Last Updated:
ಪರೀಕ್ಷಾ ಪೆ ಚರ್ಚಾ 2026ಕ್ಕೆ MyGov ಪೋರ್ಟಲ್ನಲ್ಲಿ ನೋಂದಣಿ ಆರಂಭ, ವಿದ್ಯಾರ್ಥಿ, ಶಿಕ್ಷಕ ಹಾಗೂ ಪೋಷಕರಿಗೂ ಭಾಗವಹಿಸುವ ಅವಕಾಶ, ಪ್ರಧಾನಿ ಮೋದಿ ಜೊತೆ ನೇರ ಸಂವಾದದ ಅಪರೂಪದ ಅವಕಾಶ. ಇಲ್ಲಿದೆ ಅದರ ಸಂಪೂರ್ಣ ಮಾಹಿತಿ.
ನವದೆಹಲಿ: ಪ್ರಧಾನಿ ಮೋದಿಯವರ ಜೊತೆ ನೇರ ಸಂವಾದಕ್ಕೆ ನಿಮಗೂ ಅವಕಾಶ? ‘ಪರೀಕ್ಷಾ ಪೆ ಚರ್ಚಾ 2026’ನಲ್ಲಿ ಭಾಗವಹಿಸುವುದು ಹೇಗೆ ಗೊತ್ತಾ? ಅದರ ಸವಿವರ ಇಲ್ಲಿದೆ. ಪರೀಕ್ಷೆಯ ಒತ್ತಡ, ಭವಿಷ್ಯದ ವೃತ್ತಿ ಆಯ್ಕೆ, ಜೀವನದ ಗುರಿಗಳ ಕುರಿತು ವಿದ್ಯಾರ್ಥಿಗಳ ಮನದಲ್ಲಿರುವ ಅನೇಕ ಪ್ರಶ್ನೆಗಳಿಗೆ ಉತ್ತರ ಹುಡುಕುವ ವೇದಿಕೆಯಾಗಿ ರೂಪುಗೊಂಡಿರುವ ಪ್ರಧಾನಿ ನರೇಂದ್ರ ಮೋದಿ ಅವರ ಜನಪ್ರಿಯ ಕಾರ್ಯಕ್ರಮ ‘ಪರೀಕ್ಷಾ ಪೆ ಚರ್ಚಾ’ (PPC) 2026ರ 9ನೇ ಆವೃತ್ತಿಗೆ ನೋಂದಣಿ ಪ್ರಕ್ರಿಯೆ ಆರಂಭವಾಗಿದೆ. ಪ್ರತಿ ವರ್ಷ ಲಕ್ಷಾಂತರ ವಿದ್ಯಾರ್ಥಿಗಳನ್ನು ಆಕರ್ಷಿಸುವ ಈ ಕಾರ್ಯಕ್ರಮವು, ಪರೀಕ್ಷೆಯನ್ನು ಭಯವಾಗಿ ನೋಡದೇ ಆತ್ಮವಿಶ್ವಾಸದಿಂದ ಎದುರಿಸುವಂತೆ ಯುವಪೀಳಿಗೆಯನ್ನು ಪ್ರೇರೇಪಿಸುವ ಉದ್ದೇಶ ಹೊಂದಿದೆ.
ಪಿಪಿಸಿ 2026ರಲ್ಲಿ ವಿದ್ಯಾರ್ಥಿಗಳು, ಶಿಕ್ಷಕರು ಮತ್ತು ಪೋಷಕರು ಪ್ರಧಾನಿ ಮೋದಿಯವರೊಂದಿಗೆ ನೇರವಾಗಿ ಸಂವಹನ ನಡೆಸಲು ಅವಕಾಶ ದೊರೆಯುತ್ತದೆ. ಪರೀಕ್ಷಾ ಆತಂಕ, ವೃತ್ತಿ ಆಯ್ಕೆ, ಜೀವನ ಮೌಲ್ಯಗಳು ಮತ್ತು ಸಾಮಾಜಿಕ-ಆರ್ಥಿಕ ಸವಾಲುಗಳ ಕುರಿತು ಮುಕ್ತ ಚರ್ಚೆ ನಡೆಸುವ ಈ ಕಾರ್ಯಕ್ರಮವು ದೇಶಾದ್ಯಂತ ದೊಡ್ಡ ನಿರೀಕ್ಷೆ ಹುಟ್ಟುಹಾಕಿದೆ.
