ಕೇಂದ್ರ ಸರ್ಕಾರಿ ಉದ್ಯೋಗಕ್ಕಾಗಿ (Central Government Job) ತಯಾರಿ ನಡೆಸುತ್ತಿರುವ ಲಕ್ಷಾಂತರ ಅಭ್ಯರ್ಥಿಗಳಿಗೆ ದೊಡ್ಡ ಅವಕಾಶ ಸಿಕ್ಕಿದೆ. ಸಿಬ್ಬಂದಿ ಆಯೋಗ (SSC) SSC CGL 2026 ನೇಮಕಾತಿ (Requirement) ಅಧಿಸೂಚನೆ ಪ್ರಕಟಿಸಿದ್ದು, ಒಟ್ಟು 12,256 ಗ್ರೂಪ್-B ಮತ್ತು ಗ್ರೂಪ್-C ಹುದ್ದೆಗಳ ಭರ್ತಿಗೆ ಅರ್ಜಿ (Application) ಆಹ್ವಾನಿಸಿದೆ. ಅರ್ಜಿ (Application) ಪ್ರಕ್ರಿಯೆ ಈಗಾಗಲೇ ಆರಂಭವಾಗಿದ್ದು, ಅಭ್ಯರ್ಥಿಗಳು ಜೂನ್ 22, 2026ರವರೆಗೆ ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸಬಹುದು. ಈ ಬಾರಿ ನೇಮಕಾತಿಯ ಜೊತೆಗೆ ಪರೀಕ್ಷಾ ಮಾದರಿಯಲ್ಲೂ ಮಹತ್ವದ ಬದಲಾವಣೆ ಮಾಡಲಾಗಿದೆ.
ಈ ವರ್ಷ SSC ಅಭ್ಯರ್ಥಿಗಳಿಗೆ ಅಚ್ಚರಿ ಮೂಡಿಸಿದ ಪ್ರಮುಖ ಬದಲಾವಣೆ ಎಂದರೆ ಸೆಕ್ಷನ್ವಾರು ನಿಗದಿತ ಸಮಯ ಮಿತಿ. Tier-1 ಪರೀಕ್ಷೆಯಲ್ಲಿ ಪ್ರತಿ ವಿಭಾಗಕ್ಕೂ 15 ನಿಮಿಷಗಳ ಫಿಕ್ಸ್ಡ್ ಟೈಮ್ ಲಿಮಿಟ್ ಇರುತ್ತದೆ. ಇದರಿಂದ ಅಭ್ಯರ್ಥಿಗಳು ಒಂದು ವಿಭಾಗದಿಂದ ಮತ್ತೊಂದಕ್ಕೆ ಸಮಯ ವರ್ಗಾಯಿಸಲು ಸಾಧ್ಯವಿಲ್ಲ. ವಿಶೇಷವಾಗಿ ಗಣಿತ ಮತ್ತು ರೀಸನಿಂಗ್ ವಿಭಾಗಗಳಲ್ಲಿ ವೇಗ ಹಾಗೂ ನಿಖರತೆ ಅತ್ಯಂತ ಮುಖ್ಯವಾಗಲಿದೆ. ಇದು ಪರೀಕ್ಷಾ ತಂತ್ರದಲ್ಲಿ ದೊಡ್ಡ ಬದಲಾವಣೆಯಾಗಿದ್ದು, ಸಮಯ ನಿರ್ವಹಣೆಗೆ ಹೆಚ್ಚು ಒತ್ತು ನೀಡಬೇಕಾಗಿದೆ.
SSC CGL 2026 ಪ್ರಮುಖ ದಿನಾಂಕಗಳು ಹೀಗಿವೆ!
