ಈ ಬಾರಿ CEPTAM–11 ಮೂಲಕ Senior Technical Assistant-B (STA-B) ಮತ್ತು Technician-A ಹುದ್ದೆಗಳಿಗಾಗಿ ಒಟ್ಟು 764 ಹುದ್ದೆಗಳನ್ನು ಭರ್ತಿ ಮಾಡಲಾಗುತ್ತಿದೆ. ವಿಜ್ಞಾನ, ತಂತ್ರಜ್ಞಾನ, ಇಂಜಿನಿಯರಿಂಗ್, ಡಿಪ್ಲೊಮಾ, ITI, ಹಾಗೂ 10ನೇ ತರಗತಿ ಉತ್ತೀರ್ಣರಾದ ಅಭ್ಯರ್ಥಿಗಳಿಗೆ ಇಲ್ಲಿ ಅವಕಾಶ ದೊರೆಯುವುದರಿಂದ, ವಿಭಿನ್ನ ವಿದ್ಯಾರ್ಹತೆ ಹೊಂದಿರುವ ವಿದ್ಯಾರ್ಥಿಗಳಿಗೆ ಇದು ದೊಡ್ಡ ಸುವರ್ಣಾವಕಾಶವಾಗಿದೆ. STA-B ಹುದ್ದೆಗೆ ಅರ್ಜಿ ಹಾಕುವವರು ವಿಜ್ಞಾನ ಪದವಿ ಅಥವಾ ಎಂಜಿನಿಯರಿಂಗ್/ತಂತ್ರಜ್ಞಾನ/ಕಂಪ್ಯೂಟರ್ ಸೈನ್ಸ್ ಜೊತೆಗೆ ಕೆಮಿಕಲ್, ಸಿವಿಲ್, ಎಲೆಕ್ಟ್ರಿಕಲ್, ಮೆಕ್ಯಾನಿಕಲ್ ಮುಂತಾದ ವಿಭಾಗಗಳಲ್ಲಿ ಡಿಪ್ಲೊಮಾ ಹೊಂದಿರಬೇಕು. Technician-A ಹುದ್ದೆಗೆ, 10ನೇ ತರಗತಿ ಉತ್ತೀರ್ಣ ಹಾಗೂ ಸಂಬಂಧಿತ ಕ್ಷೇತ್ರದ ಐಟಿಐ ಪ್ರಮಾಣಪತ್ರ ಕಡ್ಡಾಯ.
ಡಿಆರ್ಡಿಒ ಅಂದರೆ ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ, ಭಾರತದ ರಕ್ಷಣಾ ಪಡೆಗಳಿಗೆ ಬೇಕಾದ ಶಸ್ತ್ರಾಸ್ತ್ರಗಳು, ತಂತ್ರಜ್ಞಾನಗಳನ್ನು ಸಂಶೋಧಿಸಿ, ಅಭಿವೃದ್ಧಿಪಡಿಸುವ ಭಾರತ ಸರ್ಕಾರದ ಪ್ರಮುಖ ಸಂಸ್ಥೆಯಾಗಿದೆ. ಇದರ ಮುಖ್ಯ ಗುರಿ ಭಾರತವನ್ನು ರಕ್ಷಣಾ ಕ್ಷೇತ್ರದಲ್ಲಿ ಸ್ವಾವಲಂಬಿಯಾಗಿಸುವುದು (ಆತ್ಮನಿರ್ಭರ), ಕ್ಷಿಪಣಿಗಳು, ವಿಮಾನ, ಯುದ್ಧನೌಕೆಗಳು, ಎಲೆಕ್ಟ್ರಾನಿಕ್ಸ್, ಮೆటీರಿಯಲ್ಸ್ ಮುಂತಾದ ಕ್ಷೇತ್ರಗಳಲ್ಲಿ ದೇಶೀಯ ತಂತ್ರಜ್ಞಾನ ಅಭಿವೃದ್ಧಿಪಡಿಸುವುದು. ಇದರ ಕೇಂದ್ರ ಕಚೇರಿ ನವದೆಹಲಿಯಲ್ಲಿದ್ದು, ದೇಶಾದ್ಯಂತ ಹಲವು ಸಂಶೋಧನಾಲಯಗಳನ್ನು ಹೊಂದಿದೆ.
ವಯೋಮಿತಿ 18–28 ವರ್ಷ, ಮೀಸಲಾತಿ ವರ್ಗಗಳಿಗೆ ನಿಯಮಾನುಸಾರ ಸಡಿಲಿಕೆ. ತಿಂಗಳಿಗೆ ₹19,900 ರಿಂದ ₹1,12,400 ರೂ.,ಗಳ ವರೆಗಿನ ವೇತನ ಶ್ರೇಣಿ ಇರುವುದರಿಂದ, DRDO ಉದ್ಯೋಗಕ್ಕೆ ಸ್ಪರ್ಧೆ ಯಾವಾಗಲೂ ಹೆಚ್ಚೇ ಇರುತ್ತದೆ.
