Last Updated:
ಮೈಸೂರು ತಿಲಕ್ ನಗರ ಅಂಧ ಮಕ್ಕಳ ಸರ್ಕಾರಿ ಪಾಠಶಾಲೆ 2026-27ಕ್ಕೆ 1-10ನೇ ತರಗತಿ ಅಂಧ ಗಂಡು ಮಕ್ಕಳಿಗೆ ಉಚಿತ ಪ್ರವೇಶ, ಊಟ, ವಸತಿ, ಬ್ರೆಲ್, ಕಂಪ್ಯೂಟರ್, ಸ್ಪೋಕನ್ ಇಂಗ್ಲಿಷ್ ಸೌಲಭ್ಯಗಳು.
ಮೈಸೂರಿನ (Mysuru) ತಿಲಕ್ ನಗರದಲ್ಲಿರುವ ಅಂಧ (Blind) ಮಕ್ಕಳ ಸರ್ಕಾರಿ ಪಾಠಶಾಲೆ (School) ಈಗ ಹೊಸ ದಾಖಲಾತಿಗೆ ಸಜ್ಜಾಗಿದೆ. ನಿಮ್ಮ ಮಗುವಿಗೆ ಉತ್ತಮ ಶಿಕ್ಷಣ (Education) ಕೊಡಿಸಲು ಹಣದ ಚಿಂತೆ ಮಾಡುತ್ತಿದ್ದೀರಾ? ಹಾಗಿದ್ದರೆ ಈ ಸುದ್ದಿ ನಿಮಗಾಗಿ. 2026-27ನೇ ಶೈಕ್ಷಣಿಕ ಸಾಲಿಗೆ 1 ರಿಂದ 10ನೇ ತರಗತಿಯವರೆಗಿನ ಅಂಧ ಗಂಡು ಮಕ್ಕಳಿಗೆ (6 ರಿಂದ 16 ವರ್ಷ) ಉಚಿತ (Free) ಪ್ರವೇಶಾತಿ ಆರಂಭವಾಗಿದೆ.
ಯಾಕೆ ಈ ಶಾಲೆ ಸ್ಪೆಷಲ್?
ಇದು ಬರಿ ಅಕ್ಷರ ಕಲಿಸುವ ಶಾಲೆಯಲ್ಲ, ಬದುಕನ್ನು ರೂಪಿಸುವ ಶಾಲೆ. ಇಲ್ಲಿ ಬ್ರೆಲ್ ಪುಸ್ತಕಗಳ ಜೊತೆಗೆ ಕಂಪ್ಯೂಟರ್ ಶಿಕ್ಷಣ, ಸ್ಮಾರ್ಟ್ ಕ್ಲಾಸ್ ಮತ್ತು ಸ್ಪೋಕನ್ ಇಂಗ್ಲಿಷ್ ತರಬೇತಿ ನೀಡಲಾಗುತ್ತದೆ. ಅಷ್ಟೇ ಅಲ್ಲ, ಮಕ್ಕಳು ಸ್ವಾವಲಂಬಿಗಳಾಗಲು ದಿನನಿತ್ಯದ ಚಟುವಟಿಕೆಗಳ ತರಬೇತಿ , ಯೋಗ, ಸಂಗೀತ, ನೃತ್ಯ ಮತ್ತು ನಾಟಕಗಳಂತಹ ಪಠ್ಯೇತರ ಚಟುವಟಿಕೆಗಳನ್ನು ನುರಿತ ಶಿಕ್ಷಕರು ಹೇಳಿಕೊಡುತ್ತಾರೆ.
ಮನೆಗಿಂತಲೂ ಹೆಚ್ಚು ಸೌಲಭ್ಯ
ಇಲ್ಲಿನ ಸೌಲಭ್ಯಗಳನ್ನು ಕೇಳಿದರೆ ನೀವು ಆಶ್ಚರ್ಯಪಡುತ್ತೀರಿ. ವಿದ್ಯಾರ್ಥಿಗಳಿಗೆ ಸಂಪೂರ್ಣ ಉಚಿತ ಊಟ ಮತ್ತು ವಸತಿ ಮಾತ್ರವಲ್ಲದೆ, ಸ್ನಾನಕ್ಕೆ ಸೋಲಾರ್ ಹೀಟರ್ ಮೂಲಕ ಬಿಸಿ ನೀರಿನ ವ್ಯವಸ್ಥೆ, ಉಚಿತ ಸಮವಸ್ತ್ರ, ಕಲಿಕಾ ಉಪಕರಣಗಳು ಮತ್ತು ನಿಯಮಿತ ವೈದ್ಯಕೀಯ ತಪಾಸಣೆಯೂ ಲಭ್ಯವಿದೆ. ಅಂದರೆ ಪೋಷಕರು ಯಾವುದೇ ಆರ್ಥಿಕ ಹೊರೆಯಿಲ್ಲದೆ ತಮ್ಮ ಮಕ್ಕಳನ್ನು ಇಲ್ಲಿ ಸೇರಿಸಬಹುದು.
ದಾಖಲಾತಿ ಮಾಡುವುದು ಹೇಗೆ?
ನಿಮ್ಮ ಮಗುವನ್ನು ದಾಖಲಿಸಲು ಯುಡಿಐಡಿ ಕಾರ್ಡ್ (ವಿಕಲಚೇತನ ವೈದ್ಯಕೀಯ ಪ್ರಮಾಣಪತ್ರ), ಆಧಾರ್ ಕಾರ್ಡ್, ಜನನ ಮತ್ತು ಜಾತಿ ಪ್ರಮಾಣಪತ್ರ ಹಾಗೂ ಭಾವಚಿತ್ರಗಳೊಂದಿಗೆ ಶಾಲೆಗೆ ಭೇಟಿ ನೀಡಿ.
ಸಂಪರ್ಕಿಸಿ
ಹೆಚ್ಚಿನ ಮಾಹಿತಿಗಾಗಿ gsbcmysore@yahoo.in ಇಮೇಲ್ ಮೂಲಕ ಅಥವಾ ಕರೆ ಮಾಡಿ: 0821-2497496 ಅಥವಾ ಮೊಬೈಲ್ ಸಂಖ್ಯೆ 9481441453.
ಅರ್ಹ ಅಂಧ ವಿದ್ಯಾರ್ಥಿಗಳು ಈ ಅದ್ಭುತ ಅವಕಾಶವನ್ನು ಮಿಸ್ ಮಾಡಿಕೊಳ್ಳಬೇಡಿ.
Location :
Mysore,Mysore,Karnataka
First Published :
Apr 25, 2026 10:57 AM IST
