IIT ಕನಸು ಈಡೇರಲಿಲ್ಲ, ಕೆಲಸವೂ ಸಿಗಲಿಲ್ಲ: ಬರೀ ಸೋಲು, ತಿರಸ್ಕಾರ ಕಂಡಿದ್ದ ಯುವಕ ಇಂದು ಕಂಪನಿಯ CEO!

ಇದೇ ರೀತಿ ಹಿನ್ನಡೆ, ವಿಫಲತೆಗಳನ್ನು ಯಶಸ್ಸಿನ ಮೆಟ್ಟಿಲುಗಳನ್ನಾಗಿ ನೋಡಿದ ವ್ಯಕ್ತಿ ಇಂದು ಒಂದು ಕಂಪನಿಯ ಸಿಇಒ ಆಗಿದ್ದಾರೆ. ಹೆಸರು ಕಾರ್ತಿಕೇ ಸಿಂಗ್, ಫ್ಲಟರ್ ಯುವರ್ ವೇ ಸಂಸ್ಥಾಪಕ. ಬರೀ ತಿರಸ್ಕಾರ, ಸೋಲು ಕಂಡ ವ್ಯಕ್ತಿ ಇವತ್ತು ಲಕ್ಷಗಟ್ಟಲೇ ಸಂಪಾದಿಸುವ ಏಜೆನ್ಸಿ ಒಂದನ್ನು ಸ್ಥಾಪಿಸಿದ್ದಾರೆ.

ಕಾರ್ತಿಕೇ ಸಿಂಗ್ ಅವರ ಜೀವನದಲ್ಲಿ ಅವರು ಕಂಡಿದ್ದು ಬರೀ ಸೋಲು, ತಿರಸ್ಕಾರ. 16ನೇ ವಯಸ್ಸಿನಲ್ಲಿ, ಸಿಂಗ್ ಅವರ ಐಐಟಿಯಲ್ಲಿ ಪ್ರವೇಶ ಪಡೆಯುವ ಕನಸು ಕಂಡಿದ್ದರು. ಆದರೆ ಅದು ಈಡೇರಲಿಲ್ಲ. ಆಮೇಲೆ ಓದು ಮುಗಿಸಿ ಉದ್ಯೋಗ ಹುಡುಕಲು ಶುರು ಮಾಡಿದರು, ಆದ್ರೆ ಅಲ್ಲೂ ಕೂಡ ಅವರಿಗೆ ಬರೀ ನಿರಾಶೆ.

ಆಗೋದೆಲ್ಲಾ ಒಳ್ಳೆಯದಕ್ಕೆ ಅಂತಾರಲ್ಲಾ, ಹಾಗೆಯೇ ಕೆಲಸ ಸಿಗದೇ ಇದ್ದಾಗ, ಹೀಗೆ ಒಂದು ದಿನ ಸಿಂಗ್‌ ಆನ್‌ಲೈನ್‌ನಲ್ಲಿ ಕೆಲಸ ಮಾಡುವ ಮೂಲಕ ಸ್ಥಿರ ಆದಾಯವನ್ನು ಗಳಿಸುತ್ತಿದ್ದ ಫ್ರೀಲ್ಯಾನ್ಸರ್‌ ಅನ್ನು ಭೇಟಿ ಮಾಡಿದ್ರು. ಅವರ ಜೊತೆ ಕೆಲಸದ ಬಗ್ಗೆ, ಆದಾಯದ ಬಗ್ಗೆ ಮಾತನಾಡಿದ್ರು. ಈ ಮಾತುಕತೆ ಸಿಂಗ್‌ ಜೀವನದಲ್ಲಿ ಟರ್ನಿಂಗ್‌ ಪಾಯಿಂಟ್‌ ಆಯಿತು. ಸಿಂಗ್ ಕೆಲಸಗಳನ್ನು ಮಾಡಿಕೊಡುವ ಬಗ್ಗೆ ಪ್ರತಿದಿನ ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡಲು ಪ್ರಾರಂಭಿಸಿದರು, ಆದರೆ ಬಳಕೆದಾರರಿಂದ ಆರಂಭದಲ್ಲಿ ಒಂದೇ ಒಂದು ಪ್ರತಿಕ್ರಿಯೆ ಬರಲಿಲ್ಲ.

‌ಆ ಆರಂಭಿಕ ಯೋಜನೆಯ ನಂತರ ಅವರ ಕೆಲಸ ಕ್ರಮೇಣ ಹೆಚ್ಚಾಯಿತು. ಗ್ರಾಹಕರು ಬರಲು ಪ್ರಾರಂಭಿಸಿದರು, ಯೋಜನೆಗಳು ಮತ್ತು ದರಗಳು ಹೆಚ್ಚಾದವು ಮತ್ತು ಅಂತಿಮವಾಗಿ ಅವರು ಒಂದು ಸಣ್ಣ ತಂಡವನ್ನು ನಿರ್ಮಿಸಿದರು. ಇಂದು ಅವರು ಐದು ಜನರ ಏಜೆನ್ಸಿಯನ್ನು ನಡೆಸುತ್ತಿದ್ದಾರೆ, ಮಾಸಿಕ ಆದಾಯ ಸುಮಾರು 6 ಲಕ್ಷ ರೂ.ಗಳನ್ನು ಸಂಪಾದಿಸುತ್ತಿದ್ದಾರೆ. ಫ್ಲಟರ್ ಯುವರ್ ವೇ ಎಂಬುವುದು ಮೊಬೈಲ್ ಅಪ್ಲಿಕೇಶನ್ ಅಭಿವೃದ್ಧಿ ಸಂಸ್ಥೆಯಾಗಿದ್ದು, ಉದ್ಯಮದಲ್ಲಿ ಮುನ್ನೆಡೆ ಸಾಧಿಸುತ್ತಿದೆ.