Last Updated:
ಬೆಂಗಳೂರು ಆರ್ ಸಿ ಕಾಲೇಜಿನಲ್ಲಿ ನೀಟ್ ಮರು ಪರೀಕ್ಷೆಗೆ ತಡವಾಗಿ ಬಂದ ಮೂವರು ವಿದ್ಯಾರ್ಥಿಗಳು ಎಂಟ್ರಿ ಸಮಯ ಮೀರಿದ ಕಾರಣ ಪರೀಕ್ಷೆ ಮಿಸ್, ಪೋಷಕರು ಗೇಟ್ ಬಳಿ ಆಕ್ರೋಶ ವ್ಯಕ್ತಪಡಿಸಿದರು
ಬೆಂಗಳೂರು: ಇಂದು ದೇಶಾದ್ಯಂತ ನೀಟ್ ಮರು ಪರೀಕ್ಷೆ (NEET Re-Exam) ನಡೆಸಲಾಗುತ್ತಿದೆ. ಈಗಾಗಲೇ ಪರೀಕ್ಷೆ ಶುರುವಾಗಿದ್ದು, ಅಧಿಕಾರಿಗಳು ಬಿಗಿ ಕ್ರಮಗಳನ್ನು ಕೈಗೊಂಡಿದ್ದಾರೆ. ಆದರೆ, ಬೆಂಗಳೂರಿನಲ್ಲಿ (Bengaluru) ಮೂವರು ವಿದ್ಯಾರ್ಥಿಗಳು ನೀಟ್ ಎಕ್ಸಾಂ ಮಿಸ್ ಮಾಡಿಕೊಂಡಿದ್ದಾರೆ.
RC ಕಾಲೇಜು ಪರೀಕ್ಷಾ ಕೇಂದ್ರಕ್ಕೆ ತಡವಾಗಿ ಓರ್ವ ವಿದ್ಯಾರ್ಥಿನಿ ಬಂದಿದ್ದರು. ಸಿಬ್ಬಂದಿ ಗೇಟ್ ಓಪನ್ ಮಾಡದ ಕಾರಣಕ್ಕೆ ವಿದ್ಯಾರ್ಥಿನಿ ಗೇಟ್ ಹಾರಿ ಹೋಗಲು ಯತ್ನಿಸಿದರು. ಪರೀಕ್ಷೆ ಬರೆಯಲು ಪ್ರವೇಶ ನಿರಾಕರಿಸಿದ್ದಕ್ಕೆ ಪೋಷಕರು ಗೇಟ್ ಎದುರು ಕಿರುಚಾಡಿ, ಗೇಟ್ ಚೈನ್ ಬಡಿದು ಆಕ್ರೋಶ ಹೊರಹಾಕಿದರು.
ಮತ್ತೊರ್ವ ವಿದ್ಯಾರ್ಥಿ ಬಸ್ ಮಿಸ್ ಆಗಿ ಲೇಟ್ ಆಗಿ ಪರೀಕ್ಷಾ ಕೇಂದ್ರಕ್ಕೆ ಬಂದಿದ್ದರೆ, ಮೂರನೆಯವರು ಕಳೆದ ಬಾರಿಯ ಟಿಕೆಟ್ ತಂದು ಯಡವಟ್ಟು ಮಾಡಿಕೊಂಡು ಪರೀಕ್ಷೆ ಮಿಸ್ ಮಾಡಿಕೊಂಡಿದ್ದಾರೆ. ಇನ್ನು, ಒಳ ಬಿಡುವಂತೆ ವಿದ್ಯಾರ್ಥಿಗಳು ಎಷ್ಟೇ ಮನವಿ ಮಾಡಿದರೂ, ಪರೀಕ್ಷಾ ಕೇಂದ್ರ ಎಂಟ್ರಿ ಸಮಯ ಮೀರಿದ್ದರಿಂದ ಸಿಬ್ಬಂದಿ ಅವಕಾಶ ಕೊಡಲು ನಿರಾಕರಿಸಿದ್ದಾರೆ. ಈ ಹಿನ್ನೆಲೆ ನೀಟ್ ಪರೀಕ್ಷೆ ಬರೆಯಲು ತಡವಾಗಿ ಬಂದಿದ್ದ ಇಬ್ಬರು ವಿದ್ಯಾರ್ಥಿಗಳು ಮನೆಗೆ ವಾಪಸ್ ಆಗಿದ್ದಾರೆ. ಇನ್ನು, ಹಳೆಯ ಹಾಲ್ ಟಿಕೆಟ್ ತಂದಿದ್ದ ಮಾಗಡಿ ಮೂಲದ ವಿದ್ಯಾರ್ಥಿನಿಗೆ ಪೊಲೀಸರು ಧೈರ್ಯ ಹೇಳಿ ಬಳಿಕ ವಿದ್ಯಾರ್ಥಿನಿ ಅಣ್ಣನನ್ನು ಕರೆಯಿಸಿ ಮನೆಗೆ ಕಳುಹಿಸಿಕೊಟ್ಟಿದ್ದಾರೆ.
(ವರದಿ: ಪ್ರಗತಿ, ನ್ಯೂಸ್18 ಕನ್ನಡ, ಬೆಂಗಳೂರು)
Bangalore,Karnataka
