Last Updated:
Resume: ಒಳ್ಳೆಯ ಕೆಲಸ ಸಿಗಬೇಕು ಅಂದ್ರೆ ಕೈಯಲ್ಲಿ ದೊಡ್ಡ ದೊಡ್ಡ ಡಿಗ್ರಿ ಇರಬೇಕು, ನಾಲ್ಕೈದು ವರ್ಷ ಕೆಲಸ ಮಾಡಿದ ಎಕ್ಸ್ ಪೀರಿಯನ್ಸ್ ಇರಬೇಕು ಅಂತ ನಾವೆಲ್ಲ ಅಂದುಕೊಳ್ತೀವಿ. ಕಂಪನಿಗಳು ಕೂಡ ಕ್ಯಾಂಡಿಡೇಟ್ಸ್ ಬರೆದ ದೊಡ್ಡ ದೊಡ್ಡ ‘ರೆಸ್ಯೂಮ್’ ನೋಡಿ ಕೆಲಸ ಕೊಡ್ತಾರೆ. ಆದ್ರೆ, ಇಂಗ್ಲೆಂಡ್ ನ ಒಬ್ಬ ದೊಡ್ಡ ಉದ್ಯಮಿ ಮಾಡಿರೋ ಕೆಲಸ ಈಗ ಎಲ್ಲರ ಗಮನ ಸೆಳೆದಿದೆ. ಅವರು ಕೇವಲ 2 ಲೈನ್ ಸಿವಿ (CV) ಇದ್ದ ಒಬ್ಬ ಯುವತಿಗೆ ಕೆಲಸ ಕೊಟ್ಟಿದ್ದಾರೆ.
Resume: ಒಳ್ಳೆಯ ಕೆಲಸ (Good Job) ಸಿಗಬೇಕು ಅಂದ್ರೆ ಕೈಯಲ್ಲಿ ದೊಡ್ಡ ದೊಡ್ಡ ಡಿಗ್ರಿ (Degree) ಇರಬೇಕು, ನಾಲ್ಕೈದು ವರ್ಷ ಕೆಲಸ ಮಾಡಿದ ಎಕ್ಸ್ ಪೀರಿಯನ್ಸ್ ಇರಬೇಕು ಅಂತ ನಾವೆಲ್ಲ ಅಂದುಕೊಳ್ತೀವಿ. ಕಂಪನಿಗಳು ಕೂಡ ಕ್ಯಾಂಡಿಡೇಟ್ಸ್ ಬರೆದ ದೊಡ್ಡ ದೊಡ್ಡ ‘ರೆಸ್ಯೂಮ್’ (Resume) ನೋಡಿ ಕೆಲಸ ಕೊಡ್ತಾರೆ. ಆದ್ರೆ, ಇಂಗ್ಲೆಂಡ್ ನ ಒಬ್ಬ ದೊಡ್ಡ ಉದ್ಯಮಿ ಮಾಡಿರೋ ಕೆಲಸ ಈಗ ಎಲ್ಲರ ಗಮನ ಸೆಳೆದಿದೆ. ಅವರು ಕೇವಲ 2 ಲೈನ್ ಸಿವಿ (CV) ಇದ್ದ ಒಬ್ಬ ಯುವತಿಗೆ ಕೆಲಸ ಕೊಟ್ಟಿದ್ದಾರೆ.
ಆಕೆಗೆ ಮೊದಲು ಎಲ್ಲಿಯೂ ಕೆಲಸ ಮಾಡಿದ ಅನುಭವವೇ ಇರಲಿಲ್ಲ. ಆದ್ರೂ ಅವಳು ಇವತ್ತು ಆ ಕಂಪನಿಯ ಬೆಸ್ಟ್ ಉದ್ಯೋಗಿಗಳಲ್ಲಿ ಒಬ್ಬಳಾಗಿದ್ದಾಳೆ. ಪ್ರತಿಭೆಯನ್ನು ಕೇವಲ ಸರ್ಟಿಫಿಕೇಟ್ ಅಥವಾ ಅಂಕಗಳಿಂದ ಅಳೆಯಬಾರದು, ಒಳ್ಳೆಯ ನಡವಳಿಕೆ ಕೂಡ ಇರಬೇಕು ಅನ್ನೋದಕ್ಕೆ ಈ ಸ್ಟೋರಿ ಒಂದು ಒಳ್ಳೆ ಉದಾಹರಣೆ. ಈ ವಿಷ್ಯ ಸೋಷಿಯಲ್ ಮೀಡಿಯಾದಲ್ಲಿ ಈಗ ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ.
ಸ್ಟೀವನ್ ಬಾರ್ಟ್ಲೆಟ್ ಅನ್ನೋರು ‘ದಿ ಡೈರಿ ಆಫ್ ಎ ಸಿಇಒ’ ಅನ್ನೋ ಫೇಮಸ್ ಪಾಡ್ಕ್ಯಾಸ್ಟ್ ನಡೆಸಿಕೊಡ್ತಾರೆ. ಅವರು ಇತ್ತೀಚೆಗೆ ಲಿಂಕ್ಡ್ಇನ್ನಲ್ಲಿ ಒಂದು ಪೋಸ್ಟ್ ಹಾಕಿದ್ದಾರೆ. ಅದರಲ್ಲಿ ಈ ಇಂಟರೆಸ್ಟಿಂಗ್ ವಿಷ್ಯ ಹಂಚಿಕೊಂಡಿದ್ದಾರೆ.
