Last Updated:
ಚಿಕ್ಕಮಗಳೂರು ಕಲ್ಯಾಣನಗರದ ಎಲ್ ಅಂಡ್ ಟಿ ಫೈನಾನ್ಸ್ ನಲ್ಲಿ ಕಲೆಕ್ಷನ್ ಮತ್ತು ಸೇಲ್ಸ್ ಆಫೀಸರ್ ಹುದ್ದೆಗಳಿಗೆ ಜೂನ್ 4, 2026 ರಂದು ನೇರ ಸಂದರ್ಶನ, 21 ರಿಂದ 33 ವರ್ಷದ ಅಭ್ಯರ್ಥಿಗಳಿಗೆ ಅವಕಾಶ
ಚಿಕ್ಕಮಗಳೂರು: ಇಂದಿನ ದಿನಗಳಲ್ಲಿ ಡಿಗ್ರಿ ಮೇಲೆ ಡಿಗ್ರಿ (Degree) ಪಡೆದರೂ, ಕೈತುಂಬಾ ಸಂಬಳ ಕೊಡುವ ಕೆಲಸ (Job) ಸಿಗುವುದು ಕಷ್ಟದ ಮಾತು. ಅದರಲ್ಲೂ ಸ್ವಂತ ಊರಿನಲ್ಲೇ ಇದ್ದು ದುಡಿಯಬೇಕು ಎಂಬ ಕನಸು ಹೊತ್ತವರಿಗೆ ಕೆಲಸ ಹುಡುಕುವುದು ಒಂದು ಸವಾಲೇ ಸರಿ. ಆದರೆ, ಇದೀಗ ಚಿಕ್ಕಮಗಳೂರಿನ (Chikkamagaluru) ಯುವಕ-ಯುವತಿಯರಿಗೆ ಆ ಸವಾಲು ಅಂತ್ಯವಾಗಲಿದೆ. ನಿಮ್ಮ ಪಾಲಿಗೆ ಬಂದಿರುವ ಈ ಸುವರ್ಣ ಅವಕಾಶವನ್ನು ಕೈಚೆಲ್ಲಬೇಡಿ.
ಎಲ್ಲಿ, ಏನು ಕೆಲಸ?
ಚಿಕ್ಕಮಗಳೂರು ನಗರದ ಕಲ್ಯಾಣನಗರದಲ್ಲಿರುವ ಪ್ರತಿಷ್ಠಿತ ಎಲ್ ಅಂಡ್ ಟಿ ಫೈನಾನ್ಸ್ ಕಂಪನಿಯಲ್ಲಿ ಇದೀಗ ಭರ್ಜರಿ ನೇಮಕಾತಿ ನಡೆಯುತ್ತಿದೆ. ಕಂಪನಿಯು ಕಲೆಕ್ಷನ್ ಆಫೀಸರ್ ಹಾಗೂ ಸೇಲ್ಸ್ ಆಫೀಸರ್ ಹುದ್ದೆಗಳಿಗೆ ಅಭ್ಯರ್ಥಿಗಳನ್ನು ನೇಮಿಸಿಕೊಳ್ಳಲು ಸಜ್ಜಾಗಿದೆ. ವಿಶೇಷವೆಂದರೆ, ಇದಕ್ಕಾಗಿ ಯಾವುದೇ ಆನ್ಲೈನ್ ಅರ್ಜಿಗಳ ಹಾವಳಿಯಿಲ್ಲ, ನೇರವಾಗಿ ಕಂಪನಿಗೆ ಬಂದು ಸಂದರ್ಶನ ನೀಡಿದರೆ ಸಾಕು.
ಯಾರೆಲ್ಲಾ ಭಾಗವಹಿಸಬಹುದು?
ಎಸ್ಎಸ್ಎಲ್ಸಿ, ಪಿಯುಸಿ, ಡಿಪ್ಲೊಮಾ ಅಥವಾ ಯಾವುದೇ ಪದವಿ ಮುಗಿಸಿದ ಅಭ್ಯರ್ಥಿಗಳು ಅರ್ಹರು.21 ರಿಂದ 33 ವರ್ಷದೊಳಗಿನ ಪುರುಷ ಹಾಗೂ ಮಹಿಳಾ ಅಭ್ಯರ್ಥಿಗಳು ಭಾಗವಹಿಸಬಹುದು.
ಸಂದರ್ಶನದ ವಿವರ
ದಿನಾಂಕ: ಜೂನ್ 4, 2026.
ಸಮಯ: ಬೆಳಗ್ಗೆ 10:30 ಗಂಟೆಗೆ.
ಸ್ಥಳ: ಎಲ್ ಅಂಡ್ ಟಿ ಫೈನಾನ್ಸ್, ಕಲ್ಯಾಣನಗರ, ಚಿಕ್ಕಮಗಳೂರು.
ಏನು ಮಾಡಬೇಕು?
ಯಾವುದೇ ಪ್ರವೇಶ ಶುಲ್ಕವಿಲ್ಲದ ಈ ಸಂದರ್ಶನಕ್ಕೆ, ಆಸಕ್ತರು ತಮ್ಮ ಇತ್ತೀಚಿನ ಒಂದು ಸೆಟ್ ರೆಸ್ಯೂಮ್ ಅನ್ನು ತೆಗೆದುಕೊಂಡು ನಿಗದಿತ ಸಮಯಕ್ಕೆ ಸ್ಥಳಕ್ಕೆ ಹಾಜರಾಗಬೇಕು. ಒಂದು ವೇಳೆ ನಿಮಗೆ ಹೆಚ್ಚಿನ ಮಾಹಿತಿ ಬೇಕಿದ್ದರೆ, ಜಿಲ್ಲಾ ಉದ್ಯೋಗ ವಿನಿಮಯ ಕೇಂದ್ರದ ದೂರವಾಣಿ ಸಂಖ್ಯೆ 08262-295538 ಗೆ ಸಂಪರ್ಕಿಸಬಹುದು.
Location :
Chikmagalur,Karnataka