ಅಧಿಸೂಚನೆ ಬಿಡುಗಡೆ: ಮೇ 21, 2026
ಅರ್ಜಿ ಪ್ರಾರಂಭ: ಮೇ 21, 2026
ಅರ್ಜಿ ಸಲ್ಲಿಕೆ ಕೊನೆಯ ದಿನಾಂಕ: ಜೂನ್ 22, 2026
ಶುಲ್ಕ ಪಾವತಿ ಅಂತಿಮ ದಿನಾಂಕ: ಜೂನ್ 23, 2026
ತಿದ್ದುಪಡಿ ವಿಂಡೋ: ಜೂನ್ 29 ರಿಂದ ಜುಲೈ 1ರವರೆಗೆ
Tier-1 ಪರೀಕ್ಷೆ: ಆಗಸ್ಟ್–ಸೆಪ್ಟೆಂಬರ್ 2026
Tier-2 ಪರೀಕ್ಷೆ: ಡಿಸೆಂಬರ್ 2026
ಈ ನೇಮಕಾತಿ ಮೂಲಕ ಅಸಿಸ್ಟೆಂಟ್ ಸೆಕ್ಷನ್ ಆಫೀಸರ್, ಇನ್ಕಂ ಟ್ಯಾಕ್ಸ್ ಇನ್ಸ್ಪೆಕ್ಟರ್, ಸಿಬಿಐ ಸಬ್-ಇನ್ಸ್ಪೆಕ್ಟರ್, ಅಸಿಸ್ಟೆಂಟ್ ಎನ್ಫೋರ್ಸ್ಮೆಂಟ್ ಆಫೀಸರ್, ಆಡಿಟರ್, ಅಕೌಂಟೆಂಟ್, ಟ್ಯಾಕ್ಸ್ ಅಸಿಸ್ಟೆಂಟ್ ಸೇರಿದಂತೆ ಹಲವು ಹುದ್ದೆಗಳು ಭರ್ತಿಯಾಗಲಿವೆ. ಕೆಲವು ಹುದ್ದೆಗಳಿಗೆ ವಿಶೇಷ ವಿದ್ಯಾರ್ಹತೆ ಅಗತ್ಯವಿದ್ದರೂ, ಸಾಮಾನ್ಯವಾಗಿ ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದ ಪದವಿ ಪಡೆದ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದು. ವಯೋಮಿತಿ ಹುದ್ದೆ ಆಧಾರಿತವಾಗಿ 18 ರಿಂದ 32 ವರ್ಷಗಳವರೆಗೆ ನಿಗದಿಯಾಗಿದೆ.
ಅರ್ಜಿ ಶುಲ್ಕ ₹100 ಆಗಿದ್ದು, ಮಹಿಳೆಯರು, SC, ST, PwBD ಹಾಗೂ ಮಾಜಿ ಸೈನಿಕರಿಗೆ ಶುಲ್ಕ ವಿನಾಯಿತಿ ಇದೆ. ಅರ್ಜಿ ಸಲ್ಲಿಸಲು ಅಭ್ಯರ್ಥಿಗಳು ಅಧಿಕೃತ SSC ಪೋರ್ಟಲ್ನಲ್ಲಿ ನೋಂದಣಿ ಮಾಡಿ ಅಗತ್ಯ ದಾಖಲೆಗಳನ್ನು ಅಪ್ಲೋಡ್ ಮಾಡಬೇಕು. ತಪ್ಪುಗಳಿದ್ದರೆ ತಿದ್ದುಪಡಿ ವಿಂಡೋ ಬಳಸಬಹುದು.
ಈ ಬಾರಿ ಪರೀಕ್ಷಾ ಮಾದರಿಯ ಬದಲಾವಣೆ ಹಿನ್ನೆಲೆಯಲ್ಲಿ ತಜ್ಞರು ಅಭ್ಯರ್ಥಿಗಳಿಗೆ ಮಾಕ್ ಟೆಸ್ಟ್ಗಳನ್ನು ಸಮಯ ಮಿತಿಯಲ್ಲಿ ಅಭ್ಯಾಸ ಮಾಡಲು ಸಲಹೆ ನೀಡಿದ್ದಾರೆ. ಕೇವಲ ವಿಷಯ ಜ್ಞಾನ ಸಾಕಾಗುವುದಿಲ್ಲ, ವೇಗ, ತಂತ್ರ ಮತ್ತು ಸಮಯ ನಿರ್ವಹಣೆ ಯಶಸ್ಸಿನ ಕೀಲಿಕೈ ಎಂದು ಹೇಳಲಾಗಿದೆ. 12 ಸಾವಿರಕ್ಕೂ ಅಧಿಕ ಹುದ್ದೆಗಳು ಮತ್ತು ಹೊಸ ಪರೀಕ್ಷಾ ಮಾದರಿ SSC CGL 2026 ಅನ್ನು ಈ ವರ್ಷದ ಅತ್ಯಂತ ಸ್ಪರ್ಧಾತ್ಮಕ ಸರ್ಕಾರಿ ನೇಮಕಾತಿಗಳಲ್ಲಿ ಒಂದಾಗಿಸಿದೆ. ಈಗಲೇ ಸಿದ್ಧತೆ ಆರಂಭಿಸಿದವರಿಗೆ ಇದು ಸುವರ್ಣಾವಕಾಶ.
