Last Updated:
General Knowledge: ಭಾರತದಲ್ಲಿ ಯೂನಿಯನ್ ಪಬ್ಲಿಕ್ ಸರ್ವಿಸ್ ಕಮಿಷನ್ (UPSC) ಪರೀಕ್ಷೆಯನ್ನು ದೇಶದ ಅತ್ಯಂತ ಕಠಿಣ ಮತ್ತು ಗೌರವಾನ್ವಿತ ಪರೀಕ್ಷೆಯೆಂದು ಪರಿಗಣಿಸಲಾಗುತ್ತದೆ. ಇಂತಹ UPSC ಪರೀಕ್ಷೆಯ ಪ್ರಾರಂಭ ಯಾವಾಗವಾಯಿತು ಮತ್ತು IAS ಆಗುವ ಪ್ರಯಾಣ ಎಲ್ಲಿಂದ ಆರಂಭವಾಯಿತು ಎಂಬ ಪ್ರಶ್ನೆ ಅನೇಕರಲ್ಲಿ ಕುತೂಹಲ ಕೆರಳಿಸುತ್ತದೆ. ಇದರ ಇತಿಹಾಸವನ್ನು ತಿಳಿಯುವುದು ಅತ್ಯಂತ ಮಹತ್ವದ್ದಾಗಿದೆ. ಹಾಗಾಗಿ ಅದರ ಕುರಿತು ಮಾಹಿತಿ ಇಲ್ಲಿದೆ:
General Knowledge: ಭಾರತದಲ್ಲಿ ಯೂನಿಯನ್ ಪಬ್ಲಿಕ್ ಸರ್ವಿಸ್ ಕಮಿಷನ್ (UPSC – Union Public Service Commission) ಪರೀಕ್ಷೆಯನ್ನು ದೇಶದ ಅತ್ಯಂತ ಕಠಿಣ ಮತ್ತು ಗೌರವಾನ್ವಿತ ಪರೀಕ್ಷೆಯೆಂದು ಪರಿಗಣಿಸಲಾಗುತ್ತದೆ. ಪ್ರತಿವರ್ಷ ಲಕ್ಷಾಂತರ ಅಭ್ಯರ್ಥಿಗಳು IAS, IPS ಮತ್ತು ಇತರ ನಾಗರಿಕ ಸೇವೆಗಳಲ್ಲಿ ಪ್ರವೇಶ ಪಡೆಯಲು ಈ ಪರೀಕ್ಷೆಗೆ ಹಾಜರಾಗುತ್ತಾರೆ. ಆದರೆ ಭಾರತದಲ್ಲಿ UPSC ಪರೀಕ್ಷೆಯ ಪ್ರಾರಂಭ ಯಾವಾಗವಾಯಿತು ಮತ್ತು IAS ಆಗುವ ಪ್ರಯಾಣ ಎಲ್ಲಿಂದ ಆರಂಭವಾಯಿತು ಎಂಬ ಪ್ರಶ್ನೆ ಅನೇಕರಲ್ಲಿ ಕುತೂಹಲ ಕೆರಳಿಸುತ್ತದೆ. ಇದರ ಇತಿಹಾಸವನ್ನು ತಿಳಿಯುವುದು ಅತ್ಯಂತ ಮಹತ್ವದ್ದಾಗಿದೆ. ಹಾಗಾಗಿ ಅದರ ಕುರಿತು ಮಾಹಿತಿ ಇಲ್ಲಿದೆ:
ಭಾರತದಲ್ಲಿ ನಾಗರಿಕ ಸೇವೆಗಳ ಕಲ್ಪನೆ ಬ್ರಿಟಿಷ್ ಆಳ್ವಿಕೆಯ ಸಮಯದಲ್ಲಿ ಪ್ರಾರಂಭವಾಯಿತು. 1855 ರಲ್ಲಿ ಲಂಡನ್ನಲ್ಲಿ ಮೊದಲ ಭಾರತೀಯ ನಾಗರಿಕ ಸೇವಾ ಪರೀಕ್ಷೆ (Indian Civil Services – ICS) ನಡೆಸಲಾಯಿತು. ಈ ಪರೀಕ್ಷೆಯಲ್ಲಿ ಭಾರತೀಯರ ಪಾಲ್ಗೊಳ್ಳುವಿಕೆ ಬಹಳ ಕಡಿಮೆಯಿತ್ತು. ಇದಾದ ನಂತರ 1863 ರಲ್ಲಿ, ಪ್ರಸಿದ್ಧ ಕವಿ ರವೀಂದ್ರನಾಥ ಟ್ಯಾಗೋರ್ ಅವರ ಸಹೋದರ ಸತ್ಯೇಂದ್ರನಾಥ ಟ್ಯಾಗೋರ್, ಈ ಪರೀಕ್ಷೆಯಲ್ಲಿ ಉತ್ತೀರ್ಣರಾದ ಮೊದಲ ಭಾರತೀಯರಾಗಿದ್ದಾರೆ.
