JOB FAIR: ಜುಲೈ 19ಕ್ಕೆ

ರಕ್ಷಣಾ ಸಚಿವಾಲಯದ ಡೈರೆಕ್ಟರೇಟ್ ಜನರಲ್ ರಿ-ಸೆಟಲ್ಮೆಂಟ್ (DGR) ಬೆಂಗಳೂರಿನ ಏರ್ ಫೋರ್ಸ್ ಸ್ಟೇಷನ್ ಜಾಲಹಳ್ಳಿ (MT ಕಾಂಪ್ಲೆಕ್ಸ್)ಯಲ್ಲಿ ಉದ್ಯೋಗ ಮೇಳ ನಡೆಸಲಿದೆ. ಈ ಉದ್ಯೋಗ ಮೇಳದ ವಿಶೇಷತೆ ಏನೆಂದರೆ, ಮಾಜಿ ಸೈನಿಕರಿಗೆ ಈ ಅವಕಾಶ ನೀಡಿದೆ. ಉದ್ಯೋಗದಾತರು ಮಾಜಿ ಸೇವಾ ಪುರುಷರಿಗಾಗಿ ಉದ್ಯೋಗ ಮೇಳವನ್ನು ಆಯೋಜಿಸಿದ್ದಾರೆ. ಮಾಜಿ ಸೈನಿಕರಿಗೆ 2ನೇ ಅವಕಾಶ ನೀಡಿರುವ ರಕ್ಷಣಾ ಸಚಿವಾಲಯ ಈ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳುವಂತೆ ಹೇಳಿದೆ.

ಈ ಉದ್ಯೋಗ ಮೇಳವು ಉದ್ಯೋಗಾಕಾಂಕ್ಷಿಗಳು ಮತ್ತು ಉದ್ಯೋಗದಾತರನ್ನು ಸಂಪರ್ಕಿಸುವ ಗುರಿಯನ್ನು ಹೊಂದಿದೆ. ಮಾಜಿ ಸೈನಿಕರಿಗೆ (ESM) ಎರಡನೇ ಅವಕಾಶವನ್ನು ನೀಡುತ್ತಿದೆ.

ಉದ್ಯೋಗ ಮೇಳ ನಡೆಯುವ ಸ್ಥಳ:

ಏರ್ ಫೋರ್ಸ್ ಸ್ಟೇಷನ್ ಜಾಲಹಳ್ಳಿ (MT ಕಾಂಪ್ಲೆಕ್ಸ್)

ಜಾಲಹಳ್ಳಿ ಪಶ್ಚಿಮ (CTI ಹತ್ತಿರ)

ಬೆಂಗಳೂರು

ಅಭ್ಯರ್ಥಿಗಳು ಏನು ಮಾಡಬೇಕು?

1. ಆಸಕ್ತ ಮಾಜಿ ಸೈನಿಕರು ಜುಲೈ 19ರಂದು ಬೆಳಗ್ಗೆ 7 ಗಂಟೆಯಿಂದ 10 ಗಂಟೆಯವರೆಗೆ ಏರ್ ಫೋರ್ಸ್ ಸ್ಟೇಷನ್ ಜಾಲಹಳ್ಳಿಯಲ್ಲಿ ನೋಂದಣಿ ಮಾಡಿಕೊಳ್ಳಬಹುದಾಗಿದೆ.

2. ಆಸಕ್ತರು ತಮ್ಮ ಹೆಸರನ್ನು ನೋಂದಾಯಿಸಲು, ESM ಗುರುತಿನ ಚೀಟಿ ಮತ್ತು ಇತ್ತೀಚಿನ CV ಅಥವಾ ಬಯೋಡೇಟಾದ ಐದು ಪ್ರತಿಗಳನ್ನು ಭಾವಚಿತ್ರಗಳೊಂದಿಗೆ ತರಬೇಕು.

ಆನ್ಲೈನ್ ಮೂಲಕ ರಿಜಿಸ್ಟರ್

ಕಂಪನಿ/ಕಾರ್ಪೊರೇಟ್‌ಗಳು/ಉದ್ಯೋಗದಾತರು ಆನ್‌ಲೈನ್‌ನಲ್ಲಿ ನೋಂದಾಯಿಸಿಕೊಳ್ಳಬಹುದು.

ಅದಕ್ಕಾಗಿ www.dgrindia.gov.in ನಲ್ಲಿ ತಮ್ಮ ಸ್ಟಾಲ್‌ಗಳನ್ನು ಬುಕ್ ಮಾಡಬಹುದು.

ಯಾವುದೇ ಪ್ರಶ್ನೆಗಳಿದ್ದಲ್ಲಿ ಅಥವಾ ಹೆಚ್ಚಿನ ಮಾಹಿತಿಗಾಗಿ ದೂರವಾಣಿ ಸಂಖ್ಯೆ 011-20862542 ಗೆ ಕರೆ ಮಾಡಿ.