ಪರೀಕ್ಷಾ ಪೆ ಚರ್ಚಾ 2026ರ ಆಯ್ಕೆ ಪ್ರಕ್ರಿಯೆ ಸಂಪೂರ್ಣವಾಗಿ ಪಾರದರ್ಶಕ ಮತ್ತು ಅರ್ಹತೆ ಆಧಾರಿತವಾಗಿದೆ. ಯಾವುದೇ ಶಿಫಾರಸು ಅಥವಾ ನಾಮನಿರ್ದೇಶನವಿಲ್ಲದೆ, MyGov ಪೋರ್ಟಲ್ನಲ್ಲಿ ನಡೆಯುವ ಆನ್ಲೈನ್ ಸ್ಪರ್ಧೆ ಮೂಲಕ ಭಾಗವಹಿಸುವವರನ್ನು ಆಯ್ಕೆ ಮಾಡಲಾಗುತ್ತದೆ. ಈ ಸ್ಪರ್ಧೆಯಲ್ಲಿ 6ರಿಂದ 12ನೇ ತರಗತಿಯ ವಿದ್ಯಾರ್ಥಿಗಳು ಮಾತ್ರವಲ್ಲದೆ, ಶಿಕ್ಷಕರು ಮತ್ತು ಪೋಷಕರೂ ಭಾಗವಹಿಸಬಹುದು
ಪಿಪಿಸಿ 2026ರ ನೋಂದಣಿ ಪ್ರಕ್ರಿಯೆ ಡಿಸೆಂಬರ್ 1, 2025ರಿಂದ ಆರಂಭವಾಗಿದ್ದು, ಜನವರಿ 11, 2026 ಕೊನೆಯ ದಿನವಾಗಿದೆ. ಆಸಕ್ತರು https://innovateindia1.mygov.in/ (https://innovateindia1.mygov.in/) ವೆಬ್ಸೈಟ್ ಮೂಲಕ ನೋಂದಣಿ ಮಾಡಿಕೊಳ್ಳಬಹುದು. ಈಗಾಗಲೇ ಸುಮಾರು 18.7 ಲಕ್ಷಕ್ಕೂ ಹೆಚ್ಚು ಮಂದಿ ಈ ಕಾರ್ಯಕ್ರಮಕ್ಕೆ ಹೆಸರು ನೋಂದಾಯಿಸಿಕೊಂಡಿದ್ದಾರೆ ಎನ್ನುವುದು ಇದರ ಜನಪ್ರಿಯತೆಗೆ ಸಾಕ್ಷಿಯಾಗಿದೆ.
MyGov ಪೋರ್ಟಲ್ನಲ್ಲಿ ನಡೆಯುವ ಬಹು ಆಯ್ಕೆಯ ಪ್ರಶ್ನೆಗಳ (MCQ) ಸ್ಪರ್ಧೆ ಪರೀಕ್ಷಾ ಒತ್ತಡ, ವೃತ್ತಿ ನಿರ್ಧಾರ ಮತ್ತು ವಿದ್ಯಾರ್ಥಿಗಳ ಜೀವನಕ್ಕೆ ಸಂಬಂಧಿಸಿದ ಪ್ರಶ್ನೆಗಳ ಮೇಲೆ ಕೇಂದ್ರೀಕೃತವಾಗಿರುತ್ತದೆ. ಅತ್ಯಂತ ಸೃಜನಶೀಲ ಮತ್ತು ಪರಿಣಾಮಕಾರಿ ಉತ್ತರಗಳ ಆಧಾರದಲ್ಲಿ NCERT ಭಾಗವಹಿಸುವವರನ್ನು ಕಿರುಪಟ್ಟಿ ಮಾಡುತ್ತದೆ. ಆಯ್ಕೆಯಾದ ವಿದ್ಯಾರ್ಥಿಗಳಿಗೆ ಪ್ರಧಾನಿ ಮೋದಿಯವರಿಗೆ ನೇರವಾಗಿ ಪ್ರಶ್ನೆ ಕೇಳುವ ಅಪರೂಪದ ಅವಕಾಶ ದೊರೆಯುತ್ತದೆ.