ಅಭ್ಯರ್ಥಿಗಳ ಆಯ್ಕೆ ವಿಧಾನ!
ಅರ್ಜಿ ಸಲ್ಲಿಸಿದ ಅರ್ಹ ಅಭ್ಯರ್ಥಿಗಳನ್ನು ಶಾರ್ಟ್ಲಿಸ್ಟ್ಗೊಳಿಸಿ ಲಿಖಿತ ಪರೀಕ್ಷೆಗೆ ಆಹ್ವಾನಿಸಲಾಗುತ್ತದೆ. ಅದರಂತೆ ಹುದ್ದೆ ಗನುಗುಣವಾಗಿ ಟ್ರೇಡ್/ಕೌಶಲ ಪರೀಕ್ಷೆಯೂ ಇರಲಿದೆ. ಇಲ್ಲಿ ಆಯ್ಕೆಯಾದ ಅಭ್ಯರ್ಥಿಗಳನ್ನು ಸಂದರ್ಶನದ ಮೂಲಕ ಅಂತಿಮವಾಗಿ ಆಯ್ಕೆ ಮಾಡಲಾಗುತ್ತದೆ. ಪರೀಕ್ಷೆಯ ಮಾದರಿ, ಪಠ್ಯಕ್ರಮ ಹಾಗೂ ವಿವರವಾದ ಅಧಿಸೂಚನೆ ಶೀಘ್ರದಲ್ಲೇ ಅಧಿಕೃತ ವೆಬ್ಸೈಟ್ನಲ್ಲಿ ಪ್ರಕಟವಾಗಲಿದೆ.
ಅರ್ಜಿ ಹೇಗೆ ಸಲ್ಲಿಸಬೇಕು?
ಅರ್ಜಿ ದಿನಾಂಕ ಪ್ರಕಟವಾದ ನಂತರ, ಅಭ್ಯರ್ಥಿಗಳು DRDO ಅಧಿಕೃತ ಪೋರ್ಟಲ್ drdo.gov.in ಗೆ ಭೇಟಿ ನೀಡಿ CEPTAM–11 ವಿಭಾಗದಲ್ಲಿ ಅರ್ಜಿಯನ್ನು ಭರ್ತಿ ಮಾಡಬಹುದು. ಮೂಲ ಮಾಹಿತಿ, ಶಿಕ್ಷಣ ವಿವರಗಳು, ಫೋಟೋ ಮತ್ತು ಸಹಿಯನ್ನು ಅಪ್ಲೋಡ್ ಮಾಡಿದ ನಂತರ, ವರ್ಗಾನುಸಾರ ಶುಲ್ಕವನ್ನು ಪಾವತಿಸಿ ಅರ್ಜಿಯನ್ನು ಸಲ್ಲಿಸಬೇಕು. ಅರ್ಜಿ ಸಲ್ಲಿಸಿದ ನಂತರ ಫಾರ್ಮ್ನ ಮುದ್ರಣ ತೆಗೆದುಕೊಂಡು ಸುರಕ್ಷಿತವಾಗಿ ಇಡುವುದು ಮುಖ್ಯ.
ಈ ಬಾರಿ CEPTAM–11 ನೇಮಕಾತಿ ಹಲವು ಕುಟುಂಬಗಳಿಗೆ ಭರವಸೆ ತುಂಬುವ ಕೆಲಸ ಮಾಡಲಿದೆ. ದೇಶಸೇವೆ, ಭದ್ರ ವೃತ್ತಿ ಜೀವನ, ಪ್ರಗತಿಪರ ಕೆಲಸದ ವಾತಾವರಣ ಮತ್ತು ಟಾಪ್ ಸೈಂಟಿಫಿಕ್ ಸಂಸ್ಥೆಯಲ್ಲಿ ಕೆಲಸ ಮಾಡುವ ಅವಕಾಶ- ಎಲ್ಲವೂ DRDO ಒದಗಿಸುತ್ತದೆ. ಆದ್ದರಿಂದ ಈ ನೇಮಕಾತಿ ಯುವಕರ ಕನಸುಗಳಿಗೆ ಹೊಸ ಬಾಗಿಲು ತೆರೆಯುವಂತಾಗಿದೆ.
Bangalore [Bangalore],Bangalore,Karnataka
December 05, 2025 4:18 PM IST
