Last Updated:
ಕೆನರಾ ಬ್ಯಾಂಕ್ ಗ್ರಾಮೀಣ ಸ್ವ ಉದ್ಯೋಗ ತರಬೇತಿ ಸಂಸ್ಥೆ ಸೊಣ್ಣಹಳ್ಳಿಪುರದಲ್ಲಿ ಜೂನ್ 1 ರಿಂದ 31 ದಿನಗಳ ಉಚಿತ ಫೋಟೋಗ್ರಫಿ, ವಿಡಿಯೋಗ್ರಫಿ ತರಬೇತಿ, ಊಟ ವಸತಿ ಉಚಿತ, ಬಿಪಿಎಲ್ ಯುವಕರಿಗೆ ಆದ್ಯತೆ
ಚಿಕ್ಕಮಗಳುರು: ಇಂದಿನ ಡಿಜಿಟಲ್ ಯುಗದಲ್ಲಿ ಫೋಟೋಗ್ರಫಿ (Photography)ಮತ್ತು ವಿಡಿಯೋಗ್ರಫಿ (Videography) ಕ್ಷೇತ್ರವು ಭರ್ಜರಿ ಆದಾಯ ಗಳಿಸುವ ವೃತ್ತಿಯಾಗಿದೆ. ಈ ಕಲೆಯನ್ನು ಕಲಿಯಲು ದುಬಾರಿ ಶುಲ್ಕ ತೆತ್ತಬೇಕಾದ ಅನಿವಾರ್ಯತೆ ಇನ್ನು ಇಲ್ಲ. ಹೌದು, ನಿರುದ್ಯೋಗಿ (Unemployed) ಯುವಕ-ಯುವತಿಯರಿಗೆ ನೆರವಾಗಲು ಕೆನರಾ ಬ್ಯಾಂಕ್ ಗ್ರಾಮೀಣ ಸ್ವ-ಉದ್ಯೋಗ ತರಬೇತಿ ಸಂಸ್ಥೆ (RSETI) ಇದೀಗ ಸುವರ್ಣ ಅವಕಾಶವನ್ನು ಮುಂದಿಟ್ಟಿದೆ.
ಅತ್ಯಂತ ವಿಶೇಷವೆಂದರೆ, ತರಬೇತಿಯ ಸಂಪೂರ್ಣ ಅವಧಿಯಲ್ಲಿ ಶಿಬಿರಾರ್ಥಿಗಳಿಗೆ ಊಟ ಮತ್ತು ವಸತಿ ಸೌಕರ್ಯವನ್ನು ಸಂಸ್ಥೆಯು ಉಚಿತವಾಗಿ ಕಲ್ಪಿಸುತ್ತದೆ. ಇದು ಆರ್ಥಿಕವಾಗಿ ಹಿಂದುಳಿದವರಿಗೆ ಸಿಕ್ಕಿರುವ ದೊಡ್ಡ ವರದಾನ.
ಆಸಕ್ತರು ಮೇ 25 ರಂದು ಬೆಳಿಗ್ಗೆ 10 ಗಂಟೆಗೆ ಅಗತ್ಯ ದಾಖಲೆಗಳೊಂದಿಗೆ ಸೊಣ್ಣಹಳ್ಳಿಪುರದ ಕೆನರಾ ಬ್ಯಾಂಕ್ ಗ್ರಾಮೀಣ ಸ್ವ-ಉದ್ಯೋಗ ತರಬೇತಿ ಸಂಸ್ಥೆಗೆ ನೇರವಾಗಿ ಹಾಜರಾಗಬಹುದು. ಸಂದರ್ಶನಕ್ಕೆ ಬರುವುದು ಕಷ್ಟವಾಗಿದ್ದಲ್ಲಿ, ಮೇ 25 ರೊಳಗೆ 8970476050, 9591514154, 6363139123, 9686248369 ಅಥವಾ 9505894247 ಸಂಖ್ಯೆಗಳಿಗೆ ಕರೆ ಮಾಡಿ ತಮ್ಮ ಹೆಸರು ನೋಂದಾಯಿಸಿಕೊಳ್ಳಬಹುದು ಎಂದು ನಿರ್ದೇಶಕರು ತಿಳಿಸಿದ್ದಾರೆ.ನಿಮ್ಮ ಕೌಶಲ್ಯವನ್ನು ಹೆಚ್ಚಿಸಿಕೊಳ್ಳುವ ಮತ್ತು ಸ್ವಾವಲಂಬಿ ಬದುಕು ಕಟ್ಟಿಕೊಳ್ಳುವ ಈ ಅವಕಾಶವನ್ನು ಕಳೆದುಕೊಳ್ಳಬೇಡಿ.
Chikmagalur,Karnataka
