Last Updated:
ಮಂಡ್ಯದ ಚಿಕ್ಕಮಂಡ್ಯದ ಸರ್ಕಾರಿ ಶಾಲೆಯಲ್ಲಿ ಮೊದಲ ದಿನವನ್ನು ಹಬ್ಬವಾಗಿ ಆಚರಿಸಿ ಮೆರವಣಿಗೆ, ಅಲಂಕಾರ, ಪೂರ್ಣಕುಂಭ ಸ್ವಾಗತ, ಉಚಿತ ಸೌಲಭ್ಯಗಳೊಂದಿಗೆ ಖಾಸಗಿ ಶಾಲೆಗಳಿಗಿಂತ ಉತ್ತಮತೆ ತೋರಿಸಿದರು.
ಮಂಡ್ಯ: ಸಾಮಾನ್ಯವಾಗಿ ಅದ್ಧೂರಿ (Grand) ಸೌಲಭ್ಯಗಳು ಅಂದರೆ ಖಾಸಗಿ ಶಾಲೆಗಳದ್ದೇ ಮಾತು. ಆದರೆ, ಮಂಡ್ಯದ ಚಿಕ್ಕಮಂಡ್ಯದ ಸರ್ಕಾರಿ ಶಾಲೆಯ (Govt School) ಶಿಕ್ಷಕರು (Teacher) ಮತ್ತು ಗ್ರಾಮಸ್ಥರು ಸೇರಿ ಆ ಮಾತನ್ನು ತಲೆಕೆಳಗಾಗಿಸಿದ್ದಾರೆ. ಶಾಲೆಯ ಮೊದಲ ದಿನವನ್ನೇ ಹಬ್ಬವನ್ನಾಗಿ ಆಚರಿಸುವ ಮೂಲಕ, ಸರ್ಕಾರಿ ಶಾಲೆಯ ವಿದ್ಯಾರ್ಥಿಗಳಿಗೂ (Students) ತಾವು ಯಾರಿಗೂ ಕಮ್ಮಿ ಇಲ್ಲ ಎಂಬ ಆತ್ಮವಿಶ್ವಾಸವನ್ನು ತುಂಬಿದ್ದಾರೆ.
ಅದ್ಧೂರಿ ಮೆರವಣಿಗೆಯ ವಿಶೇಷತೆ
ಶಾಲೆಯ ಮೊದಲ ದಿನ ಮಕ್ಕಳಲ್ಲಿ ಉತ್ಸಾಹ ಮೂಡಿಸಲು ಶಿಕ್ಷಕರು ವಿನೂತನ ಕಾರ್ಯಕ್ರಮ ಹಮ್ಮಿಕೊಂಡಿದ್ದರು. ವಿದ್ಯಾರ್ಥಿಗಳನ್ನು ಕಾರು ಮತ್ತು ಎತ್ತಿನಗಾಡಿಗಳಲ್ಲಿ ಕೂರಿಸಿ, ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ನಡೆಸಲಾಯಿತು. ತಳಿರು-ತೋರಣ, ರಂಗೋಲಿ ಮತ್ತು ಬಣ್ಣಬಣ್ಣದ ಅಲಂಕಾರಗಳಿಂದ ಶಾಲೆಯ ಆವರಣವೇ ಹಬ್ಬದ ತಾಣವಾಗಿತ್ತು. ಹೊಸದಾಗಿ ಶಾಲೆಗೆ ಸೇರಿದ ಮಕ್ಕಳನ್ನು ಪೂರ್ಣಕುಂಭದೊಂದಿಗೆ ಸ್ವಾಗತಿಸಿ, ಹೂಮಳೆಗರೆದು ಅದ್ಧೂರಿಯಾಗಿ ಬರಮಾಡಿಕೊಳ್ಳಲಾಯಿತು. ಶಾಲೆಯ ಮುಖ್ಯೋಪಾಧ್ಯಾಯ ದೇವರಾಜು ಅವರ ನೇತೃತ್ವದಲ್ಲಿ ನಡೆದ ಈ ಕಾರ್ಯಕ್ರಮಕ್ಕೆ ಪೋಷಕರು ಮತ್ತು ಗ್ರಾಮಸ್ಥರು ಸಾಥ್ ನೀಡಿದರು.
ಖಾಸಗಿ ಶಾಲೆಗಳಿಗಿಂತಲೂ ಸೈ
ಕನ್ನಡ ಮತ್ತು ಇಂಗ್ಲಿಷ್ ಮಾಧ್ಯಮದಲ್ಲಿ ಶಿಕ್ಷಣ ನೀಡುತ್ತಿರುವ ಈ ಶಾಲೆ 200ಕ್ಕೂ ಹೆಚ್ಚು ಮಕ್ಕಳನ್ನು ಹೊಂದಿದೆ. ಇಲ್ಲಿ ಉಚಿತ ಪಠ್ಯಪುಸ್ತಕ, ಸಮವಸ್ತ್ರ, ಬಿಸಿಯೂಟ, ಕಂಪ್ಯೂಟರ್ ಶಿಕ್ಷಣ, ಕ್ರೀಡಾ ತರಬೇತಿ ಮತ್ತು ಸಿಸಿಟಿವಿ ಕಣ್ಗಾವಲಿನಂತಹ ಅತ್ಯಾಧುನಿಕ ಸೌಲಭ್ಯಗಳಿವೆ.
Location :
Mandya,Karnataka
