Last Updated:
ಮಂಡ್ಯ ಜಿಲ್ಲೆಯ ಮೌಲಾನಾ ಆಜಾದ್ ಮಾದರಿ ಮತ್ತು ಪಬ್ಲಿಕ್ ಶಾಲೆಗಳು 2026-27ಕ್ಕೆ 6ರಿಂದ 9ನೇ ತರಗತಿಗೆ ಪ್ರವೇಶ ಆರಂಭ, ಅಲ್ಪಸಂಖ್ಯಾತರು, SC, ST, OBC ವಿದ್ಯಾರ್ಥಿಗಳಿಗೆ ಮೇ 15ರವರೆಗೆ ಅರ್ಜಿ ಅವಕಾಶ
ಮಂಡ್ಯ: ನಿಮ್ಮ ಮಗುವಿಗೆ ಉತ್ತಮ ಮತ್ತು ಗುಣಮಟ್ಟದ ಶಿಕ್ಷಣ (Education) ನೀಡಬೇಕೆಂಬ ಆಸೆ ನಿಮಗಿದೆಯೇ? ಹಾಗಿದ್ದರೆ ಮಂಡ್ಯ (Mandya) ಜಿಲ್ಲೆಯ ವಿದ್ಯಾರ್ಥಿಗಳಿಗೆ (Students) ಮತ್ತು ಪೋಷಕರಿಗೆ ಒಂದು ಅದ್ಭುತವಾದ ಸುದ್ದಿ ಇಲ್ಲಿದೆ. ಜಿಲ್ಲೆಯ ಮೌಲಾನಾ ಆಜಾದ್ ಮಾದರಿ ಶಾಲೆಗಳು (School) ಹಾಗೂ ಮೌಲಾನಾ ಆಜಾದ್ ಪಬ್ಲಿಕ್ (Public) ಶಾಲೆಗಳು 2026-27ನೇ ಶೈಕ್ಷಣಿಕ ಸಾಲಿಗಾಗಿ ಪ್ರವೇಶಾತಿಯನ್ನು ಮುಕ್ತಗೊಳಿಸಿವೆ.
ಕೇವಲ ಅಲ್ಪಸಂಖ್ಯಾತ ಸಮುದಾಯದವರು (ಮುಸ್ಲಿಂ, ಕ್ರಿಶ್ಚಿಯನ್, ಜೈನ್, ಬೌದ್ಧ, ಸಿಖ್ ಮತ್ತು ಪಾರ್ಸಿ) ಮಾತ್ರವಲ್ಲದೆ, ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ ಹಾಗೂ ಇತರ ಹಿಂದುಳಿದ ವರ್ಗಗಳ (OBC) ಅರ್ಹ ವಿದ್ಯಾರ್ಥಿಗಳು ಸಹ ಈ ಸುವರ್ಣಾವಕಾಶವನ್ನು ಬಳಸಿಕೊಳ್ಳಬಹುದು. 6ನೇ ತರಗತಿಯಿಂದ 9ನೇ ತರಗತಿವರೆಗೆ ಪ್ರವೇಶ ಪಡೆಯಲು ಇಚ್ಛಿಸುವ ವಿದ್ಯಾರ್ಥಿಗಳಿಗೆ ಇದು ಸರಿಯಾದ ಸಮಯ.
ಈಗಾಗಲೇ ದಾಖಲಾತಿ ಪ್ರಕ್ರಿಯೆ ಶುರುವಾಗಿದ್ದು, ಪೋಷಕರು ಅಲೆದಾಡುವ ಅವಶ್ಯಕತೆಯಿಲ್ಲ. ನೇರವಾಗಿ ಸೇವಾಸಿಂಧು ಪೋರ್ಟಲ್ (https://sevasindhuservices.karnataka.gov.in) ಮೂಲಕ ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸಬಹುದು. ನೆನಪಿಡಿ, ಅರ್ಜಿ ಸಲ್ಲಿಸಲು ಮೇ 15, 2026 ಕೊನೆಯ ದಿನಾಂಕವಾಗಿದೆ. ತಡಮಾಡಿದರೆ ಈ ಅವಕಾಶ ಕೈ ತಪ್ಪಬಹುದು.
ಇಲ್ಲಿ ಉಚಿತ ಶಿಕ್ಷಣದ ಜೊತೆಗೆ ಅರ್ಹ ಶಿಕ್ಷಕರಿಂದ ಉತ್ತಮ ತರಬೇತಿ ದೊರೆಯುತ್ತದೆ. ಮಂಡ್ಯ ಜಿಲ್ಲೆಯ ವಿವಿಧ ತಾಲೂಕುಗಳಲ್ಲಿ ಈ ಶಾಲೆಗಳಿದ್ದು, ನಿಮ್ಮ ಹತ್ತಿರದ ಶಾಲೆಯ ಮುಖ್ಯೋಪಾಧ್ಯಾಯರನ್ನು ಅಥವಾ ತಾಲೂಕು ಮಾಹಿತಿ ಕೇಂದ್ರವನ್ನು ಸಂಪರ್ಕಿಸಿ ನೀವು ಉಚಿತವಾಗಿ ಅರ್ಜಿ ಸಲ್ಲಿಸಬಹುದು.
ನಿಮಗೆ ಯಾವುದೇ ಗೊಂದಲಗಳಿದ್ದಲ್ಲಿ ಕೆಳಗಿನ ಸಂಖ್ಯೆಗಳಿಗೆ ಕರೆ ಮಾಡಬಹುದು
ಮಂಡ್ಯ ಟೌನ್ (ವಿವೇಕಾನಂದನಗರ): ನಂದಿನಿ ಸಿ. ಆರ್ – 8892212574
ಮಳವಳ್ಳಿ ಟೌನ್: ಶ್ರೀಧರಮೂರ್ತಿ ವೈ. ಸಿ – 9741082055
ಕಲ್ಕುಣಿ & ಬೆಳ್ಳೂರು: ಪ್ರಸನ್ನ ಕುಮಾರ್ – 9901222570
ನಾಗಮಂಗಲ ಮಾಹಿತಿ ಕೇಂದ್ರ: ತಬಸ್ಸುಮ್ ಬಾನು – 9663180791
Mandya,Karnataka
