Last Updated:
ದೇಶದ 17 ರಾಜ್ಯಗಳಿಗೆ 750 ಹುದ್ದೆಗಳು ಮೀಸಲಾಗಿದ್ದು, ಪ್ರತಿ ರಾಜ್ಯಕ್ಕೆ ಸಂಬಂಧಿಸಿದ ಸ್ಥಳೀಯ ಪ್ರಾದೇಶಿಕ ಭಾಷೆಯ ಅರಿವು ಕಡ್ಡಾಯ. ಒಟ್ಟು ಹುದ್ದೆಗಳ ಪೈಕಿ 336 ಹುದ್ದೆಗಳು ಸಾಮಾನ್ಯ ವರ್ಗಕ್ಕೆ (Unreserved), 194 ಹುದ್ದೆಗಳು ಇತರ ಹಿಂದುಳಿದ ವರ್ಗ (OBC), 104 ಹುದ್ದೆಗಳು ಪರಿಶಿಷ್ಟ ಜಾತಿ (SC), 67 ಹುದ್ದೆಗಳು ಆರ್ಥಿಕವಾಗಿ ದುರ್ಬಲ ವರ್ಗ (EWS) ಹಾಗೂ 49 ಹುದ್ದೆಗಳು ಪರಿಶಿಷ್ಟ ಜನಾಂಗ (ST) ಅಭ್ಯರ್ಥಿಗಳಿಗೆ ಮೀಸಲಾಗಿವೆ.
ಬೆಂಗಳೂರು: ಪಂಜಾಬ್ ನ್ಯಾಷನಲ್ ಬ್ಯಾಂಕ್ (PNB) ಭಾರತದ ಪ್ರಮುಖ ಸಾರ್ವಜನಿಕ ವಲಯದ ಬ್ಯಾಂಕ್ (Public sector Bank) ಆಗಿ ಕಾರ್ಯ ನಿರ್ವಹಿಸುತ್ತಿದೆ. ನವದೆಹಲಿಯಲ್ಲಿ(New delhi) ಪ್ರಧಾನ ಕಚೇರಿಯನ್ನು ಹೊಂದಿರುವ ಇದು, ಕಾರ್ಪೊರೇಟ್ ಮತ್ತು ಚಿಲ್ಲರೆ ಬ್ಯಾಂಕಿಂಗ್, ಸಾಲಗಳು ಮತ್ತು ಹೂಡಿಕೆ ಉತ್ಪನ್ನಗಳು ಸೇರಿದಂತೆ ವ್ಯಾಪಕ ಶ್ರೇಣಿಯ ಉತ್ಪನ್ನಗಳು ಮತ್ತು ಸೇವೆಗಳನ್ನು ಒದಗಿಸುತ್ತದೆ. ಇದಲ್ಲದೇ ಭಾರತದಾದ್ಯಂತ ಸಾವಿರಾರು ಶಾಖೆಗಳು ಮತ್ತು ATM ಗಳನ್ನು ಹೊಂದಿದೆ. ಪ್ರಸ್ತುತ ಪಂಜಾಬ್ ನ್ಯಾಷನಲ್ ಬ್ಯಾಂಕ್ (PNB) ಸಂಸ್ಥೆ 750 ಲೋಕಲ್ ಬ್ಯಾಂಕ್ ಅಧಿಕಾರಿ (Local Bank Officer – LBO) ಹುದ್ದೆಗಳ ಭರ್ತಿಗೆ ಅರ್ಜಿ ಆಹ್ವಾನಿಸಿದೆ. ಅರ್ಹ ಆಸಕ್ತ ಅಭ್ಯರ್ಥಿಗಳುಜ ನ.23ರೊಳಗಾಗಿ ಅರ್ಜಿ ಸಲ್ಲಿಸಬಹುದು.
