ಸರ್ಕಾರಿ ಉದ್ಯೋಗದ (Government Job) ಕನಸು ಕಂಡಿರುವ ಯುವಕರಿಗೆ ದೊಡ್ಡ ಸಂತಸದ ಸುದ್ದಿ. ರೈಲ್ವೆ ಸಚಿವಾಲಯವು 2026ರಲ್ಲಿ 11,127 ಸಹಾಯಕ ಲೋಕೋ ಪೈಲಟ್ (Assitant Loco Pilot) ಹುದ್ದೆಗಳ ನೇಮಕಾತಿಗೆ ಅನುಮೋದನೆ ನೀಡಿದೆ. ಈ ನೇಮಕಾತಿ ಪ್ರಕ್ರಿಯೆಯನ್ನು ರೈಲ್ವೆ ನೇಮಕಾತಿ ಮಂಡಳಿ (RRB) ಮೂಲಕ ನಡೆಸಲಾಗುತ್ತದೆ. ಪ್ರತಿ ವಲಯ ರೈಲ್ವೆಗೆ ಬೇಕಾದ ಹುದ್ದೆಗಳ ಸಂಖ್ಯೆಯನ್ನು ಈಗಾಗಲೇ ಪ್ರಕಟಿಸಲಾಗಿದೆ. ಶೀಘ್ರದಲ್ಲೇ ಅರ್ಜಿ ಪ್ರಕ್ರಿಯೆ ಪ್ರಾರಂಭವಾಗಲಿದೆ.
ಅಧಿಸೂಚನೆಯ ಪ್ರಕಾರ,
ಪೂರ್ವ ಕರಾವಳಿ ರೈಲ್ವೆಯಲ್ಲಿ ಅತಿ ಹೆಚ್ಚು 1,625 ಹುದ್ದೆಗಳಿವೆ. ಅದರ ನಂತರ ಆಗ್ನೇಯ ರೈಲ್ವೆಯಲ್ಲಿ 1,531 ಹುದ್ದೆಗಳು ಮತ್ತು ಕೇಂದ್ರ ರೈಲ್ವೆಯಲ್ಲಿ 1,400 ಹುದ್ದೆಗಳು ಖಾಲಿ ಇವೆ. ಇದು ಸಾವಿರಾರು ಯುವಕರಿಗೆ ಉತ್ತಮ ಅವಕಾಶವಾಗಿದೆ.
- ಕೇಂದ್ರ ರೈಲ್ವೆ – 1,400
- ಪೂರ್ವ ಮಧ್ಯ ರೈಲ್ವೆ – 700
- ಪೂರ್ವ ಕರಾವಳಿ ರೈಲ್ವೆ – 1,625
- ಈಸ್ಟರ್ನ್ ರೈಲ್ವೆ – 608
- ಉತ್ತರ ಮಧ್ಯ ರೈಲ್ವೆ – 457
- ಈಶಾನ್ಯ ರೈಲ್ವೆ – 105
- ಈಶಾನ್ಯ ಗಡಿನಾಡು ರೈಲ್ವೆ – 1,276
- ಉತ್ತರ ರೈಲ್ವೆ – 740
- ವಾಯುವ್ಯ ರೈಲ್ವೆ – 600
- ದಕ್ಷಿಣ ಮಧ್ಯ ರೈಲ್ವೆ – 674
- ಆಗ್ನೇಯ ಮಧ್ಯ ರೈಲ್ವೆ – 200
- ಆಗ್ನೇಯ ರೈಲ್ವೆ – 1,531
- ದಕ್ಷಿಣ ರೈಲ್ವೆ – 250
- ನೈಋತ್ಯ ರೈಲ್ವೆ – 200
- ಪಶ್ಚಿಮ ಮಧ್ಯ ರೈಲ್ವೆ – 541
- ಪಶ್ಚಿಮ ರೈಲ್ವೆ – 214
- ಚಿತ್ತರಂಜನ್ ಲೋಕೋಮೋಟಿವ್ ವರ್ಕ್ಸ್ (CLW) – 6
ಅರ್ಹತೆ ಏನು?