1922 ರಲ್ಲಿ, ಬ್ರಿಟಿಷ್ ಸರ್ಕಾರ ಭಾರತದಲ್ಲೇ ಮೊದಲ ಬಾರಿಗೆ ICS ಪರೀಕ್ಷೆಯನ್ನು ನಡೆಸಿತು. ಈ ಪರೀಕ್ಷೆ ಅಲಹಾಬಾದ್ ಮತ್ತು ನಂತರ ದೆಹಲಿಯಲ್ಲಿ ನಡೆಯಿತು. ಆಗಿನ ಕಾಲದಲ್ಲಿ ಪರೀಕ್ಷೆಯು ಲಿಖಿತ ಪರೀಕ್ಷೆ ಮತ್ತು ವೈವಾ (ಮೌಖಿಕ ಪರೀಕ್ಷೆ) ಒಳಗೊಂಡಿತ್ತು. ಇಲ್ಲಿ ಪರಿಕ್ಷೆಯಲ್ಲಿ ಕೇಳಲಾದ ವಿಷಯಗಳು ಸೀಮಿತವಾಗಿದ್ದವು. ಜೊತೆಗೆ ಪರೀಕ್ಷೆಯನ್ನು ಇಂಗ್ಲಿಷ್ ಭಾಷೆಯಲ್ಲಿ ಮಾತ್ರ ಬರೆಯಬೇಕಾಗಿತ್ತು. ಹಾಗಾಗಿ, ಇದು ಭಾರತೀಯ ವಿದ್ಯಾರ್ಥಿಗಳಿಗೆ ಸವಾಲಾಗಿತ್ತು, ಯಾಕೆಂದ್ರೆ ಆಗ, ಇಂಗ್ಲಿಷ್ ಭಾಷೆಯ ಜ್ಞಾನ ಹೊಂದಿದ್ದವರು ಬಹಳ ಕಡಿಮೆ ಮಂದಿ ಇದ್ದರು.
ಬ್ರಿಟಿಷ್ ಸರ್ಕಾರವು 1 ಅಕ್ಟೋಬರ್ 1926 ರಂದು ಫೆಡರಲ್ ಪಬ್ಲಿಕ್ ಸರ್ವಿಸ್ ಕಮಿಷನ್ (FPSC) ಅನ್ನು ಸ್ಥಾಪಿಸಿತು. ಇದರ ಉದ್ದೇಶ ನಾಗರಿಕ ಸೇವೆಗಳ ನೇಮಕಾತಿ ಪ್ರಕ್ರಿಯೆಯನ್ನು ನಿಯಂತ್ರಿಸುವುದಾಗಿತ್ತು. 1950 ರಲ್ಲಿ ಭಾರತದ ಸಂವಿಧಾನ ಜಾರಿಗೆ ಬಂದಾಗ, ಈ ಆಯೋಗವನ್ನು ಯೂನಿಯನ್ ಪಬ್ಲಿಕ್ ಸರ್ವಿಸ್ ಕಮಿಷನ್ (UPSC) ಎಂದು ಮರುನಾಮಕರಣ ಮಾಡಲಾಯಿತು.
ಸ್ವಾತಂತ್ರ್ಯಾನಂತರ 1951 ರಲ್ಲಿ UPSC ತನ್ನ ಮೊದಲ ಸ್ವತಂತ್ರ ಪರೀಕ್ಷೆಯನ್ನು ಭಾರತದಲ್ಲಿ ನಡೆಸಿತು. ಇದರಿಂದ ಭಾರತೀಯರಿಗೆ IAS, IPS ಮತ್ತು ಇತರ ಸೇವೆಗಳಿಗಾಗಿ ಸಮಾನ ಅವಕಾಶ ದೊರೆಯಿತು. ಇದೇ ಭಾರತದಲ್ಲಿ UPSC ಪರೀಕ್ಷೆಯ ಅಧಿಕೃತ ಆರಂಭವೆಂದು ಪರಿಗಣಿಸಲಾಗಿದೆ.
