KCET Exam: ಇಂದು ನಾಳೆ ಕೆಸಿಇಟಿ

Last Updated:Apr 23, 2026 10:41 AM IST

KCET 2026 Exam Schedule: ಈ ವರ್ಷದ ಎಂಜಿನಿಯರಿಂಗ್, ಫಾರ್ಮಸಿ, ಕೃಷಿ ಮತ್ತು ಪಶುಸಂಗೋಪನೆ ಸೇರಿದಂತೆ ವಿವಿಧ ವೃತ್ತಿಪರ ಕೋರ್ಸ್‌ಗಳ ಪ್ರವೇಶಕ್ಕಾಗಿ ನಡೆಸಲಾಗುವ ಈ ಮಹತ್ವದ ಕೆಸಿಇಟಿ ಪರೀಕ್ಷೆಯು ಇಂದು ಅಂದರೆ ಏಪ್ರಿಲ್ 23 ಮತ್ತು 24, 2026 ರಂದು ನಡೆಯಲಿದೆ. ಈ ನಿಟ್ಟಿನಲ್ಲಿ ಇಲ್ಲಿದೆ ಸಿದ್ಧತೆಗಾಗಿ ಇಲ್ಲಿದೆ ಅಧಿಕೃತ ವೇಳಾಪಟ್ಟಿ ಮತ್ತು ಡೆಡ್‌ಲೈನ್‌ಗಳ ರಿಪೋರ್ಟ್.

ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು (KEA) 2026ನೇ ಸಾಲಿನ ಕರ್ನಾಟಕ ಸಾಮಾನ್ಯ ಪ್ರವೇಶ ಪರೀಕ್ಷೆಯ (KCET) ಅಧಿಕೃತ ವೇಳಾಪಟ್ಟಿ (Time Table) ಪ್ರಕಟಿಸಿದೆ. ಈ ವರ್ಷದ ಎಂಜಿನಿಯರಿಂಗ್, ಫಾರ್ಮಸಿ, ಕೃಷಿ ಮತ್ತು ಪಶುಸಂಗೋಪನೆ ಸೇರಿದಂತೆ ವಿವಿಧ ವೃತ್ತಿಪರ ಕೋರ್ಸ್‌ಗಳ ಪ್ರವೇಶಕ್ಕಾಗಿ ನಡೆಸಲಾಗುವ ಈ ಮಹತ್ವದ ಕೆಸಿಇಟಿ ಪರೀಕ್ಷೆಯು ಇಂದು ಅಂದರೆ ಏಪ್ರಿಲ್ 23 ಮತ್ತು 24, 2026 ರಂದು ನಡೆಯಲಿದೆ.

ಪರೀಕ್ಷಾ ವೇಳಾಪಟ್ಟಿ ಮತ್ತು ಸಮಯ!

ಪರೀಕ್ಷೆಯು ಒಟ್ಟು ಎರಡು ದಿನಗಳ ಕಾಲ ಆಫ್‌ಲೈನ್ (OMR) ಮಾದರಿಯಲ್ಲಿ ನಡೆಯಲಿದ್ದು, ಪ್ರತಿ ವಿಷಯಕ್ಕೆ 80 ನಿಮಿಷಗಳ ಕಾಲಾವಕಾಶ ನೀಡಲಾಗಿದೆ. ಯಾವ ವಿಷಯ ಯಾವ ದಿನ ಎನ್ನುವುದನ್ನು ಇಲ್ಲಿ ನೀಡಲಾಗಿದೆ.

ಏಪ್ರಿಲ್ 22, 2026; ಹೊರನಾಡು ಮತ್ತು ಗಡಿನಾಡು ಕನ್ನಡಿಗ ಅಭ್ಯರ್ಥಿಗಳಿಗೆ ಮಾತ್ರ ಕನ್ನಡ ಭಾಷಾ ಪರೀಕ್ಷೆ ನಡೆಯಲಿದೆ.
ಏಪ್ರಿಲ್ 23, 2026 (ದಿನ 1); ಬೆಳಿಗ್ಗೆಭೌತಶಾಸ್ತ್ರ (Physics) ಮತ್ತು ಮಧ್ಯಾಹ್ನ ರಸಾಯನಶಾಸ್ತ್ರ (Chemistry) ಪರೀಕ್ಷೆಗಳು ನಡೆಯಲಿವೆ.
ಏಪ್ರಿಲ್ 24, 2026 (ದಿನ 2); ಬೆಳಿಗ್ಗೆಗಣಿತ (Mathematics) ಮತ್ತು ಮಧ್ಯಾಹ್ನ ಜೀವಶಾಸ್ತ್ರ (Biology) ವಿಷಯಗಳ ಪರೀಕ್ಷೆಗಳು ನಿಗದಿಯಾಗಿವೆ.

ಶಿಫ್ಟ್ ಸಮಯ;

ಮೊದಲ ಪಾಳಿ:ಬೆಳಿಗ್ಗೆ 10:30 ರಿಂದ 11:50 ರವರೆಗೆ.
ಎರಡನೇ ಪಾಳಿ:ಮಧ್ಯಾಹ್ನ 2:30 ರಿಂದ 3:50 ರವರೆಗೆ.

