ITR ಫೈಲ್ ಮಾಡಿದ ದಿನವೇ ರೀಫಂಡ್? ಆದಾಯ ತೆರಿಗೆ ಇಲಾಖೆಯ ಹೊಸ ವೇಗ! ಆದ್ರೆ ನಿಮಗೇಕೆ ತಡವಾಗಬಹುದು?

ತೆರಿಗೆ ತಜ್ಞರ ಪ್ರಕಾರ, ನೀವು ನಿಮ್ಮ ITR ಅನ್ನು ಯಶಸ್ವಿಯಾಗಿ ಇ-ವೆರಿಫೈ (e-verify) ಮಾಡಿದ ನಂತರ, ಸರಾಸರಿ 17 ರಿಂದ 30 ದಿನಗಳೊಳಗೆ ರೀಫಂಡ್ ಹಣವನ್ನು ನಿರೀಕ್ಷಿಸಬಹುದು. ಕೆಲವು ಸಂದರ್ಭಗಳಲ್ಲಿ, ದಾಖಲೆಗಳೆಲ್ಲವೂ ಸರಿಯಾಗಿದ್ದರೆ 7 ರಿಂದ 20 ಕೆಲಸದ ದಿನಗಳಲ್ಲೇ ಹಣ ಜಮೆಯಾದ ಉದಾಹರಣೆಗಳೂ ಇವೆ.

ಇ-ವೆರಿಫಿಕೇಷನ್ ಮಾಡದಿರುವುದು: ಇದು ಅತ್ಯಂತ ಮುಖ್ಯವಾದ ಹಂತ. ನೀವು ITR ಫೈಲ್ ಮಾಡಿದ ನಂತರ, ಆಧಾರ್ OTP, ನೆಟ್ ಬ್ಯಾಂಕಿಂಗ್ ಅಥವಾ ಬೇರೆ ಯಾವುದೇ ವಿಧಾನದ ಮೂಲಕ 30 ದಿನಗಳೊಳಗೆ ಇ-ವೆರಿಫೈ ಮಾಡಲೇಬೇಕು. ಇದನ್ನು ಮಾಡದಿದ್ದರೆ, ನಿಮ್ಮ ರಿಟರ್ನ್ ಪ್ರಕ್ರಿಯೆಯೇ ಶುರುವಾಗುವುದಿಲ್ಲ.

ಮಾಹಿತಿಯಲ್ಲಿ ವ್ಯತ್ಯಾಸ: ನೀವು ಸಲ್ಲಿಸಿದ ITR ಮಾಹಿತಿ ಮತ್ತು ಫಾರ್ಮ್ 26AS, AIS ಅಥವಾ TIS ನಲ್ಲಿರುವ ಮಾಹಿತಿಯ ನಡುವೆ ವ್ಯತ್ಯಾಸಗಳಿದ್ದರೆ, ಅಧಿಕಾರಿಗಳು ಅದನ್ನು ಪರಿಶೀಲಿಸಲು ತಡೆಹಿಡಿಯುತ್ತಾರೆ.

ಬ್ಯಾಂಕ್ ಖಾತೆಯ ಸಮಸ್ಯೆ: ನಿಮ್ಮ ಬ್ಯಾಂಕ್ ಖಾತೆಯನ್ನು ಆದಾಯ ತೆರಿಗೆ ಪೋರ್ಟಲ್‌ನಲ್ಲಿ ‘Pre-validate’ ಮಾಡದಿದ್ದರೆ ಅಥವಾ ನಿಮ್ಮ ಪ್ಯಾನ್ ಕಾರ್ಡ್‌ಗೆ ಲಿಂಕ್ ಮಾಡದಿದ್ದರೆ ರೀಫಂಡ್ ವಿಫಲವಾಗುತ್ತದೆ.

ಹಿಂದಿನ ವರ್ಷದ ಬಾಕಿ: ಹಿಂದಿನ ವರ್ಷಗಳಲ್ಲಿ ನೀವು ಇಲಾಖೆಗೆ ಪಾವತಿಸಬೇಕಾದ ಯಾವುದೇ ತೆರಿಗೆ ಬಾಕಿ ಇದ್ದರೆ, ಅದನ್ನು ರೀಫಂಡ್ ಮೊತ್ತದಲ್ಲಿ ಸರಿಹೊಂದಿಸಲಾಗುತ್ತದೆ. ಇದರಿಂದಲೂ ವಿಳಂಬವಾಗಬಹುದು.

ರೀಫಂಡ್ ಬೇಗ ಬರಲು ಏನು ಮಾಡಬೇಕು?

ಕೊನೆ ದಿನಾಂಕದೊಳಗೆ ಫೈಲ್ ಮಾಡಿ: ಗಡುವಿಗಾಗಿ ಕಾಯದೆ ಬೇಗನೆ ITR ಸಲ್ಲಿಸಿ.

ಇ-ವೆರಿಫೈ ಮರೆಯಬೇಡಿ: ಫೈಲ್ ಮಾಡಿದ ತಕ್ಷಣವೇ ಇ-ವೆರಿಫೈ ಮಾಡಿ. ರೀಫಂಡ್ ಪ್ರಕ್ರಿಯೆ ಇಲ್ಲಿಂದಲೇ ಆರಂಭ.

ಎಲ್ಲವನ್ನೂ ಕ್ರಾಸ್-ಚೆಕ್ ಮಾಡಿ: ನಿಮ್ಮ ಆದಾಯ, ಕಡಿತಗಳು ಮತ್ತು ಬ್ಯಾಂಕ್ ವಿವರಗಳನ್ನು ಫಾರ್ಮ್ 26AS ಮತ್ತು AIS ಜೊತೆ ಹೋಲಿಸಿ ನೋಡಿ.

ಬ್ಯಾಂಕ್ ಖಾತೆ ಸರಿ ಇದೆಯೇ ಪರೀಕ್ಷಿಸಿ: ಇ-ಫೈಲಿಂಗ್ ಪೋರ್ಟಲ್‌ನಲ್ಲಿ ನಿಮ್ಮ ಬ್ಯಾಂಕ್ ಖಾತೆ ‘Validated’ ಮತ್ತು ‘PAN linked’ ಆಗಿದೆಯೇ ಎಂದು ಖಚಿತಪಡಿಸಿಕೊಳ್ಳಿ.