಿಗೆ ₹250 — CBT-1 ಹಾಜರಾದರೆ ಸಂಪೂರ್ಣ ₹250 ಮರುಪಾವತಿ. CBT-1 ಮತ್ತು CBT-2 ಎರಡರಲ್ಲೂ ತಪ್ಪು ಉತ್ತರಕ್ಕೆ 1/3 ಅಂಕ ಕಡಿತ ಇರುತ್ತದೆ. ತಾಂತ್ರಿಕ ಸಮಸ್ಯೆಗಳಿಗೆ rrb.help@csc.gov.in ಅಥವಾ 0172-565-3333 / 9592001188 (ಬೆಳಗ್ಗೆ 10 ರಿಂದ ಸಂಜೆ 5) ಸಂಪರ್ಕಿಸಬಹುದು. ಇವತ್ತೇ www.rrbapply.gov.in ಭೇಟಿ ನೀಡಿ!

Source link