SSC ಹೊರಡಿಸಿದ ಅಧಿಸೂಚನೆಯ ಪ್ರಕಾರ, ಪರೀಕ್ಷೆಗಳು ಮೇ 2026ರಿಂದ ಆರಂಭವಾಗಿ ಮಾರ್ಚ್–ಏಪ್ರಿಲ್ 2027ರವರೆಗೆ ನಡೆಯಲಿವೆ. ಈ ಕ್ಯಾಲೆಂಡರ್ನಲ್ಲಿ ಪರೀಕ್ಷೆಗಳ ಹೆಸರು, ಹಂತಗಳು, ಅಧಿಸೂಚನೆ ಪ್ರಕಟವಾಗುವ ದಿನಾಂಕ, ಆನ್ಲೈನ್ ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ ಹಾಗೂ ಪರೀಕ್ಷೆ ನಡೆಯುವ ತಿಂಗಳ ವಿವರಗಳನ್ನು ನೀಡಲಾಗಿದೆ. ಇದರಿಂದ ಅಭ್ಯರ್ಥಿಗಳು ಈಗಿನಿಂದಲೇ ಯೋಜಿತ ಹಾಗೂ ಹಂತಬದ್ಧ ತಯಾರಿ ತಂತ್ರವನ್ನು ರೂಪಿಸಿಕೊಳ್ಳಲು ಸಾಧ್ಯವಾಗುತ್ತದೆ.
ಮೇ 2026ರಿಂದ ಆರಂಭವಾಗುವ ಪ್ರಮುಖ ಪರೀಕ್ಷೆಗಳು
SSC ಕ್ಯಾಲೆಂಡರ್ ಪ್ರಕಾರ, JSA ಮತ್ತು LDC, SSA/UDC ಹಾಗೂ ASO ಪರೀಕ್ಷೆಗಳ ಪೇಪರ್–1 (CBSE ಆಧಾರಿತ) ಪರೀಕ್ಷೆಗಳು ಮೇ 2026ರಲ್ಲಿ ನಡೆಯಲಿವೆ. ಈ ಪರೀಕ್ಷೆಗಳ ಅಧಿಸೂಚನೆ ಮಾರ್ಚ್ 16, 2026ರಂದು ಪ್ರಕಟವಾಗಲಿದ್ದು, ಏಪ್ರಿಲ್ 7, 2026 ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕವಾಗಿದೆ. ಅದೇ ರೀತಿ, ಅತ್ಯಂತ ಪ್ರತಿಷ್ಠಿತವಾದ SSC CGL (ಕಾಂಬೈನ್ಡ್ ಗ್ರಾಜುಯೇಟ್ ಲೆವೆಲ್) ಮತ್ತು ಜೂನಿಯರ್ ಎಂಜಿನಿಯರ್ (ಸಿವಿಲ್, ಮೆಕ್ಯಾನಿಕಲ್, ಎಲೆಕ್ಟ್ರಿಕಲ್) ಪರೀಕ್ಷೆಗಳ ಶ್ರೇಣಿ–1 ಪರೀಕ್ಷೆಗಳು ಮೇ–ಜೂನ್ 2026ರಲ್ಲಿ ನಡೆಯಲಿವೆ. ಇವುಗಳಿಗೆ ಸಂಬಂಧಿಸಿದ ಅಧಿಸೂಚನೆಗಳು ಮಾರ್ಚ್ 2026ರಲ್ಲಿ ಪ್ರಕಟವಾಗುವ ನಿರೀಕ್ಷೆಯಿದೆ.
ಜುಲೈ 2026ರಿಂದ ಸೆಪ್ಟೆಂಬರ್ 2026ರವರೆಗಿನ ಪರೀಕ್ಷೆಗಳು!
SSC CHSL (ಕಾಂಬೈನ್ಡ್ ಹೈಯರ್ ಸೆಕೆಂಡರಿ ಲೆವೆಲ್) ಪರೀಕ್ಷೆಯ ಶ್ರೇಣಿ–1 ಜುಲೈದಿಂದ ಸೆಪ್ಟೆಂಬರ್ 2026ರವರೆಗೆ ನಡೆಯಲಿದೆ. ಈ ಪರೀಕ್ಷೆ 12ನೇ ತರಗತಿ ಪಾಸ್ ಅಭ್ಯರ್ಥಿಗಳಿಗೆ ಪ್ರಮುಖ ಅವಕಾಶವಾಗಿದೆ. ಇದೇ ಅವಧಿಯಲ್ಲಿ ಸ್ಟೆನೋಗ್ರಾಫರ್ ಗ್ರೇಡ್–C ಮತ್ತು D, ಹಾಗೂ ಸಂಯೋಜಿತ ಹಿಂದಿ ಅನುವಾದಕ ಪರೀಕ್ಷೆಗಳ ಪೇಪರ್–1 ಪರೀಕ್ಷೆಗಳು ಆಗಸ್ಟ್–ಸೆಪ್ಟೆಂಬರ್ 2026ರಲ್ಲಿ ನಡೆಯಲಿವೆ.
MTS, ದೆಹಲಿ ಪೊಲೀಸ್ ಹಾಗೂ GD ಕಾನ್ಸ್ಟೆಬಲ್ ಪರೀಕ್ಷೆಗಳು!
