Last Updated:
ಇಲ್ಲಿಯೂ ಸಹ ಒಬ್ಬ ಭಾರತದ ವ್ಯಕ್ತಿ ವರ್ಷಕ್ಕೆ 90 ಲಕ್ಷ ರೂಪಾಯಿ ಸಂಬಳವಿರುವ ಒಂದು ಭರ್ಜರಿ ಆಫರ್ ಇದ್ದ ಕೆಲಸವನ್ನು ಬಿಟ್ಟು ಹಾರ್ವರ್ಡ್ ವಿಶ್ವವಿದ್ಯಾಲಯಕ್ಕೆ ಹೋಗಿ ಎಂಬಿಎ ಓದಿದ್ರಂತೆ. ನಂತರ ಅವರಿಗೆ ಒಂದು ಕೆಲಸ ಹುಡುಕಿಕೊಳ್ಳುವುದು ಸಹ ತುಂಬಾನೇ ಕಷ್ಟದ ಕೆಲಸವಾಗಿ ಪರಿಣಮಿಸಿತಂತೆ. ಆದರೆ ಕೊನೆಗೆ ಮತ್ತೆ ಒಂದೊಳ್ಳೆಯ ಕಂಪನಿಯಲ್ಲಿಯೇ ಕೆಲಸ ಗಿಟ್ಟಿಸಿಕೊಂಡಿದ್ದಾರೆ.
ಜೀವನದಲ್ಲಿ ಅನೇಕರು ಸಿಕ್ಕ ಕೆಲಸಕ್ಕೆ (Work) ಮತ್ತು ಸಂಬಳಕ್ಕೆ (Salary) ತೃಪ್ತಿ ಪಟ್ಟುಕೊಂಡರೆ, ಕೆಲವರು ಮಾತ್ರ ಇನ್ನೂ ಹೆಚ್ಚಿನ ಸಂಬಳ ನಮ್ಮ ಬುದ್ದಿವಂತಿಕೆಗೆ ಸಿಗುತ್ತದೆ ಮತ್ತು ಇದಕ್ಕಿಂತ ಒಳ್ಳೆಯ ಕೆಲಸ ನಮಗೆ ಸಿಗುತ್ತದೆ ಅನ್ನೋ ಒಂದು ಆಶಾ ಭಾವನೆಯನ್ನು ಹೊಂದಿರುತ್ತಾರೆ ಮತ್ತು ಅದೇ ನಿಟ್ಟಿನಲ್ಲಿ ಅವರ ಪ್ರಯತ್ನ ಸಹ ಸಾಗುತ್ತಿರುತ್ತದೆ ಅಂತ ಹೇಳಬಹುದು. ಆದರೆ ಹೀಗೆ ಜನರು ಪ್ರಯತ್ನಪಡುವ ನಿಟ್ಟಿನಲ್ಲಿ ಕೆಲವೊಮ್ಮೆ ಕೈಯಲ್ಲಿರುವ ಭರ್ಜರಿ ಆಫರ್ಗಳನ್ನು (Big Offer) ಕಳೆದುಕೊಂಡು ನಂತರ ಒಂದೊಳ್ಳೆಯ ಕೆಲಸ ಗಿಟ್ಟಿಸಲು ಸಹ ಪರದಾಡಿರುತ್ತಾರೆ.
ಇಲ್ಲಿಯೂ ಸಹ ಒಬ್ಬ ಭಾರತದ ವ್ಯಕ್ತಿ ವರ್ಷಕ್ಕೆ 90 ಲಕ್ಷ ರೂಪಾಯಿ ಸಂಬಳವಿರುವ ಒಂದು ಭರ್ಜರಿ ಆಫರ್ ಇದ್ದ ಕೆಲಸವನ್ನು ಬಿಟ್ಟು ಹಾರ್ವರ್ಡ್ ವಿಶ್ವವಿದ್ಯಾಲಯಕ್ಕೆ ಹೋಗಿ ಎಂಬಿಎ ಓದಿದ್ರಂತೆ. ನಂತರ ಅವರಿಗೆ ಒಂದು ಕೆಲಸ ಹುಡುಕಿಕೊಳ್ಳುವುದು ಸಹ ತುಂಬಾನೇ ಕಷ್ಟದ ಕೆಲಸವಾಗಿ ಪರಿಣಮಿಸಿತಂತೆ. ಆದರೆ ಕೊನೆಗೆ ಮತ್ತೆ ಒಂದೊಳ್ಳೆಯ ಕಂಪನಿಯಲ್ಲಿಯೇ ಕೆಲಸ ಗಿಟ್ಟಿಸಿಕೊಂಡಿದ್ದಾರೆ.
