Last Updated:
ಮಂಡ್ಯ ಜಿಲ್ಲೆ SSLC ಫಲಿತಾಂಶದಲ್ಲಿ 97.45 ಶೇಕಡಾ ಸಾಧನೆ, ಮೂವರು ಬಾಲಕಿಯರು 625ಕ್ಕೆ 621 ಅಂಕ ಪಡೆದು ಟಾಪ್, ಸರ್ಕಾರಿ ಶಾಲೆಗಳು 96.69 ಶೇಕಡಾ ಫಲಿತಾಂಶದೊಂದಿಗೆ ಮಿಂಚಿವೆ.
ಮಂಡ್ಯ: ಎಸ್ಎಸ್ಎಲ್ಸಿ (SSLC) ಪರೀಕ್ಷೆ ಬರೆದ ರಾಜ್ಯದ ಲಕ್ಷಾಂತರ ವಿದ್ಯಾರ್ಥಿಗಳ (Students) ಎದೆಬಡಿತಕ್ಕೆ ಕೊನೆಗೂ ತೆರೆ ಬಿದ್ದಿದೆ. ಈ ಬಾರಿ ಪ್ರಕಟವಾಗಿರುವ ಫಲಿತಾಂಶದಲ್ಲಿ (Result) ಸಕ್ಕರೆನಾಡು ಮಂಡ್ಯ (Mandya) ಜಿಲ್ಲೆ ಇಡೀ ರಾಜ್ಯವೇ ತನ್ನತ್ತ ತಿರುಗಿ ನೋಡುವಂತೆ ಮಾಡಿದೆ. ಕಳೆದ ಬಾರಿ 12ನೇ ಸ್ಥಾನಕ್ಕೆ ತೃಪ್ತಿಪಟ್ಟಿತ್ತು ಮಂಡ್ಯ, ಇನ್ನು 2024ರಲ್ಲಿ 19ನೇ ಸ್ಥಾನದಲ್ಲಿತ್ತು. ಆದ್ರೆ ಮಂಡ್ಯ ಈ ಬಾರಿ ನೇರವಾಗಿ ರಾಜ್ಯದ ಟಾಪ್-5 ಜಿಲ್ಲೆಗಳ ಪಟ್ಟಿಯಲ್ಲಿ ಸ್ಥಾನ ಗಿಟ್ಟಿಸಿಕೊಂಡಿದೆ.
ಸಾಮಾನ್ಯವಾಗಿ ಖಾಸಗಿ ಶಾಲೆಗಳೇ ಮುಂದೆ ಬರುತ್ತವೆ ಎಂದು ನಾವು ಭಾವಿಸುತ್ತೇವೆ. ಆದರೆ ಮಂಡ್ಯದ ಸರ್ಕಾರಿ ಶಾಲೆಗಳು ಶೇ. 96.69% ಫಲಿತಾಂಶ ದಾಖಲಿಸುವ ಮೂಲಕ ಅನುದಾನಿತ ಶಾಲೆಗಳನ್ನೂ ಹಿಂದಿಕ್ಕಿವೆ. ಜಿಲ್ಲೆಯ ಈ ಕ್ರಾಂತಿಕಾರಿ ಬೆಳವಣಿಗೆಗೆ ಡಿಡಿಪಿಐ ಜಿ.ಎ. ಲೋಕೇಶ್ ಅವರು ಶ್ಲಾಘನೆ ವ್ಯಕ್ತಪಡಿಸಿದ್ದು, ಶಿಕ್ಷಕರು ಮತ್ತು ಪೋಷಕರ ಕಠಿಣ ಪರಿಶ್ರಮಕ್ಕೆ ಈ ಗೆಲುವು ಸಮರ್ಪಣೆ ಎಂದಿದ್ದಾರೆ. ಅಲ್ಲದೇ ಶಿಕ್ಷಕರು ಮಕ್ಕಳು ಓದಲು ತುಂಬಾ ಸಹಕಾರ ಮಾಡಿದ್ದರು. ಯುಗಾದಿ ಹಬ್ಬ ಇದ್ರೂ ಶಾಲೆಯಲ್ಲೇ ಮಕ್ಕಳು ಇರಿಸಿಕೊಂಡ ಓದಿಸಿದ್ದರು.
Mandya,Karnataka