ಪಿಪಿಸಿ ಸ್ಪರ್ಧೆಯಲ್ಲಿ ಭಾಗವಹಿಸುವ ಎಲ್ಲಾ ವಿದ್ಯಾರ್ಥಿಗಳು, ಶಿಕ್ಷಕರು ಮತ್ತು ಪೋಷಕರು NCERTನ ಅಧಿಕೃತ ಪ್ರಮಾಣಪತ್ರವನ್ನು ಪಡೆಯುತ್ತಾರೆ. ಶಾರ್ಟ್ಲಿಸ್ಟ್ ಆದವರು ನೇರ ಕಾರ್ಯಕ್ರಮದಲ್ಲಿ ಭಾಗವಹಿಸುವ ಅವಕಾಶ, ಪರೀಕ್ಷಾ ಯೋಧರ ಪುಸ್ತಕ ಹಾಗೂ ವಿಶೇಷ ಕಿಟ್ಗಳನ್ನು ಪಡೆಯುವ ಸಾಧ್ಯತೆಯೂ ಇದೆ.
2025ರ ಪಿಪಿಸಿ ಕಾರ್ಯಕ್ರಮವು 245ಕ್ಕೂ ಹೆಚ್ಚು ದೇಶಗಳ ವಿದ್ಯಾರ್ಥಿಗಳ ಭಾಗವಹಿಸುವಿಕೆಯಿಂದ ಗಿನ್ನೆಸ್ ವಿಶ್ವ ದಾಖಲೆಯನ್ನು ನಿರ್ಮಿಸಿತ್ತು. 2026ರಲ್ಲಿ ಈ ದಾಖಲೆ ಮುರಿಯಬಹುದೇ ಎಂಬ ಕುತೂಹಲ ಈಗಾಗಲೇ ಹೆಚ್ಚಾಗಿದೆ. ಪರೀಕ್ಷೆಯ ಭಯವನ್ನು ಆತ್ಮವಿಶ್ವಾಸಕ್ಕೆ ಪರಿವರ್ತಿಸಿಕೊಳ್ಳಲು ಇದು ಸುವರ್ಣ ಅವಕಾಶ. ತಿ ವರ್ಷ ಲಕ್ಷಾಂತರ ವಿದ್ಯಾರ್ಥಿಗಳನ್ನು ಆಕರ್ಷಿಸುವ ಈ ಕಾರ್ಯಕ್ರಮವು, ಪರೀಕ್ಷೆಯನ್ನು ಭಯವಾಗಿ ನೋಡದೇ ಆತ್ಮವಿಶ್ವಾಸದಿಂದ ಎದುರಿಸುವಂತೆ ಯುವಪೀಳಿಗೆಯನ್ನು ಪ್ರೇರೇಪಿಸುವ ಉದ್ದೇಶ ಹೊಂದಿದೆ.
Delhi,Delhi,Delhi
December 15, 2025 10:48 AM IST
ಶಿಫಾರಸು ಬೇಡ, ಅರ್ಜಿ ಬೇಡ! ಪರೀಕ್ಷಾ ಪೇ ಚರ್ಚಾ 2026ನಲ್ಲಿ ಆಯ್ಕೆ ಆಗೋ ಸೀಕ್ರೆಟ್ ಏನು ಗೊತ್ತಾ? ಪ್ರಧಾನಿಯೊಂದಿಗಿನ ಸಂವಾದ ನಿಮ್ಮದೆ ಆಗಿರಬಹುದು ಗಮನಿಸಿ!
