Last Updated:
ವಿದ್ಯಾರ್ಥಿಗಳು ಇತರೇ ದೇಶಗಳಲ್ಲಿ ಓದಲು ಆಸೆ ಪಟ್ಟರು ಕೂಡ ವೆಚ್ಚದ ಬಗ್ಗೆ ಯೋಚನೆ ಮಾಡುವುದು ಸಹಜ. ಆದರೆ ಇಲ್ಲಿ ಒಂದು ವಿದ್ಯಾರ್ಥಿ ಸ್ನೇಹಿ ಆಯ್ಕೆ ಇದೆ, ಈ ದೇಶದಲ್ಲಿ ಬೇರೆ ರಾಷ್ಟ್ರದಿಂದ ಬರುವ ವಿದ್ಯಾರ್ಥಿಗಳಿಗೆ ಉಚಿತ ಶಿಕ್ಷಣ ನೀಡುವುದರ ಜೊತೆಗೆ ತಿಂಗಳಿಗೆ ಇಂತಿಷ್ಟು ಅಂತ ಸ್ಟೈಪೆಂಡ್ ಸಹ ನೀಡಲಾಗುತ್ತದೆಯಂತೆ.
ಸಾಮಾನ್ಯವಾಗಿ ಭಾರತ ಮತ್ತು ಇನ್ನಿತರೆ ದೇಶಗಳ ವಿದ್ಯಾರ್ಥಿಗಳು (Students) ತಮ್ಮ ಉನ್ನತ ವ್ಯಾಸಂಗ ಎಂದರೆ ಎಂಜಿನಿಯರಿಂಗ್ (Engineering) ಮತ್ತು ವೈದ್ಯಕೀಯ ವ್ಯಾಸಂಗದಲ್ಲಿ (Medical Studies) ಸ್ನಾತಕೋತ್ತರ ಪದವಿ ಪಡೆಯಲು ಅಮೆರಿಕ, ಕೆನಡಾ, ಜರ್ಮನಿ ಮತ್ತು ಯುಕೆ ಅಂತಹ ದೇಶಗಳಿಗೆ ಹೋಗುವುದನ್ನು ನಾವು ನೋಡಿರುತ್ತೇವೆ. ಆದರೆ ಈಗ ಅಮೆರಿಕ ಮತ್ತು ಕೆನಡಾದಂತಹ ದೇಶಗಳು ಅನೇಕ ರಾಷ್ಟಗಳಿಂದ ತಮ್ಮ ರಾಷ್ಟ್ರಕ್ಕೆ ಬರುವ ವಿದ್ಯಾರ್ಥಿಗಳಿಗೆ ಶಿಕ್ಷಣ ನಿಯಮಗಳು ಮತ್ತು ಅಲ್ಲಿ ನೆಲೆಸಲು ಬೇಕಾಗಿರುವಂತಹ ನಿಯಮಗಳನ್ನು ಹಿಂದೆಗಿಂತಲೂ ಈಗ ಬಿಗಿಗೊಳಿಸಿದೆ ಅಂತ ಹೇಳಬಹುದು.
ಇದರಿಂದಾಗಿ ಅನೇಕ ವಿದ್ಯಾರ್ಥಿಗಳು ತಮ್ಮ ಉನ್ನತ ವ್ಯಾಸಂಗಕ್ಕೆ ಯಾವ ದೇಶಕ್ಕೆ ಹೋದರೆ ಒಳ್ಳೆಯದು ಮತ್ತು ಅವರ ಖರ್ಚು ವೆಚ್ಚಗಳು ಸಹ ಒಂದು ಹಿಡಿತದಲ್ಲಿರುತ್ತವೆ ಅಂತ ಯೋಚನೆ ಮಾಡುವಂತಾಗಿದೆ.