ಅಭ್ಯರ್ಥಿಗಳು ಪರೀಕ್ಷಾ ಕೇಂದ್ರಕ್ಕೆ ಕನಿಷ್ಠ 45-60 ನಿಮಿಷಗಳ ಮೊದಲೇ ಹಾಜರಿರಬೇಕು ಎಂದು ಸೂಚಿಸಲಾಗಿದೆ.

ಪ್ರಮುಖ ದಿನಾಂಕಗಳು ಮತ್ತು ಗಡುವುಗಳು!

ಅಭ್ಯರ್ಥಿಗಳು ಗಮನಿಸಬೇಕಾದ ಪ್ರಮುಖ ಹಂತಗಳು ಇಲ್ಲಿವೆ;

ಅಧಿಸೂಚನೆ ಬಿಡುಗಡೆ;ಜನವರಿ 2, 2026.
ಅರ್ಜಿ ಸಲ್ಲಿಕೆ ಪ್ರಾರಂಭ;ಜನವರಿ 17, 2026.
ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ;ಫೆಬ್ರವರಿ 27, 2026 (ವಿಸ್ತರಿಸಿದ ಗಡುವು).
ಅರ್ಜಿ ಶುಲ್ಕ ಪಾವತಿಸಲು ಕೊನೆಯ ದಿನ;ಮಾರ್ಚ್ 3, 2026.
ಅರ್ಜಿ ತಿದ್ದುಪಡಿ ವಿಂಡೋ;ಮಾರ್ಚ್ 30, 2026 ರವರೆಗೆ ಮುಕ್ತವಾಗಿತ್ತು.
ಪ್ರವೇಶ ಪತ್ರ (Admit Card) ಬಿಡುಗಡೆ;ಏಪ್ರಿಲ್ 10, 2026 ರಿಂದ ಲಭ್ಯವಿದೆ.

ಹೊಸ ನಿಯಮ ಮತ್ತು ಪರೀಕ್ಷಾ ವಿಧಾನ!

ಈ ಬಾರಿ ಎಂಜಿನಿಯರಿಂಗ್ ಪ್ರವೇಶಕ್ಕಾಗಿ 50:50 ಅನುಪಾತದ ನಿಯಮವನ್ನು ಅಳವಡಿಸಿಕೊಳ್ಳಲಾಗಿದ್ದು, ಶೇ. 50 ರಷ್ಟು ಅಂಕಗಳನ್ನು ಸಿಇಟಿ ಪರೀಕ್ಷೆಯಿಂದ ಮತ್ತು ಶೇ. 50 ರಷ್ಟು ಅಂಕಗಳನ್ನು ದ್ವಿತೀಯ ಪಿಯುಸಿ ಬೋರ್ಡ್ ಪರೀಕ್ಷೆಯ ಪ್ರಮುಖ ವಿಷಯಗಳಿಂದ ಪರಿಗಣಿಸಲಾಗುತ್ತದೆ. ಅಲ್ಲದೆ, ಈ ವರ್ಷದಿಂದ ಅಭ್ಯರ್ಥಿಗಳ ದಾಖಲಾತಿಗಾಗಿ ಆಧಾರ್ ಆಧಾರಿತ ದೃಢೀಕರಣ (Aadhaar Verification) ಕಡ್ಡಾಯಗೊಳಿಸಲಾಗಿದೆ.

ಪರೀಕ್ಷೆಯು ಒಟ್ಟು 180 ಅಂಕಗಳಿಗೆ ನಡೆಯಲಿದ್ದು (ಪ್ರತಿ ವಿಷಯಕ್ಕೆ 60 ಅಂಕಗಳು), ಯಾವುದೇ ಋಣಾತ್ಮಕ ಅಂಕಗಳು (Negative Marking) ಇರುವುದಿಲ್ಲ.

ಮುಂದಿನ ಹಂತಗಳು!

ಪರೀಕ್ಷೆಯ ನಂತರ ತಾತ್ಕಾಲಿಕ ಉತ್ತರ ಕೀ (Provisional Answer Key) ಮೇ ತಿಂಗಳಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ. ಕೆಸಿಇಟಿ 2026 ರ ಫಲಿತಾಂಶಗಳು ಮೇ ಕೊನೆಯ ವಾರದಲ್ಲಿ ಪ್ರಕಟವಾಗುವ ನಿರೀಕ್ಷೆಯಿದ್ದು, ಜೂನ್‌ನಿಂದ ಆನ್‌ಲೈನ್ ಕೌನ್ಸೆಲಿಂಗ್ ಪ್ರಕ್ರಿಯೆ ಆರಂಭವಾಗಲಿದೆ. ಹೆಚ್ಚಿನ ಮಾಹಿತಿಗಾಗಿ ಅಭ್ಯರ್ಥಿಗಳು ಕೆಇಎ ಅಧಿಕೃತ ವೆಬ್‌ಸೈಟ್ cetonline.karnataka.gov.in/kea ಗೆ ಭೇಟಿ ನೀಡಬಹುದು.

First Published :

Apr 23, 2026 10:41 AM IST

Source link