Last Updated:
ನೆಲಮಂಗಲ ಅರಶಿಣಕುಂಟೆ ರುಡ್ಸೆಟ್ ಮೇ 2ರಿಂದ ಒಂದು ತಿಂಗಳ ಉಚಿತ ಎಲೆಕ್ಟ್ರಿಕ್ ಮೋಟಾರ್ ರೀವೈಂಡಿಂಗ್ ತರಬೇತಿ, 8ನೇ ಪಾಸ್ 18 ರಿಂದ 50ರವರಿಗೆ, ಬಿಪಿಎಲ್ ಗ್ರಾಮೀಣರಿಗೆ ಆದ್ಯತೆ
ನೆಲಮಂಗಲ: ಕೆಲಸ ಇಲ್ಲ ಅಂತ ಮನೆಯಲ್ಲಿಯೇ ಕೂತು ಯೋಚನೆ ಮಾಡ್ತಾ ಇದ್ದೀರಾ? ಏನಾದ್ರು ಕೆಲಸ ಕಲಿಯೋಣ ಅಂದ್ರೆ ಲಕ್ಷ ಲಕ್ಷ ಫೀಸ್ (Fees) ಕೊಡಬೇಕು ಅಂತ ಹಿಂದೆ ಸರಿಯುತ್ತಿದ್ದೀರಾ? ಹಾಗಾದರೆ ನಿಮಗಿಲ್ಲಿದೆ ಒಂದು ಭರ್ಜರಿ ಗುಡ್ ನ್ಯೂಸ್! ಹೌದು, ನಿಮಗೆ ಊಟ, ತಿಂಡಿ ಹಾಗೂ ವಸತಿ ಸೌಲಭ್ಯವನ್ನು ಉಚಿತವಾಗಿ ನೀಡಿ, ಕೈತುಂಬಾ ಸಂಪಾದನೆ (Earn) ತಂದುಕೊಡುವ ಕೌಶಲ್ಯವನ್ನು ಹೇಳಿಕೊಡಲು ಪ್ರತಿಷ್ಠಿತ ಸಂಸ್ಥೆಯೊಂದು ಮುಂದಾಗಿದೆ.
ಒಂದು ತಿಂಗಳ ಉಚಿತ ತರಬೇತಿ
ಆಧುನಿಕ ಜಗತ್ತಿನಲ್ಲಿ ಕೈಯಲ್ಲಿ ಕೌಶಲ್ಯವಿಲ್ಲದೆ ಜೀವನ ಮಾಡೋದು ಹಾಗೂ ಇಂದಿನ ಪೈಪೋಟಿಯ ಯುಗದಲ್ಲಿ ಕೆಲಸ ಗಿಟ್ಟಿಸಿಕೊಳ್ಳೋದು ತುಂಬಾನೇ ಕಷ್ಟ. ಅದಕ್ಕಾಗಿಯೇ ಬೆಂಗಳೂರು ಗ್ರಾಮಾಂತರ ಜಿಲ್ಲೆ, ನೆಲಮಂಗಲ ತಾಲ್ಲೂಕಿನ ಅರಶಿಣಕುಂಟೆಯಲ್ಲಿರುವ ‘ರುಡ್ಸೆಟ್’ (RUDSET) ಸಂಸ್ಥೆಯು ನಿರುದ್ಯೋಗಿ ಯುವಕರಿಗಾಗಿ ಮೇ 2 ರಿಂದ ಒಂದು ತಿಂಗಳ “ಉಚಿತ ಎಲೆಕ್ಟ್ರಿಕ್ ಮೋಟಾರ್ ರೀವೈಂಡಿಂಗ್ ಹಾಗೂ ದುರಸ್ತಿ ತರಬೇತಿ” ಶಿಬಿರವನ್ನು ಹಮ್ಮಿಕೊಂಡಿದೆ.
ಅರ್ಹತೆಗಳು ಏನೇನು? ಯಾರು ಅಪ್ಲೈ ಮಾಡಬಹುದು?
- ವಿದ್ಯಾರ್ಹತೆ: ಕನಿಷ್ಠ 8ನೇ ತರಗತಿ ಪಾಸ್ ಆಗಿರಬೇಕು.
- ವಯೋಮಿತಿ: 18 ರಿಂದ 50 ವರ್ಷದೊಳಗಿನ ಆಸಕ್ತರು ಅರ್ಜಿ ಸಲ್ಲಿಸಬಹುದು.
- ಆದ್ಯತೆ: ಬಿಪಿಎಲ್ (BPL) ರೇಷನ್ ಕಾರ್ಡ್ ಹೊಂದಿರುವ ಗ್ರಾಮೀಣ ಭಾಗದ ಅಭ್ಯರ್ಥಿಗಳಿಗೆ ಹೆಚ್ಚಿನ ಆದ್ಯತೆ ನೀಡಲಾಗುತ್ತದೆ.
ಅರ್ಜಿ ಸಲ್ಲಿಕೆಗೆ ಕೊನೆಯ ದಿನಾಂಕ
ಆಸಕ್ತರು ಏಪ್ರಿಲ್ 15 ರೊಳಗೆ ತಮ್ಮ ಹೆಸರನ್ನು ನೋಂದಾಯಿಸಿಕೊಳ್ಳಬೇಕು. ಅಥವಾ ನೀಡಲಾಗಿರುವ ದೂರವಾಣಿ ಸಂಖ್ಯೆಗಳಿಗೆ ಕರೆ ಮಾಡುವ ಮೂಲಕವೂ ಹೆಸರನ್ನು ರಿಜಿಸ್ಟರ್ ಮಾಡಿಕೊಳ್ಳಬಹುದು.
ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕ ಸಂಖ್ಯೆಗಳು
Location :
Chikmagalur,Chikmagalur,Karnataka