ಇಂತಹ ಒಂದು ಸಂದರ್ಭದಲ್ಲಿ ವಿದ್ಯಾರ್ಥಿಗಳು ಉಚಿತ ಶಿಕ್ಷಣ ಅಥವಾ ಕಡಿಮೆ ಫೀಸ್ ಇರುವಂತಹ ವಿಶ್ವವಿದ್ಯಾಲಯಗಳನ್ನು ತಮ್ಮ ಉನ್ನತ ವ್ಯಾಸಂಗಕ್ಕಾಗಿ ಆಯ್ಕೆ ಮಾಡಿಕೊಳ್ಳುವುದು ಹೇಗೆ ಅನ್ನೋ ಯೋಚನೆಯಲ್ಲಿರುವುದು ಸಹಜ.
ಯುರೋಪಿನ ಹಂಗೇರಿ (ಹಂಗ್ರಿ) ದೇಶ ಬೇರೆ ರಾಷ್ಟ್ರಗಳಿಂದ ಉನ್ನತ ವ್ಯಾಸಂಗ ಪಡೆಯಲು ಬರುವ ವಿದ್ಯಾರ್ಥಿಗಳಿಗೆ ವಿಶಿಷ್ಟವಾದ ಅವಕಾಶವನ್ನು ಒದಗಿಸುತ್ತಿದೆ. ಹೌದು.. ಹಂಗ್ರಿ ದೇಶ ವಿದ್ಯಾರ್ಥಿವೇತನ ನೀಡುತ್ತದೆ ಮತ್ತು ಅದರ ಜೊತೆಗೆ ಉಚಿತವಾದ ಶಿಕ್ಷಣವನ್ನು ಸಹ ನೀಡುತ್ತದೆ.
ಇನ್ನೂ ಸರಳವಾಗಿ ಹೇಳುವುದಾದರೆ ಈ ದೇಶ ಅಂತಾರಾಷ್ಟ್ರೀಯ ವಿದ್ಯಾರ್ಥಿಗಳು ಬೋಧನಾ ಶುಲ್ಕವನ್ನು ಪಾವತಿಸದೆ ಯುರೋಪ್ನಲ್ಲಿ ಉನ್ನತ ಶಿಕ್ಷಣವನ್ನು ಪಡೆಯಲು ಅನುವು ಮಾಡಿಕೊಡುತ್ತದೆ. ಇದರ ಜೊತೆಗೆ, ವಿದ್ಯಾರ್ಥಿಗಳಿಗೆ ಪ್ರತಿ ತಿಂಗಳಿಗೆ ಸ್ಟೈಪೆಂಡ್ ಅನ್ನು ನೀಡುವುದರ ಜೊತೆಗೆ ಆರೋಗ್ಯ ವಿಮಾ ರಕ್ಷಣೆಯನ್ನು ಸಹ ಒದಗಿಸುತ್ತದೆ.
ಹಂಗೇರಿ ದೇಶದೊಂದಿಗೆ ದ್ವಿಪಕ್ಷೀಯ ಒಪ್ಪಂದವನ್ನು ಹೊಂದಿರುವ ದೇಶಗಳ ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿವೇತನವು ಮುಕ್ತವಾಗಿದೆ. ಭಾರತದಲ್ಲಿ, ಶಿಕ್ಷಣ ಸಚಿವಾಲಯ ಅಥವಾ ಇತರ ಅಧಿಕೃತ ಸಂಸ್ಥೆಗಳ ಮೂಲಕ ನಾಮನಿರ್ದೇಶನಗಳನ್ನು ಮತ್ತಷ್ಟು ಸುಗಮಗೊಳಿಸಲಾಗುತ್ತದೆ.
ಈ ಅವಕಾಶವನ್ನು ಪಡೆಯಲು ವಿದ್ಯಾರ್ಥಿಗಳಲ್ಲಿರಬೇಕಾದ ಅರ್ಹತೆಗಳು?