ದೇಶದ 17 ರಾಜ್ಯಗಳಿಗೆ 750 ಹುದ್ದೆಗಳು ಮೀಸಲಾಗಿದ್ದು, ಪ್ರತಿ ರಾಜ್ಯಕ್ಕೆ ಸಂಬಂಧಿಸಿದ ಸ್ಥಳೀಯ ಪ್ರಾದೇಶಿಕ ಭಾಷೆಯ ಅರಿವು ಕಡ್ಡಾಯ. ಒಟ್ಟು ಹುದ್ದೆಗಳ ಪೈಕಿ 336 ಹುದ್ದೆಗಳು ಸಾಮಾನ್ಯ ವರ್ಗಕ್ಕೆ (Unreserved), 194 ಹುದ್ದೆಗಳು ಇತರ ಹಿಂದುಳಿದ ವರ್ಗ (OBC), 104 ಹುದ್ದೆಗಳು ಪರಿಶಿಷ್ಟ ಜಾತಿ (SC), 67 ಹುದ್ದೆಗಳು ಆರ್ಥಿಕವಾಗಿ ದುರ್ಬಲ ವರ್ಗ (EWS) ಹಾಗೂ 49 ಹುದ್ದೆಗಳು ಪರಿಶಿಷ್ಟ ಜನಾಂಗ (ST) ಅಭ್ಯರ್ಥಿಗಳಿಗೆ ಮೀಸಲಾಗಿವೆ.
ಅರ್ಜಿ ಸಲ್ಲಿಸಲು ಅಭ್ಯರ್ಥಿ ಒಂದೇ ರಾಜ್ಯವನ್ನು ಆಯ್ಕೆಮಾಡಬೇಕು ಹಾಗೂ ಅರ್ಹ ದಾಖಲೆಗಳನ್ನು ಹೊಂದಿರಬೇಕು. ಯಾವುದೇ ಮಾನ್ಯ ವಿಶ್ವವಿದ್ಯಾಲಯ ಅಥವಾ ಭಾರತ ಸರ್ಕಾರದಿಂದ ಮಾನ್ಯತೆ ಪಡೆದ ಶಿಕ್ಷಣ ಸಂಸ್ಥೆಯಿಂದ ಪದವಿ ಪಡೆದಿರಬೇಕು. ದಾಖಲೆಗಳಲ್ಲಿ ಲೋಪ ಕಂಡುಬಂದ ಅಭ್ಯರ್ಥಿಯನ್ನು ನೇಮಕಾತಿಯಿಂದ ಕೈಬಿಡಲಾಗುವುದು ಎಂದು ಪಿಎನ್ಬಿ ನೇಮಕಾತಿ ಮಂಡಳಿ ತಿಳಿಸಿದೆ.
ಅರ್ಜಿ ಸಲ್ಲಿಸುವ ಅರ್ಹ ಅಭ್ಯರ್ಥಿಯು ಜುಲೈ 1, 2025ರ ವೇಳೆಗೆ ಅಭ್ಯರ್ಥಿಯ ಕನಿಷ್ಠ 20ರಿಂದ ಗರಿಷ್ಠ 30 ವರ್ಷದೊಳಗಿರಬೇಕು. SC/ST ಅಭ್ಯರ್ಥಿಗಳಿಗೆ 5 ವರ್ಷ, OBC ಅಭ್ಯರ್ಥಿಗಳಿಗೆ 3 ವರ್ಷ, ಅಂಗವಿಕಲರಿಗೆ 10 ವರ್ಷ ವಯೋ ಸಡಿಲಿಕೆ ಇರಲಿದೆ. ಅರ್ಹ ಅಭ್ಯರ್ಥಿಗಳು RBI ಕಾಯ್ದೆ, 1934ರ ದ್ವಿತೀಯ ಅನುಸೂಚಿಯಲ್ಲಿ ಪಟ್ಟಿ ಮಾಡಿದ ಯಾವುದೇ ನಿಯೋಜಿತ ವಾಣಿಜ್ಯ ಬ್ಯಾಂಕ್ ಅಥವಾ ಪ್ರಾದೇಶಿಕ ಗ್ರಾಮೀಣ ಬ್ಯಾಂಕ್ನಲ್ಲಿ ಕನಿಷ್ಠ ಒಂದು ವರ್ಷದ ಕ್ಲರಿಕಲ್ ಅಥವಾ ಅಧಿಕಾರಿ ಹುದ್ದೆಯ ಕೆಲಸದ ಅನುಭವ ಹೊಂದಿರಬೇಕು. ಹುದ್ದೆಗೆ ಆಯ್ಕೆಯಾದ ಅಭ್ಯರ್ಥಿಗಳಿಗೆ 67160-85920 ರೂ.,ಗಳ ವೇತನ ಶ್ರೇಣಿ ನೀಡಲಾಗುತ್ತದೆ.