ಒಂದು ವರ್ಷಕ್ಕೆ 90 ಲಕ್ಷ ರೂಪಾಯಿ ಸಂಬಳದ ಕೆಲಸವನ್ನು ಬಿಟ್ಟು ಈ ವ್ಯಕ್ತಿ ಹಾರ್ವರ್ಡ್ ವಿಶ್ವವಿದ್ಯಾಲಯದಲ್ಲಿ ಎಂಬಿಎ ಪದವಿ ಮಾಡಲು ಹೋದರು. ಅದನ್ನು ಮುಗಿಸಿ ಬಂದ ನಂತರದಲ್ಲಿ ಅವರು ಸುಮಾರು 400ಕ್ಕಿಂತ ಹೆಚ್ಚು ಕಡೆಗಳಲ್ಲಿ ಕೆಲಸಕ್ಕೆ ಅಂತ ಅರ್ಜಿಗಳನ್ನು ಸಲ್ಲಿಸಿದ್ದಾರೆ. ಎಲ್ಲದರಲ್ಲೂ ಅವರು ಸೋತು, ಸುಣ್ಣವಾಗಿ ಕೊನೆಗೆ ಗೂಗಲ್ ಅಂತಹ ಒಂದು ಪ್ರತಿಷ್ಠಿತ ಕಂಪನಿಯಲ್ಲಿ ಒಂದು ಒಳ್ಳೆಯ ಹುದ್ದೆಯನ್ನು ಪಡೆದಿದ್ದಾರೆ.
ಒಟ್ಟಿನಲ್ಲಿ ಹೇಳುವುದಾದರೆ, ಈ ವ್ಯಕ್ತಿಯ ವೃತ್ತಿಜೀವನ ಯಾವುದೇ ರೀತಿಯ ರೋಲರ್-ಕೋಸ್ಟರ್ಗಿಂತ ಕಡಿಮೆ ಇಲ್ಲ ಅಂತ ಹೇಳಬಹುದು. ಅಭಿಜಯ್ ಅರೋರಾ ಎಂಬ ವ್ಯಕ್ತಿ ತಮ್ಮ ವೃತ್ತಿಜೀವನದ ಈ ಪ್ರಯಾಣವನ್ನು ತೋರಿಸುವಂತಹ ವೀಡಿಯೋವನ್ನು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯ ಪುಟದಲ್ಲಿ ಹಂಚಿಕೊಂಡಿದ್ದಾರೆ ಮತ್ತು ಇದೀಗ ತುಂಬಾನೇ ವೈರಲ್ ಸಹ ಆಗುತ್ತಿದೆ.
2022 ರಲ್ಲಿ, ಸ್ವಿಟ್ಜರ್ಲ್ಯಾಂಡ್ನಲ್ಲಿ ವರ್ಷಕ್ಕೆ 90 ಲಕ್ಷ ರೂಪಾಯಿ ಸಂಬಳ ಬರುವ ಉದ್ಯೋಗದಿಂದ ದೂರ ಸರಿದು, ಅಮೆರಿಕದಲ್ಲಿ ಓದುವ ತಮ್ಮ ಕನಸನ್ನು ಮುಂದುವರಿಸಲು ಆಯ್ಕೆ ಮಾಡಿಕೊಂಡಿದ್ದೆ ಅಂತ ಅರೋರಾ ಅವರು ಬಹಿರಂಗಪಡಿಸಿದರು. ತಮ್ಮ ಮ್ಯಾನೇಜರ್ ಕೆಲಸದಲ್ಲಿ ಪ್ರಮೋಷನ್ ನೀಡುವುದು ಸಾಧ್ಯವಿಲ್ಲ ಅಂತ ಹೇಳಿದ್ದರಿಂದ ಅವರು ಸಹ ಆ ಕೆಲಸವನ್ನು ಬಿಡಬೇಕಾಯಿತು ಅಂತ ಸಹ ಅವರು ಹೇಳಿಕೊಂಡರು.
