ಇಂಜಿನಿಯರಿಂಗ್ ಮುಗಿಸಿ ಖಾಲಿ ಇದ್ದೀರಾ? ರೈಲ್ವೆ ಸಂಸ್ಥೆ RITES ಕರೀತಿದೆ ಬನ್ನಿ! ಇಂದೇ ಅಪ್ಲೈ ಮಾಡಿ

• ಆನ್‌ಲೈನ್ ಅರ್ಜಿ ಮತ್ತು ಶುಲ್ಕ ಪಾವತಿ ಪ್ರಾರಂಭ: 26 ನವೆಂಬರ್ 2025
• ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 25 ಡಿಸೆಂಬರ್ 2025
• ಲಿಖಿತ ಪರೀಕ್ಷೆ ದಿನಾಂಕ: 11 ಜನವರಿ 2026

ಸಿವಿಲ್, ಎಲೆಕ್ಟ್ರಿಕಲ್, ಮೆಕ್ಯಾನಿಕಲ್, ಸಿಗ್ನಲ್ ಅಂಡ್ ಟೆಲಿಕಮ್ಯುನಿಕೇಷನ್, ಮೆಟಲರ್ಜಿ, ಕೆಮಿಕಲ್, ಇನ್ಫರ್ಮೇಷನ್ ಟೆಕ್ನಾಲಜಿ, ಫುಡ್ ಟೆಕ್ನಾಲಜಿ ಮತ್ತು ಫಾರ್ಮಾ ಶಾಖೆಗಳಲ್ಲಿ ಸಹಾಯಕ ವ್ಯವಸ್ಥಾಪಕ ಹುದ್ದೆಗಳಿವೆ. ಪೂರ್ಣಾವಧಿ ಬಿ.ಇ ಅಥವಾ ಬಿ.ಟೆಕ್ ಪದವಿ ಕಡ್ಡಾಯ. ಸಾಮಾನ್ಯ ಮತ್ತು EWS ಅಭ್ಯರ್ಥಿಗಳು ಕನಿಷ್ಠ 60 ಶೇಕಡಾ ಅಂಕಗಳು, SC/ST/OBC/PWD ಅಭ್ಯರ್ಥಿಗಳು 50 ಶೇಕಡಾ ಅಂಕಗಳು ಪಡೆದಿರಬೇಕು.

ಪದವಿ ಪೂರ್ಣಗೊಂಡ ನಂತರ ಕನಿಷ್ಠ 2 ವರ್ಷಗಳ ಸಂಬಂಧಿತ ಕ್ಷೇತ್ರದ ಅನುಭವ ಬೇಕು. ಗರಿಷ್ಠ ವಯಸ್ಸು 40 ವರ್ಷ (25 ಡಿಸೆಂಬರ್ 2025 ರಂತೆ). SC/STಗೆ 5 ವರ್ಷ, OBCಗೆ 3 ವರ್ಷ, PWDಗೆ 10 ವರ್ಷಗಳವರೆಗೆ ಸಡಿಲಿಕೆ ಇದೆ.

ಲಿಖಿತ ಪರೀಕ್ಷೆ 125 ಅಂಕಗಳಿಗೆ 2.5 ಗಂಟೆಗಳ ಅವಧಿ. ಯಾವುದೇ ನೆಗೆಟಿವ್ ಮಾರ್ಕಿಂಗ್ ಇಲ್ಲ. ಲಿಖಿತ ಪರೀಕ್ಷೆಗೆ 60 ಶೇಕಡಾ ತೂಕ, ಸಂದರ್ಶನಕ್ಕೆ 40 ಶೇಕಡಾ ತೂಕ. ಪರೀಕ್ಷೆಯಲ್ಲಿ ಉತ್ತೀರ್ಣರಾದವರನ್ನು 1:6 ಅನುಪಾತದಲ್ಲಿ ಸಂದರ್ಶನಕ್ಕೆ ಕರೆಯಲಾಗುತ್ತದೆ.

ಮೂಲ ವೇತನ 23,340 ರೂಪಾಯಿಗಳು. ಒಟ್ಟು ಮಾಸಿಕ ವೇತನ ಸುಮಾರು 42,478 ರೂಪಾಯಿಗಳು. ವಾರ್ಷಿಕ ಪ್ಯಾಕೇಜ್ ಸುಮಾರು 5 ಲಕ್ಷ ರೂಪಾಯಿಗಳು. ಇದರ ಜೊತೆಗೆ HRA, ಮೆಡಿಕಲ್, ಟ್ರಾವೆಲ್ ಅಲೌವೆನ್ಸ್ ಸೇರಿದಂತೆ ಇತರ ಸವಲತ್ತುಗಳು ಲಭ್ಯ.

ಸಾಮಾನ್ಯ/OBC ಅಭ್ಯರ್ಥಿಗಳು 600 ರೂ + ತೆರಿಗೆ, EWS/SC/ST/PWD ಅಭ್ಯರ್ಥಿಗಳು 300 ರೂ + ತೆರಿಗೆ. ಅರ್ಜಿ ಸಂಪೂರ್ಣವಾಗಿ ಆನ್‌ಲೈನ್ ಮೂಲಕ ಮಾತ್ರ. ರೈಟ್ಸ್ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ ರಿಜಿಸ್ಟರ್ ಆಗಿ, ಫಾರ್ಮ್ ಭರ್ತಿ ಮಾಡಿ, ದಾಖಲೆಗಳನ್ನು ಅಪ್‌ಲೋಡ್ ಮಾಡಿ, ಶುಲ್ಕ ಪಾವತಿಸಿ ಸಲ್ಲಿಸಿ.

ಉತ್ತರ, ಪೂರ್ವ, ಪಶ್ಚಿಮ, ದಕ್ಷಿಣ ವಲಯಗಳಲ್ಲಿ ಎಲ್ಲೆಡೆ ಪೋಸ್ಟಿಂಗ್ ಇರುತ್ತದೆ. ಆರಂಭಿಕ ಗುತ್ತಿಗೆ 1 ವರ್ಷ. ಕಾರ್ಯಕ್ಷಮತೆ ಒಳ್ಳೆಯದಾದರೆ ಮತ್ತಷ್ಟು ವಿಸ್ತರಣೆ ಸಾಧ್ಯ.