ಹೀಗಾಗಿ ಈಗ ಮತ್ತೆ ಅವಕಾಶ ನೀಡುತ್ತಿದ್ದು, ಹೆಚ್ಚಿನ ತೃತೀಯ ಲಿಂಗಿ ಅಭ್ಯರ್ಥಿಗಳು ಇದರ ಪ್ರಯೋಜನ ಪಡೆಯುವ ನಿರೀಕ್ಷೆ ಇದೆ. ಹಾಗಾದ್ರೆ ಈ ಬಾರಿ 35 ತೃತೀಯ ಲಿಂಗಿಗಳಿಗೆ ಅವಕಾಶ ನೀಡಲಾಗಿದ್ದು, ಅರ್ಹತೆಗಳೇನು? ನೋಡಿ
ಈ ಪೊಲೀಸ್ ಕಾನ್ಸ್ಟೇಬಲ್ ನೇಮಕಾತಿಯಲ್ಲಿ ಮಹಿಳೆಯರಿಗೆ ವಿಶೇಷ ಆದ್ಯತೆ ನೀಡಲಾಗಿದೆ. ಒಟ್ಟು 3,395 ಹುದ್ದೆಗಳಲ್ಲಿ 2,266 ಹುದ್ದೆಗಳು ಮಹಿಳಾ ಅಭ್ಯರ್ಥಿಗಳಿಗೆ ಮೀಸಲಾಗಿದ್ದು, ಇದು ಶೇ.66.75ರಷ್ಟು ಆಗುತ್ತದೆ. ಪುರುಷರಿಗೆ 755, ಸೇನೆ ಮೂಲಕ 257, ಮಹಿಳಾ ಸೇವಾ ಸಿಬ್ಬಂದಿಗೆ 82 ಹಾಗೂ ತೃತೀಯ ಲಿಂಗಿ ಅಭ್ಯರ್ಥಿಗಳಿಗೆ 35 ಹುದ್ದೆಗಳು ಮೀಸಲಿರುತ್ತವೆ. ಇದರಿಂದ ಪೊಲೀಸ್ ಇಲಾಖೆಯಲ್ಲಿ ಮಹಿಳೆಯರ ಸಂಖ್ಯೆಯೂ ಗಣನೀಯವಾಗಿ ಹೆಚ್ಚುವ ಸಾಧ್ಯತೆ ಇದೆ.
ತೃತೀಯ ಲಿಂಗಿ ಅಭ್ಯರ್ಥಿಗಳಿಗಾಗಿ ಜಿಲ್ಲಾವಾರು ಹುದ್ದೆಗಳನ್ನೂ ನಿಗದಿ ಪಡಿಸಲಾಗಿದೆ. ಬೆಂಗಳೂರಿನಲ್ಲಿ 25 ಹುದ್ದೆಗಳು, ಮೈಸೂರು ನಗರ 1, ಹುಬ್ಬಳ್ಳಿ-ಧಾರವಾಡ 1, ಮಂಗಳೂರು ನಗರ 1, ಮೈಸೂರು ಜಿಲ್ಲೆ 1, ಕೊಡಗು 1, ಮಂಡ್ಯ 1, ಶಿವಮೊಗ್ಗ ಜಿಲ್ಲೆ 1, ಚಿತ್ರದುರ್ಗ 1, ಹಾವೇರಿ 1 ಮತ್ತು ಉಡುಪಿ ಜಿಲ್ಲೆಗೆ 1 ಹುದ್ದೆಗಳನ್ನು ಮೀಸಲಿರಿಸಲಾಗಿದೆ. ತೃತೀಯ ಲಿಂಗಿ ಸಮುದಾಯವನ್ನು ಸಮಾಜದ ಮುಖ್ಯವಾಹಿನಿಗೆ ತರಲು ಈ ಕ್ರಮ ಸಹಾಯಕವಾಗಲಿದೆ ಎಂದು ಪೊಲೀಸ್ ಇಲಾಖೆ ತಿಳಿಸಿದೆ.
