Last Updated:
ಮಂಡ್ಯ ಜಿಲ್ಲಾ ಉದ್ಯೋಗ ವಿನಿಮಯ ಕಚೇರಿಯಲ್ಲಿ ಮೇ 6ರಂದು ಎಲ್ ಆಂಡ್ ಟಿ ಫೈನಾನ್ಸ್, ವರ್ಲ್ಡ್ ಡೇಟಾ ಟ್ರಾಫಿಕ್ ಟೆಕ್ ನೇಮಕಾತಿ ಸಂದರ್ಶನ, ಮಳವಳ್ಳಿ ಸರ್ಕಾರಿ ಐಟಿಐ 2026-27 ಪ್ರವೇಶಕ್ಕೆ ಮೇ 8ರವರೆಗೆ ಅರ್ಜಿ.
ಮಂಡ್ಯ: ನೀವು ಉದ್ಯೋಗದ (Job) ಹುಡುಕಾಟದಲ್ಲಿದ್ದೀರಾ? ಹಾಗಿದ್ದರೆ ಮಂಡ್ಯ (Mandya) ಜಿಲ್ಲಾ ಉದ್ಯೋಗ ವಿನಿಮಯ ಕಚೇರಿಯು ನಿಮಗಾಗಿ ಒಂದು ಅದ್ಭುತ ಅವಕಾಶವನ್ನು ಹೊತ್ತು ತಂದಿದೆ. ಜಾಗತಿಕ ಮಟ್ಟದ ಪ್ರತಿಷ್ಠಿತ ಸಂಸ್ಥೆಗಳಾದ ‘ಎಲ್ ಆಂಡ್ ಟಿ ಫೈನಾನ್ಸ್’ ಮತ್ತು ‘ವರ್ಲ್ಡ್ ಡೇಟಾ ಟ್ರಾಫಿಕ್ ಟೆಕ್’ ಕಂಪನಿಗಳ ಸಹಯೋಗದಲ್ಲಿ ನಾಳೆ ಅಂದರೆ ಮೇ 6 ರಂದು ಬೆಳಗ್ಗೆ 10:00 ಗಂಟೆಗೆ ಮಂಡ್ಯದ ಜಿಲ್ಲಾ ಉದ್ಯೋಗ ವಿನಿಮಯ ಕಚೇರಿಯಲ್ಲಿ (RTO ಆಫೀಸ್ ಎದುರು) ಬೃಹತ್ ನೇರ ಸಂದರ್ಶನ (Direct Interview) ನಡೆಯಲಿದೆ.
18 ರಿಂದ 35 ವರ್ಷದೊಳಗಿನ ಯುವಕ-ಯುವತಿಯರು ಈ ಸಂದರ್ಶನದಲ್ಲಿ ಭಾಗವಹಿಸಬಹುದು. ಶಿಕ್ಷಣದ ವಿಚಾರಕ್ಕೆ ಬಂದರೆ, ಎಸ್ಎಸ್ಎಲ್ಸಿ, ಪಿಯುಸಿ, ಐಟಿಐ, ಡಿಪ್ಲೊಮಾ ಅಥವಾ ಯಾವುದೇ ಪದವಿ ಮುಗಿಸಿದವರು ಕೂಡ ಅರ್ಹರಾಗಿದ್ದಾರೆ. ಆಸಕ್ತರು ತಮ್ಮ ಅಪ್ಡೇಟ್ ಆದ ರೆಸ್ಯೂಮ್ ಅಥವಾ ಬಯೋಡೇಟಾದೊಂದಿಗೆ ನೇರವಾಗಿ ಹಾಜರಾಗಬಹುದು.
ಇನ್ನೊಂದೆಡೆ, ವೃತ್ತಿಪರ ಶಿಕ್ಷಣ ಪಡೆಯಲು ಇಚ್ಛಿಸುವವರಿಗೆ ಮಳವಳ್ಳಿ ಸರ್ಕಾರಿ ಐಟಿಐ ಸಂಸ್ಥೆಯು 2026-27ನೇ ಸಾಲಿನ ಪ್ರವೇಶಾತಿಗಾಗಿ ಆನ್ಲೈನ್ ಅರ್ಜಿಗಳನ್ನು ಆಹ್ವಾನಿಸಿದೆ. ಎಸ್ಎಸ್ಎಲ್ಸಿ ಪಾಸಾದ ಅಭ್ಯರ್ಥಿಗಳಿಗೆ ಇದು ಉತ್ತಮ ಅವಕಾಶವಾಗಿದ್ದು, ಅರ್ಜಿ ಸಲ್ಲಿಸಲು ಮೇ 8 ಕೊನೆಯ ದಿನವಾಗಿದೆ.
Mandya,Mandya,Karnataka
May 05, 2026 12:53 PM IST