ಆರಂಭದಲ್ಲಿ ಪರೀಕ್ಷೆಯು ಲಿಖಿತ ಮತ್ತು ಸಂದರ್ಶನ ಹಂತಗಳಿಗೆ ಮಾತ್ರ ಸೀಮಿತವಾಗಿತ್ತು. ಆದರೆ ಇಂದಿನ UPSC ಪರೀಕ್ಷೆ ಮೂರು ಹಂತಗಳಲ್ಲಿ ನಡೆಯುತ್ತದೆ – ಪ್ರಿಲಿಮ್ಸ್ (ಪ್ರಾಥಮಿಕ ಪರೀಕ್ಷೆ), ಮುಖ್ಯ ಪರೀಕ್ಷೆ (ಮೇನ್ಸ್), ಮತ್ತು ಸಂದರ್ಶನ (ಇಂಟರ್ವ್ಯೂ). ಈ ಬದಲಾವಣೆಗಳಿಂದ ಪರೀಕ್ಷೆಯು ಇನ್ನಷ್ಟು ಸಮಗ್ರವಾಗಿದ್ದು, ಅಭ್ಯರ್ಥಿಗಳ ಜ್ಞಾನ, ಸಾಮರ್ಥ್ಯ ಮತ್ತು ನಿರ್ಧಾರಶಕ್ತಿಯನ್ನು ಪರೀಕ್ಷಿಸುತ್ತದೆ.
UPSC ಪರೀಕ್ಷೆಯು ಕೇವಲ ಉದ್ಯೋಗಕ್ಕಾಗಿ ಮಾತ್ರವಲ್ಲ, ರಾಷ್ಟ್ರಸೇವೆಯ ಮಾರ್ಗವಾಗಿಯೂ ಪರಿಗಣಿಸಲಾಗುತ್ತದೆ. ಸ್ವಾತಂತ್ರ್ಯದ ನಂತರ ಭಾರತದಲ್ಲಿ ಪ್ರಜಾಪ್ರಭುತ್ವವನ್ನು ಬಲಪಡಿಸುವಲ್ಲಿ ನಾಗರಿಕ ಸೇವಕರ ಪಾತ್ರ ಮಹತ್ವದ್ದಾಗಿದೆ. ಇಂದಿಗೂ ಲಕ್ಷಾಂತರ ವಿದ್ಯಾರ್ಥಿಗಳು ಈ ಪರೀಕ್ಷೆಗೆ ತಯಾರಿ ನಡೆಸುತ್ತಿದ್ದು, ದೇಶದ ಆಡಳಿತದಲ್ಲಿ ಪ್ರಮುಖ ಸ್ಥಾನ ಗಳಿಸಲು ಕನಸು ಕಾಣುತ್ತಿದ್ದಾರೆ.
ಹಾಗಾಗಿ, ಭಾರತದಲ್ಲಿ UPSC ಪರೀಕ್ಷೆಯ ಇತಿಹಾಸ 1855 ರಲ್ಲಿ ಲಂಡನ್ನಲ್ಲಿ ನಡೆದ ಮೊದಲ ICS ಪರೀಕ್ಷೆಯಿಂದ ಆರಂಭಗೊಂಡು, 1951 ರಲ್ಲಿ ಸ್ವತಂತ್ರ ಭಾರತದಲ್ಲಿ ಮೊದಲ UPSC ಪರೀಕ್ಷೆಯವರೆಗೆ ವಿಸ್ತರಿಸುತ್ತದೆ. ಇದು ಕೇವಲ ಒಂದು ಪರೀಕ್ಷೆಯಲ್ಲ, ಭಾರತದ ಆಡಳಿತ ವ್ಯವಸ್ಥೆಯ ಕಂಬದಂತೆ ನಿಂತಿರುವ ಸಂಸ್ಥೆಯ ಇತಿಹಾಸವಾಗಿದೆ. ಇಂದು UPSC ಪರೀಕ್ಷೆಯನ್ನು ದೇಶದ ಅತ್ಯಂತ ಗೌರವಾನ್ವಿತ ಮತ್ತು ಸವಾಲಿನ ಪರೀಕ್ಷೆಯೆಂದು ಪರಿಗಣಿಸಲಾಗುತ್ತದೆ.
August 19, 2025 3:06 PM IST
