Last Updated:
Exam Preparation Tips: ಗೆಳೆಯರೇ, ಫಲಿತಾಂಶದ ಪಟ್ಟಿಯಲ್ಲಿ ನಿಮ್ಮ ಹೆಸರಿನ ಮುಂದೆ ‘ಫೇಲ್’ ಎಂಬ ಪದ ಕಂಡಾಗ ಜಗತ್ತೇ ಮುಳುಗಿಹೋದಂತಾಗುವುದು ಸಹಜ. ಸುತ್ತಮುತ್ತಲಿನವರ ಟೀಕೆ, ಪೋಷಕರ ನಿರೀಕ್ಷೆ ಸುಳ್ಳಾದ ನೋವು ನಿಮ್ಮನ್ನು ಕಾಡುತ್ತಿರಬಹುದು. ಆದರೆ ಫಲಿತಾಂಶ ನೋಡಿ ಧೃತಿಗೆಡಬೇಡಿ. ಅಂಕಪಟ್ಟಿ ನಿಮ್ಮ ಬದುಕಿನ ಮೌಲ್ಯ ನಿರ್ಧರಿಸದು. ಸಮುದ್ರದ ಅಲೆ ಹಿಂದೆ ಸರಿಯುವುದು ಮತ್ತಷ್ಟು ವೇಗವಾಗಿ ಅಪ್ಪಳಿಸಲು ಮಾತ್ರ. ಈಗ ನಿಮ್ಮ ಹಲವಾರು ಸುವರ್ಣ ಅವಕಾಶಗಳು ತೆರೆದಿವೆ. ಕಣ್ಣೀರನ್ನು ಬದಿಗಿಟ್ಟು, ಛಲದಿಂದ ಎದ್ದು ನಿಲ್ಲಿ. ನೆನಪಿಡಿ, ಸೋತು ಗೆದ್ದವನ ಇತಿಹಾಸವೇ ಜಗತ್ತಿಗೆ ಸ್ಫೂರ್ತಿ. ನಿಮ್ಮ ಅದ್ಭುತ ಪಯಣ ಈಗಷ್ಟೇ ಆರಂಭವಾಗಿದೆ.