ಆಯ್ಕೆ ಪ್ರಕ್ರಿಯೆ ನಾಲ್ಕು ಹಂತಗಳಲ್ಲಿ ನಡೆಯಲಿದೆ. ಆನ್ಲೈನ್ ಲಿಖಿತ ಪರೀಕ್ಷೆ, ತಪಾಸಣೆ ಹಂತ (Screening III), ಪ್ರಾದೇಶಿ ಭಾಷಾ ಪರೀಕ್ಷೆ ಹಾಗೂ ವೈಯಕ್ತಿಕ ಸಂದರ್ಶನದ ಮೂಲಕ ಅಭ್ಯರ್ಥಿಯನ್ನು ಆಯ್ಕೆ ಮಾಡಲಾಗುತ್ತದೆ. ಅಂತಿಮವಾಗಿ ಆಯ್ಕೆಯಾದ ಅಭ್ಯರ್ಥಿಗಳ ಮೆರಿಟ್ ಪಟ್ಟಿಯನ್ನು ಅಧಿಕೃತ ವೆಬ್ಸೈಟ್ನಲ್ಲಿ ಬಿಡುಗಡೆಗೊಳಿಸಲಾಗುತ್ತದೆ.
ಆಸಕ್ತ ಅಭ್ಯರ್ಥಿಗಳು pnb.bank.in/Recruitments.aspx ಭೇಟಿ ನೀಡಿ. ಅರ್ಜಿ ಫಾರ್ಮ್ ಭರ್ತಿ ಮಾಡಿ, ಅಗತ್ಯ ದಾಖಲೆಗಳನ್ನು ಅಪ್ಲೋಡ್ ಮಾಡಿ ಹಾಗೂ ಶುಲ್ಕ ಪಾವತಿಸಿ. ಅರ್ಜಿ ಸಲ್ಲಿಸಿದ ಬಳಿಕ ದೃಢೀಕರಣ ಪುಟವನ್ನು ಡೌನ್ಲೋಡ್ ಮಾಡಿಕೊಳ್ಳಬೇಕು. ಅದರಂತೆ ಸಾಮಾನ್ಯ, OBC ಹಾಗೂ EWS ವರ್ಗದ ಅಭ್ಯರ್ಥಿಗಳಿಗೆ ₹1180 ಹಾಗೂ SC, ST ಮತ್ತು ಅಂಗವಿಕಲ (PWD) ಅಭ್ಯರ್ಥಿಗಳಿಗೆ ಕೇವಲ ₹59 ಅರ್ಜಿ ಶುಲ್ಕ ನಿಗದಿಯಾಗಿದೆ.
Bangalore,Karnataka
November 04, 2025 11:09 PM IST
Punjab National Bank: ಬ್ಯಾಂಕ್ನಲ್ಲಿ ಕೆಲಸ, 60ರಿಂದ 85 ಸಾವಿರ ಸಂಬಳ! ಯಾವುದೇ ಪದವೀಧರರು ಅರ್ಹರು, ಈಗಲೇ ಅರ್ಜಿ ಹಾಕಿ!