ವಿದೇಶಕ್ಕೆ ಹೋಗಿ ಓದಬೇಕು ಅನ್ನೋ ಕನಸು ಇದ್ದುದ್ದರಿಂದ ಎಂಬಿಎ ಮಾಡಲು ನಿರ್ಧರಿಸಿದೆ ಮತ್ತು ಆ ಕಲಿಕೆಯ ಅನುಭವ ಸಹ ಅಷ್ಟೇ ಅದ್ಭುತವಾಗಿತ್ತು, ಡಿಗ್ರಿ ಓದುವ ಸಮಯದಲ್ಲಿ ವಾಸ್ತವವು ತೀವ್ರವಾಗಿ ತಟ್ಟಿತು, ಕೈಯಲ್ಲಿ ಒಂದೇ ಒಂದು ಉದ್ಯೋಗದ ಪ್ರಸ್ತಾಪವಿಲ್ಲದೆ, ಅವರು ಹಾರ್ವರ್ಡ್ ಪದವಿಯನ್ನು ಪೂರ್ಣಗೊಳಿಸಬೇಕಾಯಿತು.
ಅವರು 400ಕ್ಕೂ ಹೆಚ್ಚು ಉದ್ಯೋಗಗಳಿಗೆ ಅರ್ಜಿ ಸಲ್ಲಿಸಿದರು, ಆದರೆ ಅವರ ರೆಸ್ಯೂಮ್ ಅನ್ನು ಯಾವುದೇ ಕಂಪನಿಯವರು ಸಹ ಶಾರ್ಟ್ಲಿಸ್ಟ್ ಮಾಡಲಿಲ್ಲವಂತೆ. ‘ನನ್ನ ಎಲ್ಲಾ ಕೆಲಸ ಹುಡುಕುವ ನೆಟ್ವರ್ಕ್ ವಿಫಲವಾಯಿತು. ಯಾವುದೇ ಒಂದು ಉದ್ಯೋಗವು ಸಹ ನನಗೆ ಸಿಗಲಿಲ್ಲ’ ಅಂತ ಅವರು ಹೇಳಿದರು. ನಂತರ ಅವರು ತಮ್ಮ ಕೆಲಸ ಹುಡುಕುವ ತಂತ್ರವನ್ನು ಸಂಪೂರ್ಣವಾಗಿ ಬದಲಾಯಿಸಿಕೊಂಡರು, ಆಗ ವಿಷಯಗಳು ಬದಲಾದವು. ಆರು ತಿಂಗಳ ನಂತರ, ಅವರು ಗೂಗಲ್ (ಯೂಟ್ಯೂಬ್) ನಲ್ಲಿ ಪ್ರೊಡಕ್ಟ್ ಮ್ಯಾನೇಜರ್ ಹುದ್ದೆಯನ್ನು ಪಡೆದರು.
ಉನ್ನತ ಶಿಕ್ಷಣವನ್ನು ಪಡೆಯುವುದರಿಂದ ಯಾರನ್ನೂ ನಿರುತ್ಸಾಹಗೊಳಿಸಬಾರದು ಎಂದು ಅರೋರಾ ಒತ್ತಾಯಿಸಿದರು. ಬದಲಾಗಿ, ಆರಾಮದಾಯಕವಾದ ಕೆಲಸವನ್ನು ಬಿಡುವುದರಿಂದ ಬರುವ ಅನಿಶ್ಚಿತತೆಗೆ ಸಿದ್ಧರಾಗಿರುವಂತೆ ಅವರು ಆಕಾಂಕ್ಷಿಗಳನ್ನು ಒತ್ತಾಯಿಸಿದರು. ಅವರ ಈ ಪೋಸ್ಟ್ ವೈರಲ್ ಆಗುತ್ತಿದ್ದಂತೆ, ಮೆಚ್ಚುಗೆಯಿಂದ ಹಿಡಿದು ಮೊಂಡಾದ ಪ್ರಶ್ನೆಗಳು ಮತ್ತು ಸಹಾಯಕ್ಕಾಗಿ ಹತಾಶ ಮನವಿಗಳವರೆಗೆ ಪ್ರತಿಕ್ರಿಯೆಗಳು ಹರಿದು ಬಂದವು. ಹಾರ್ವರ್ಡ್ ಪದವೀಧರರು ಉದ್ಯೋಗವನ್ನು ಹುಡುಕಲು ಹೇಗೆ ಹೆಣಗಾಡಿದರು ಎಂದು ಸಾಮಾಜಿಕ ಮಾಧ್ಯಮ ಬಳಕೆದಾರರೊಬ್ಬರು ಪ್ರಶ್ನೆ ಮಾಡಿದರು.
December 01, 2025 10:06 AM IST