- ಅರ್ಹ ಪಾಲುದಾರ ದೇಶದ ಪೌರತ್ವವನ್ನು ಹೊಂದಿರಬೇಕು
- ಆಯ್ಕೆ ಮಾಡಿದ ಕೊರ್ಸಿಗೆ ಸಂಬಂಧಿಸಿದ ಶೈಕ್ಷಣಿಕ ಅರ್ಹತೆಗಳು ಪಡೆದಿರಬೇಕು (ಉದಾಹರಣೆಗೆ ಸ್ನಾತಕೋತ್ತರ ಅರ್ಜಿಗಾಗಿ ಪದವಿ).
- ಕೊರ್ಸಿಗೆ ಪ್ರವೇಶ ಪಡೆಯುವ ಸಮಯದಲ್ಲಿ ವಿದ್ಯಾರ್ಥಿಗಳಿಗೆ ಕನಿಷ್ಠ 18 ವರ್ಷ ವಯಸ್ಸು ಆಗಿರಬೇಕು.
ಈ ವಿದ್ಯಾರ್ಥಿವೇತನದ ಪ್ರಯೋಜನಗಳು!
- ಪೂರ್ಣ ಬೋಧನಾ ಶುಲ್ಕ ವಿನಾಯಿತಿ: ಕೊರ್ಸಿನ ಸಂಪೂರ್ಣ ಅವಧಿಯನ್ನು ಇದು ಒಳಗೊಳ್ಳುತ್ತದೆ.
- ಮಾಸಿಕ ಸ್ಟೈಪೆಂಡ್: ಜೀವನ ವೆಚ್ಚವನ್ನು ಬೆಂಬಲಿಸಲು ಸುಮಾರು HUF 43,700 (ಸರಿ ಸುಮಾರು ರೂ. 22,000).
- ಆರೋಗ್ಯ ವಿಮೆ: ಹಂಗೇರಿಯ ಸಾರ್ವಜನಿಕ ಆರೋಗ್ಯ ಸೇವೆಗಳಿಗೆ ಪ್ರವೇಶ.
ಅಭ್ಯರ್ಥಿಗಳು ಅಧಿಕೃತ ಪೋರ್ಟಲ್, stipendiumhungaricum.hu ಮೂಲಕ ಅರ್ಜಿ ಸಲ್ಲಿಸಬೇಕು. ಅರ್ಜಿಗಳಿಗೆ ಪ್ರೇರಣೆ ಪತ್ರ, ಶೈಕ್ಷಣಿಕ ಪ್ರತಿಗಳು, ಭಾಷಾ ಪ್ರಾವೀಣ್ಯತೆಯ ಪುರಾವೆ ಮತ್ತು ಮಾನ್ಯವಾದ ಪಾಸ್ಪೋರ್ಟ್ ಅಗತ್ಯವಿರುತ್ತದೆ. ಹೆಚ್ಚುವರಿಯಾಗಿ, ಅರ್ಜಿದಾರರು ತಮ್ಮ ತಾಯ್ನಾಡಿನಲ್ಲಿ ಗೊತ್ತುಪಡಿಸಿದ ಕಳುಹಿಸುವ ಪಾಲುದಾರರೊಂದಿಗೆ ನೋಂದಾಯಿಸಿಕೊಳ್ಳಬೇಕು.
ವಿವಿಧ ವಿಭಾಗಗಳಲ್ಲಿ 30ಕ್ಕೂ ಹೆಚ್ಚು ಹಂಗೇರಿಯನ್ ವಿಶ್ವವಿದ್ಯಾಲಯಗಳ ಅಧ್ಯಯನಗಳನ್ನು ವಿದ್ಯಾರ್ಥಿವೇತನವು ಒಳಗೊಂಡಿದೆ. ವಿವರವಾದ ಮಾರ್ಗಸೂಚಿಗಳು, ಸಮಯಸೂಚಿಗಳು ಮತ್ತು ಅರ್ಹತಾ ಮಾನದಂಡಗಳಿಗಾಗಿ, ವಿದ್ಯಾರ್ಥಿಗಳು ಅಧಿಕೃತ ವೆಬ್ಸೈಟ್ ಅನ್ನು ವಿವರವಾಗಿ ಓದಬೇಕು.
September 21, 2025 2:16 PM IST