MTS (ಮಲ್ಟಿ ಟಾಸ್ಕಿಂಗ್ ಸ್ಟಾಫ್)* ಪರೀಕ್ಷೆಗಳು ಸೆಪ್ಟೆಂಬರ್ನಿಂದ ನವೆಂಬರ್ 2026ರವರೆಗೆ ನಡೆಯಲಿವೆ. 10ನೇ ತರಗತಿ ಪಾಸ್ ಅಭ್ಯರ್ಥಿಗಳಿಗೆ ಇದು ಉತ್ತಮ ಅವಕಾಶವಾಗಿದೆ. ಇನ್ನು ದೆಹಲಿ ಪೊಲೀಸ್ ಸಬ್-ಇನ್ಸ್ಪೆಕ್ಟರ್ ನೇಮಕಾತಿ ಪರೀಕ್ಷೆ ಅಕ್ಟೋಬರ್–ನವೆಂಬರ್ 2026ರಲ್ಲಿ ನಡೆಯಲಿದೆ.ಬಹಳ ನಿರೀಕ್ಷಿತವಾದ ಕಾನ್ಸ್ಟೆಬಲ್ GD ಪರೀಕ್ಷೆ ಜನವರಿ–ಮಾರ್ಚ್ 2027ರವರೆಗೆ ನಡೆಯಲಿದ್ದು, ದೇಶದಾದ್ಯಂತ ಯುವಕರಲ್ಲಿ ಹೆಚ್ಚಿನ ಆಸಕ್ತಿ ಹುಟ್ಟಿಸಿದೆ.
ಅರ್ಜಿ ಸಲ್ಲಿಸುವ ವಿಧಾನ ಮತ್ತು ಅರ್ಹತೆ!
SSC ಪರೀಕ್ಷೆಗಳಲ್ಲಿ ಭಾಗವಹಿಸಲು ಬಯಸುವ ಅಭ್ಯರ್ಥಿಗಳು SSC ಯ ಅಧಿಕೃತ ವೆಬ್ಸೈಟ್ ಮೂಲಕ ಆನ್ಲೈನ್ನಲ್ಲಿ ನೋಂದಣಿ ಮಾಡಿಕೊಳ್ಳಬೇಕು. ಪ್ರತಿ ಪರೀಕ್ಷೆಗೆ ಪ್ರತ್ಯೇಕ ಅಧಿಸೂಚನೆ ಹೊರಡಿಸಲಾಗುತ್ತಿದ್ದು, ಅರ್ಜಿ ಶುಲ್ಕ, ವಯೋಮಿತಿ ಹಾಗೂ ಅರ್ಹತೆ ಕುರಿತ ಸಂಪೂರ್ಣ ವಿವರಗಳು ಅದರಲ್ಲಿ ಲಭ್ಯವಾಗಲಿವೆ.
SSC ಕ್ಯಾಲೆಂಡರ್ ಪ್ರಕಾರ, ‘10ನೇ ತರಗತಿ, 12ನೇ ತರಗತಿ ಹಾಗೂ ಪದವಿ ಪಾಸ್ ಅಭ್ಯರ್ಥಿಗಳು ತಮ್ಮ ಅರ್ಹತೆಗೆ ತಕ್ಕಂತೆ ಈ ಪರೀಕ್ಷೆಗಳಿಗೆ ಅರ್ಜಿ ಸಲ್ಲಿಸಬಹುದು. ಆದ್ದರಿಂದ ಅಭ್ಯರ್ಥಿಗಳು ನಿಯಮಿತವಾಗಿ SSC ಅಧಿಕೃತ ವೆಬ್ಸೈಟ್ ಪರಿಶೀಲಿಸುವಂತೆ ಸಲಹೆ ನೀಡಲಾಗಿದೆ. ಒಟ್ಟಾರೆ, SSC ಪರೀಕ್ಷಾ ಕ್ಯಾಲೆಂಡರ್ 2026–27 ಬಿಡುಗಡೆಗೊಂಡಿರುವುದು ಅಭ್ಯರ್ಥಿಗಳಿಗೆ ದೀರ್ಘಾವಧಿಯ ತಯಾರಿಗೆ ಚಿನ್ನದ ಅವಕಾಶವಾಗಿದ್ದು, ಸರಿಯಾದ ಯೋಜನೆ ಮತ್ತು ಶಿಸ್ತುಬದ್ಧ ಅಭ್ಯಾಸದಿಂದ ಸರ್ಕಾರಿ ಉದ್ಯೋಗದ ಕನಸು ನನಸಾಗಿಸಿಕೊಳ್ಳಲು ಸಾಧ್ಯವಾಗುತ್ತದೆ.
Bangalore [Bangalore],Bangalore,Karnataka
Jan 09, 2026 10:51 AM IST
SSC: 10ನೇ, 12ನೇ, ಪದವಿ ಉತ್ತೀರ್ಣ ಅಭ್ಯರ್ಥಿಗಳಿಗೆ ಭರ್ಜರಿ ಅವಕಾಶ! SSC ಪರೀಕ್ಷಾ ವೇಳಾಪಟ್ಟಿ ಪ್ರಕಟ! ಯಾವ ಪರೀಕ್ಷೆ ಯಾವಾಗ? ಇಲ್ಲಿದೆ ಸಂಪೂರ್ಣ ವಿವರ!
