Job Fair: 5000 ಕ್ಕೂ ಹೆಚ್ಚು ಜನರಿಗೆ ಸಿಗಲಿದೆ ಉದ್ಯೋಗ; 90 ಕ್ಕೂ ಹೆಚ್ಚು ಕಂಪನಿಗಳಿಂದ ಆಫರ್‌, ಎಲ್ಲಿ? ಹೇಗೆ? ಇಲ್ಲಿದೆ ವರದಿ

ಈ ಬಾರಿಯ ಮೇಳವು ಕೇವಲ ಸ್ಥಳೀಯ ಕಂಪನಿಗಳಿಗೆ ಸೀಮಿತವಾಗಿಲ್ಲ. ಟಾಟಾ ಮೋಟಾರ್ಸ್, ಏಕಸ್ (Aequs), ಪ್ರಮುಖ ಬ್ಯಾಂಕಿಂಗ್ ಸಂಸ್ಥೆಗಳು, ಐಟಿ ಕಂಪನಿಗಳು ಸೇರಿದಂತೆ ಸುಮಾರು 90ಕ್ಕೂ ಹೆಚ್ಚು ಪ್ರತಿಷ್ಠಿತ ಕಂಪನಿಗಳು ಈ ಮೇಳದಲ್ಲಿ ಭಾಗವಹಿಸುತ್ತಿವೆ. ಒಟ್ಟು 5,000ಕ್ಕೂ ಹೆಚ್ಚು ವಿವಿಧ ಹುದ್ದೆಗಳಿಗೆ ನೇರ ನೇಮಕಾತಿ ನಡೆಯಲಿದ್ದು, ಅರ್ಹ ಅಭ್ಯರ್ಥಿಗಳಿಗೆ ಸ್ಥಳದಲ್ಲೇ ಆಫರ್ ಲೆಟರ್ ನೀಡುವ ಸಾಧ್ಯತೆಯೂ ಇದೆ.

ಕನಿಷ್ಠ ವಿದ್ಯಾರ್ಹತೆಯಿಂದ ಉನ್ನತ ಶಿಕ್ಷಣದವರೆಗೂ ಇಲ್ಲಿ ಅವಕಾಶಗಳಿವೆ.

• SSLC, PUC ಪಾಸಾದವರು.
• ITI ಮತ್ತು ಡಿಪ್ಲೊಮಾ (ಎಲ್ಲಾ ವಿಭಾಗಗಳು).
• ಬಿ.ಎ, ಬಿ.ಕಾಂ, ಬಿ.ಎಸ್ಸಿ ಸೇರಿದಂತೆ ಯಾವುದೇ ಪದವೀಧರರು.
• ಬಿ.ಇ (ಇಂಜಿನಿಯರಿಂಗ್) ಹಾಗೂ ಸ್ನಾತಕೋತ್ತರ ಪದವೀಧರರು (MA, M.Com, MBA ಇತ್ಯಾದಿ).

ಬೆಳಿಗ್ಗೆ 9:00 ಗಂಟೆಯಿಂದ ಸಂಜೆ 5:00 ರವರೆಗೆ ಮೇಳ ನಡೆಯಲಿದೆ. ಜಿಲ್ಲಾಡಳಿತ ಬಿಡುಗಡೆ ಮಾಡಿರುವ ಅಧಿಕೃತ ಕ್ಯೂಆರ್ ಕೋಡ್ (QR Code) ಸ್ಕ್ಯಾನ್ ಮಾಡುವ ಮೂಲಕ ಅಭ್ಯರ್ಥಿಗಳು ತಮ್ಮ ವಿವರಗಳನ್ನು ಮೊದಲೇ ದಾಖಲಿಸಬಹುದು. ಆನ್‌ಲೈನ್‌ನಲ್ಲಿ ನೋಂದಣಿ ಮಾಡದವರಿಗೆ ಮೇಳದ ದಿನದಂದು ಬೆಳಿಗ್ಗೆಯಿಂದಲೇ ಸ್ಥಳದಲ್ಲಿ ನೋಂದಣಿ ಮಾಡಿಕೊಳ್ಳಲು ವಿಶೇಷ ಕೌಂಟರ್‌ಗಳನ್ನು ತೆರೆಯಲಾಗುತ್ತದೆ.

1. ಕನಿಷ್ಠ 5 ರಿಂದ 10 ಪ್ರತಿಗಳ ಅಪ್‌ಡೇಟೆಡ್ ಬಯೋಡಾಟಾ (Resume).
2. ಎಲ್ಲಾ ಶೈಕ್ಷಣಿಕ ಅಂಕಪಟ್ಟಿಗಳ ಜೆರಾಕ್ಸ್ ಪ್ರತಿಗಳು.
3. ಆಧಾರ್ ಕಾರ್ಡ್ ಹಾಗೂ ಪಾಸ್‌ಪೋರ್ಟ್ ಅಳತೆಯ ಭಾವಚಿತ್ರಗಳು.

ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಗಳಾದ ಭುವನೇಶ ಪಾಟೀಲ ಅವರು ಈ ಕುರಿತು ಮಾತನಾಡಿ, “ಗ್ರಾಮೀಣ ಭಾಗದ ಪ್ರತಿಭಾವಂತ ಯುವಕ-ಯುವತಿಯರಿಗೆ ಅನುಕೂಲವಾಗಲು ಈ ಮೇಳ ಆಯೋಜಿಸಲಾಗಿದೆ. ಅಭ್ಯರ್ಥಿಗಳ ಸಾರಿಗೆ ಅನುಕೂಲಕ್ಕಾಗಿ ವಿವಿಧ ಕಾಲೇಜುಗಳಿಂದ ಬಸ್ ವ್ಯವಸ್ಥೆ ಮಾಡಲು ಅಧಿಕಾರಿಗಳಿಗೆ ಸೂಚಿಸಲಾಗಿದೆ. ಕೌಶಲ್ಯದ ಕೊರತೆ ಇರುವವರಿಗೆ ತರಬೇತಿ ನೀಡಿ ಕೆಲಸ ನೀಡಲು ಕಂಪನಿಗಳಿಗೆ ಕೋರಲಾಗಿದೆ,” ಎಂದು ತಿಳಿಸಿದ್ದಾರೆ.