MBBS ವಿದ್ಯಾರ್ಥಿಗಳಿಗೆ ಆರೋಗ್ಯ ಇಲಾಖೆ ಗುಡ್ ನ್ಯೂಸ್! ವೈದ್ಯರ ಕೊರತೆಗೆ ನೀಗಿಸಲು ದೊಡ್ಡ ನಿರ್ಧಾರ!

ರಾಜ್ಯದಲ್ಲಿ ಒಟ್ಟು 1280 ವೈದ್ಯರ ಕೊರತೆ ಇದ್ದು, ಈ ಪೈಕಿ 200 ವೈದ್ಯರ ಖಾಯಂ ನೇರ ನೇಮಕಾತಿಗೆ (permanent) ಆರೋಗ್ಯ ಇಲಾಖೆ ಮುಂದಾಗಿದೆ. ಸುಮಾರು 1000 ಸಾವಿರ ವೈದ್ಯರ ವಾಕ್ ಇನ್ ಇಂಟರ್​ವ್ಯೂವ್​ ನಡೆಸಲು ತೀರ್ಮಾನಿಸಿದ್ದಾರೆ. ಡಿಎಚ್​ಒ ಗಳಿಗೆ ಅರ್ಜಿ ಸಲ್ಲಿಸಿ ನೇಮಕಾತಿಗೆ ಒಳಪಡಬಹುದಾಗಿದ್ದು, ಐದು ವರ್ಷಗಳ ಸೇವೆ ಸಲ್ಲಿಕೆ ಬಳಿಕ ಸಾಧನೆ ಪರಿಗಣಿಸಿ ಖಾಯಂ ನೇಮಕಾತಿಯ ಭರವಸೆ ನೀಡಲಾಗಿದೆ. ವೈದ್ಯರ ಜೊತೆ 400 ನರ್ಸ್, 400 ಫಾರ್ಮಸಿಸ್ಟ್, 400 ಲ್ಯಾಬ್ ಟೆಕ್ನಿಶಿಯನ್ಸ್​ಗಳ ನೇಮಕಾತಿಗೆ ಆರೋಗ್ಯ ಇಲಾಖೆ ನಿರ್ಧರಿಸಿದೆ.

ಮೊದಲ ಸಮಸ್ಯೆ ವೈದ್ಯರ ಕೊರತೆ ಇದೆ. ಎಂಬಿಬಿಎಸ್ 1280 ಕೊರತೆ, 924 ಸ್ಪೆಷಲಿಸ್ಟ್, 892 ನರ್ಸ್​ಗಳ ಕೊರತೆ ಇದೆ. ನೇಮಕಾತಿಗೆ ನಾವು ನಿರ್ಧಾರ ಮಾಡಿದ್ದೇವೆ. ಇದಕ್ಕಾಗಿ ವಾಕ್ ಇನ್ ಇಂಟ್ರವ್ಯೂ ಮಾಡಲು ನಿರ್ಧರಿಸಿದ್ದೇವೆ. ಡಿಹೆಚ್​ಓಗಳಿಗೆ ತಮ್ಮ ಅರ್ಜಿ ಸಲ್ಲಿಸಬಹುದಾಗಿದೆ. ಎಂಬಿಬಿಎಸ್ ವೈದ್ಯರಿಗೆ  1,10,000 ರೂ, ಸ್ಟೂಡೆಂಟ್​​ಗಳಿಗೆ 10 ಸಾವಿರ ಕೊಡಲಾಗುತ್ತದೆ. ಕಂಟ್ರ್ಯಾಕ್ಟ್​​ನಲ್ಲಿ ಕೆಲಸ ಮಾಡುವವರಿಗೆ (ಉತ್ತಮ ಕೆಲಸ‌ ಮಾಡಿದವರು) ಪರ್ಮನೆಂಟ್ ಜಾಬ್ ಮಾಡಲು ನಿರ್ಧರಿಸಿದ್ದೇವೆ. ಪಿಜಿ ಅವಕಾಶ ಕೊಡಲಾಗುತ್ತದೆ. ಎಂಬಿಬಿಎಸ್ ಮಾಡುವವರಿಗೆ ಪಿಜಿ ಮಾಡಲು ಅವಕಾಶ ಮಾಡಿಕೊಡಲಾಗುತ್ತದೆ. ನಗರ ಮಟ್ಟದಲ್ಲಿ ವೈದ್ಯರಿದ್ದಾರೆ ಆದ್ರೆ ಗ್ರಾಮೀಣ, ಗುಡ್ಡಗ್ರಾಮದಲ್ಲಿ ವೈದ್ಯರ ಕೊರತೆ ಇದೆ ಎಂದರು.