Last Updated:
ಕಾಲೇಜು ಮತ್ತು ತಾಂತ್ರಿಕ ಶಿಕ್ಷಣ ಇಲಾಖೆ 2026-27 ಡಿಪ್ಲೊಮಾ ಪ್ರವೇಶ ಆರಂಭ, ಇಂಜಿನಿಯರಿಂಗ್ ಮತ್ತು AI ಕೋರ್ಸ್ ಲಭ್ಯ, ಅರ್ಜಿ ಮೇ 16 ಸಂಜೆ 5ರವರೆಗೆ, ಸೀಟು ಹಂಚಿಕೆ ಆನ್ಲೈನ್ ಮೆರಿಟ್ ಆಧಾರಿತ.
ಮೈಸೂರು: ಹತ್ತನೇ ತರಗತಿ (SSLC) ಮುಗಿಸಿದ ವಿದ್ಯಾರ್ಥಿಗಳಿಗೆ (Students) ಇಲ್ಲಿದೆ ಒಂದು ಗುಡ್ ನ್ಯೂಸ್. ಕಾಲೇಜು ಮತ್ತು ತಾಂತ್ರಿಕ ಶಿಕ್ಷಣ ಇಲಾಖೆಯು 2026-27ನೇ ಸಾಲಿನ ಪೂರ್ಣಾವಧಿ ಡಿಪ್ಲೊಮಾ (Diploma) ಕೋರ್ಸ್ಗಳ ಪ್ರವೇಶಾತಿ ಪ್ರಕ್ರಿಯೆಯನ್ನು ಅಧಿಕೃತವಾಗಿ ಆರಂಭಿಸಿದೆ. ಬರೀ ಸಾಂಪ್ರದಾಯಿಕ ಕೋರ್ಸ್ಗಳಲ್ಲ, ಇಂದಿನ ಟ್ರೆಂಡ್ಗೆ ತಕ್ಕಂತೆ ಆರ್ಟಿಫಿಶಿಯಲ್ ಇಂಟಲಿಜೆನ್ಸ್ (AI) ನಂತಹ ಅತ್ಯಾಧುನಿಕ ವಿಷಯಗಳನ್ನು ಕಲಿಯಲು ಇದು ಸಕಾಲ.
ಇಂಜಿನಿಯರಿಂಗ್ ವಿಭಾಗದಲ್ಲಿ ನಿಮ್ಮ ಕೆರಿಯರ್ ರೂಪಿಸಿಕೊಳ್ಳಲು ಇಲ್ಲಿ ಹತ್ತಾರು ಆಯ್ಕೆಗಳಿವೆ.
-ಆಟೋಮೊಬೈಲ್, ಸಿವಿಲ್, ಮತ್ತು ಮೆಕ್ಯಾನಿಕಲ್.
-ಕಂಪ್ಯೂಟರ್ ಸೈನ್ಸ್, ಎಲೆಕ್ಟ್ರಾನಿಕ್ಸ್ ಅಂಡ್ ಕಮ್ಯುನಿಕೇಶನ್.
– ಆರ್ಟಿಫಿಶಿಯಲ್ ಇಂಟಲಿಜೆನ್ಸ್ ಅಂಡ್ ಮಷಿನ್ ಲರ್ನಿಂಗ್ (AI & ML).
ಅಭ್ಯರ್ಥಿಗಳು ಇಲಾಖೆಯ ವೆಬ್ಸೈಟ್ನಿಂದ ಅರ್ಜಿ ಡೌನ್ಲೋಡ್ ಮಾಡಿಕೊಂಡು, ಅದನ್ನು ಭರ್ತಿ ಮಾಡಿ ತಮ್ಮ ಆದ್ಯತಾ ಪಟ್ಟಿಯೊಂದಿಗೆ ಹತ್ತಿರದ ಸರ್ಕಾರಿ ಪಾಲಿಟೆಕ್ನಿಕ್ ಕಾಲೇಜಿನ ಪ್ರಾಂಶುಪಾಲರಿಗೆ ಸಲ್ಲಿಸಬೇಕು.ಮೆರಿಟ್ ಮತ್ತು ರೋಸ್ಟರ್ ಆಧಾರದ ಮೇಲೆ ಆನ್ಲೈನ್ ಮೂಲಕವೇ ಸೀಟು ಹಂಚಿಕೆಯಾಗಲಿದೆ.
ಅರ್ಜಿ ಸಲ್ಲಿಸಲು ಮೇ 16ರ ಸಂಜೆ 5 ಗಂಟೆಯವರೆಗೆ ಮಾತ್ರ ಅವಕಾಶವಿದೆ. ಆಫ್ಲೈನ್ ಪ್ರವೇಶ ಬಯಸುವವರು ನೇರವಾಗಿ ಆಯಾ ಸಂಸ್ಥೆಗಳನ್ನು ಸಂಪರ್ಕಿಸಬಹುದು.
Mysore,Karnataka
May 06, 2026 10:09 AM IST