ಸಹಾಯಕ ಲೋಕೋ ಪೈಲಟ್ ಹುದ್ದೆಗೆ ಅರ್ಜಿ ಹಾಕಲು ಕನಿಷ್ಠ 10ನೇ ತರಗತಿ (SSLC/ಮೆಟ್ರಿಕ್ಯುಲೇಷನ್) ಪಾಸಾಗಿರಬೇಕು. ಜೊತೆಗೆ ಮಾನ್ಯತೆ ಪಡೆದ ಐಟಿಐ (ITI) ಯಲ್ಲಿ ಫಿಟ್ಟರ್, ಎಲೆಕ್ಟ್ರಿಷಿಯನ್, ಮೆಕ್ಯಾನಿಕ್, ಎಲೆಕ್ಟ್ರಾನಿಕ್ಸ್, ಡೀಸೆಲ್ ಮೆಕ್ಯಾನಿಕ್, ವೈರ್ಮ್ಯಾನ್ ಮುಂತಾದ ತಾಂತ್ರಿಕ ಟ್ರೇಡ್ಗಳಲ್ಲಿ ತರಬೇತಿ ಪಡೆದಿರಬೇಕು.
ವಯೋಮಿತಿ
ಅರ್ಜಿದಾರರು ಕನಿಷ್ಠ 18 ವರ್ಷ ಮತ್ತು ಗರಿಷ್ಠ 30 ವರ್ಷದೊಳಗಿರಬೇಕು. ಮೀಸಲಾತಿ ವರ್ಗದವರಿಗೆ ಸರ್ಕಾರದ ನಿಯಮದ ಪ್ರಕಾರ ವಯೋಮಿತಿ ಸಡಿಲಿಕೆ ದೊರೆಯುತ್ತದೆ.
ಸಂಬಳ ಎಷ್ಟು?
7ನೇ ವೇತನ ಆಯೋಗದ ಪ್ರಕಾರ, ALP ಹುದ್ದೆಯ ಆರಂಭಿಕ ವೇತನ ₹19,900 (ಪೇ ಲೆವೆಲ್–2). ಇದರ ಜೊತೆಗೆ ಡಿಎ, ಎಚ್ಆರ್ಎ ಮತ್ತು ಇತರೆ ಭತ್ಯೆಗಳು ದೊರೆಯುತ್ತವೆ. ಆದ್ದರಿಂದ ತಿಂಗಳ ಸಂಬಳ ಇನ್ನಷ್ಟು ಹೆಚ್ಚಾಗುತ್ತದೆ.
ಅಭ್ಯರ್ಥಿಗಳನ್ನು ಹಲವಾರು ಹಂತಗಳ ಮೂಲಕ ಆಯ್ಕೆ ಮಾಡಲಾಗುತ್ತದೆ:
- CBT-1 (ಕಂಪ್ಯೂಟರ್ ಆಧಾರಿತ ಪರೀಕ್ಷೆ)
- CBT-2
- ಕಂಪ್ಯೂಟರ್ ಆಧಾರಿತ ಸಾಮರ್ಥ್ಯ ಪರೀಕ್ಷೆ
- ದಾಖಲೆ ಪರಿಶೀಲನೆ
- ವೈದ್ಯಕೀಯ ಪರೀಕ್ಷೆ
CBT ಪರೀಕ್ಷೆಗಳಲ್ಲಿ ನಕಾರಾತ್ಮಕ ಅಂಕ ವ್ಯವಸ್ಥೆ ಇರುತ್ತದೆ. ಪರೀಕ್ಷೆ ಹಲವು ಪಾಳಿಗಳಲ್ಲಿ ನಡೆಯುವುದರಿಂದ ಫಲಿತಾಂಶ ಸಾಮಾನ್ಯೀಕರಣ ವಿಧಾನದಿಂದ ಪ್ರಕಟಿಸಲಾಗುತ್ತದೆ.
ಈ ನೇಮಕಾತಿಯ ಅಧಿಕೃತ ಅಧಿಸೂಚನೆ 2026ರಲ್ಲಿ ಹೊರಬರಲಿದೆ. ಅರ್ಜಿ ಸಲ್ಲಿಸಲು ಬಯಸುವವರು ಈಗಿನಿಂದಲೇ ಪರೀಕ್ಷೆಗೆ ಸಿದ್ಧತೆ ಆರಂಭಿಸುವುದು ಉತ್ತಮ. ಇದು ಸರ್ಕಾರಿ ಉದ್ಯೋಗ ಪಡೆಯಲು ದೊಡ್ಡ ಅವಕಾಶವಾಗಿದೆ. ರೈಲ್ವೆ ಕ್ಷೇತ್ರದಲ್ಲಿ ಕೆಲಸ ಮಾಡಲು ಇಚ್ಛಿಸುವ ಯುವಕರಿಗೆ ಇದು ಸುವರ್ಣಾವಕಾಶ. ಸರಿಯಾದ ತಯಾರಿ ಮತ್ತು ಪರಿಶ್ರಮದಿಂದ ಈ ಅವಕಾಶವನ್ನು ಸದ್ಬಳಕೆ ಮಾಡಿಕೊಳ್ಳಬಹುದು.