ಅರ್ಜಿ ಸಲ್ಲಿಸಲು ಅಗತ್ಯ ಅರ್ಹತೆಗಳೂ ಸರಳವಾಗಿವೆ. ಪಿಯುಸಿ ವಿದ್ಯಾರ್ಹತೆ ಇರುವ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದು. ಸಾಮಾನ್ಯ ವರ್ಗದ ಅಭ್ಯರ್ಥಿಗಳ ವಯೋಮಿತಿ 18 ರಿಂದ 33 ವರ್ಷಗಳ ನಡುವೆ ಇರಬೇಕು. ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ ಮತ್ತು ಒಬಿಸಿ ವರ್ಗದ ಅಭ್ಯರ್ಥಿಗಳಿಗೆ 18 ರಿಂದ 35 ವರ್ಷ ವಯೋಮಿತಿ ನಿಗದಿಯಾಗಿದೆ. ಆಯ್ಕೆ ಪ್ರಕ್ರಿಯೆಯಲ್ಲಿ ಲಿಖಿತ ಪರೀಕ್ಷೆ, ದೇಹದಾಢ್ರ್ಯತೆ (Physical Standard Test) ಮತ್ತು ಸಹಿಷ್ಣುತೆ (Endurance Test) ಪರೀಕ್ಷೆಗಳಿರುತ್ತವೆ.
ಬೆಂಗಳೂರು ನಗರಕ್ಕೆ 2,015 ಹುದ್ದೆಗಳು, ಮೈಸೂರು ನಗರ 70, ಹುಬ್ಬಳ್ಳಿ-ಧಾರವಾಡ 75, ಮಂಗಳೂರು ನಗರ 125, ಬೆಂಗಳೂರು ದಕ್ಷಿಣ ಜಿಲ್ಲೆ 25, ತುಮಕೂರು 50, ಕೋಲಾರ 50, ಚಿಕ್ಕಬಳ್ಳಾಪುರ 50, ಮೈಸೂರು ಜಿಲ್ಲೆ 58, ಚಾಮರಾಜನಗರ 50, ಹಾಸನ 40, ಕೊಡಗು 75, ಮಂಡ್ಯ 100, ದಾವಣಗೆರೆ 25, ಶಿವಮೊಗ್ಗ 100, ಚಿತ್ರದುರ್ಗ 75, ಹಾವೇರಿ 50, ದಕ್ಷಿಣ ಕನ್ನಡ 70, ಉಡುಪಿ 100, ಉತ್ತರ ಕನ್ನಡ 50, ಚಿಕ್ಕಮಗಳೂರು 50, ಗದಗ 35, ರೈಲ್ವೇಸ್ ಬೆಂಗಳೂರು 25, ಬಳ್ಳಾರಿ 10 ಮತ್ತು ರಾಯಚೂರು 20 ಹುದ್ದೆಗಳಿವೆ.
ಮಂಗಳೂರು ನಗರದ ಪೊಲೀಸ್ ಕಮಿಷನರ್ ಸುಧೀರ್ ಕುಮಾರ್ ರೆಡ್ಡಿ ಅವರು, ಈ ಬಾರಿ ತೃತೀಯ ಲಿಂಗಿಗಳಿಗೆ 35 ಹುದ್ದೆ ಮೀಸಲಿಡಲಾಗಿದೆ. ಅವರನ್ನು ಸಮಾಜದ ಮುಖ್ಯವಾಹಿನಿಗೆ ತರುವ ಉದ್ದೇಶದಿಂದಲೇ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ತಿಳಿಸಿದ್ದಾರೆ. 2025ರಲ್ಲಿ ಮೊದಲ ಬಾರಿ ತೃತೀಯ ಲಿಂಗಿಗಳ ನೇಮಕಾತಿ ನಡೆದಾಗ ಕೇವಲ 2 ಜನ ಮಾತ್ರ ಆಯ್ಕೆಯಾಗಿದ್ದರೂ, ಈಗ ಹೆಚ್ಚಿನವರು ಮುಂದೆ ಬಂದು ಪೊಲೀಸ್ ಸೇವೆಯಲ್ಲಿ ಭಾಗಿಯಾಗುವ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