ಆ ಯುವತಿ ಸಂದರ್ಶನಕ್ಕೆ ಬಂದಾಗ ಆಫೀಸ್ ಬಿಲ್ಡಿಂಗ್ ಒಳಗೆ ಬರೋವಾಗಲೇ ಅಲ್ಲಿರೋ ಸೆಕ್ಯೂರಿಟಿ ಗಾರ್ಡ್ ಹೆಸರನ್ನು ಹಿಡಿದು ಪ್ರೀತಿಯಿಂದ ಮಾತಾಡಿಸಿ, ಥ್ಯಾಂಕ್ಸ್ ಹೇಳಿದ್ದಳಂತೆ. ಆಕೆಯ ಈ ನಮ್ರತೆ ಮತ್ತು ಎಲ್ಲರನ್ನೂ ಗೌರವಿಸುವ ಗುಣ ಸ್ಟೀವನ್ ಅವರಿಗೆ ತುಂಬಾ ಇಷ್ಟ ಆಯ್ತು. ಇವತ್ತಿನ ಕಾಲದಲ್ಲಿ ಎಷ್ಟೋ ಜನ ದೊಡ್ಡವರು ಅಂತ ಅಂದುಕೊಳ್ಳೋರು ಸಣ್ಣ ಕೆಲಸ ಮಾಡೋರನ್ನ ಸರಿಯಾಗಿ ಮಾತಾಡಿಸೋದೇ ಇಲ್ಲ. ಆದ್ರೆ ಈ ಯುವತಿ ತೋರಿಸಿದ ಸಂಸ್ಕಾರವೇ ಆಕೆಗೆ ಪ್ಲಸ್ ಪಾಯಿಂಟ್ ಆಯ್ತು.
ಸಂದರ್ಶನದ ಸಮಯದಲ್ಲಿ ಕೆಲವು ಕಷ್ಟದ ಪ್ರಶ್ನೆಗಳಿಗೆ ಆಕೆಗೆ ಉತ್ತರ ಗೊತ್ತಿರಲಿಲ್ಲ. ಆ ಟೈಮ್ ನಲ್ಲಿ ಅವಳು ಗೊಂದಲ ಮಾಡಿಕೊಳ್ಳದೆ, “ನನಗೆ ಇದರ ಬಗ್ಗೆ ಈಗ ಸರಿಯಾಗಿ ಗೊತ್ತಿಲ್ಲ, ಆದ್ರೆ ಇದನ್ನು ಹೇಗೆ ಕಲಿತುಕೊಳ್ಳಬೇಕು ಅನ್ನೋದು ನನಗೆ ಗೊತ್ತಿದೆ” ಅಂತ ನೇರವಾಗಿ ಹೇಳಿದಳು. ಸುಳ್ಳು ಹೇಳುವ ಬದಲು ಸತ್ಯ ಒಪ್ಪಿಕೊಳ್ಳುವ ಅವಳ ಧೈರ್ಯ ಸ್ಟೀವನ್ ಗೆ ಭರವಸೆ ನೀಡಿತು. ಕೆಲಸದ ಕೌಶಲಗಳನ್ನು ಬೇಕಾದ್ರೆ 15 ದಿನದಲ್ಲಿ ಕಲಿಸಬಹುದು, ಆದ್ರೆ ಇಂತಹ ಪ್ರಾಮಾಣಿಕತೆ ಮತ್ತು ಹೊಸದನ್ನು ಕಲಿಯುವ ಹಸಿವನ್ನು ಕಲಿಸಿಕೊಡಲು ಯಾರಿಂದಲೂ ಸಾಧ್ಯವಿಲ್ಲ ಅನ್ನೋದು ಸ್ಟೀವನ್ ಅವರ ಅಭಿಪ್ರಾಯ.
ಆಕೆ ಕೇವಲ ಸಂದರ್ಶನ ಮುಗಿಸಿ ಮನೆಗೆ ಹೋಗಿ ಸುಮ್ಮನೆ ಕೂರಲಿಲ್ಲ. ತನಗೆ ಗೊತ್ತಿಲ್ಲದ ಪ್ರಶ್ನೆಗಳ ಬಗ್ಗೆ ರಿಸರ್ಚ್ ಮಾಡಿ, ಅವುಗಳಿಗೆ ಪಕ್ಕಾ ಉತ್ತರಗಳನ್ನು ಬರೆದು ಇಮೇಲ್ ಮಾಡಿದಳು. ಅಷ್ಟೇ ಅಲ್ಲದೆ, ತನ್ನನ್ನು ಮಾತಾಡಿಸಿದ ಪ್ರತಿಯೊಬ್ಬರಿಗೂ ಥ್ಯಾಂಕ್ಸ್ ನೋಟ್ ಕಳಿಸಿದಳು. ಈ ಶ್ರದ್ಧೆ ನೋಡಿ ಸ್ಟೀವನ್ ಅವರಿಗೆ ಆಕೆ ಬೇರೆಯವರಿಗಿಂತ ಡಿಫರೆಂಟ್ ಅಂತ ಅನಿಸಿತು. ಅಂತಿಮವಾಗಿ ಆಕೆಗೆ ಕೆಲಸ ಸಿಕ್ಕಿತು.
ಸ್ಟೀವನ್ ಹೇಳೋದು ಒಂದೇ ಮಾತು, ಟೆಕ್ನಿಕಲ್ ಕೆಲಸಗಳನ್ನು ಯಾರು ಬೇಕಾದರೂ ಕಲಿಯಬಹುದು, ಆದ್ರೆ ನಮ್ಮ ಸಂಸ್ಕಾರ ಮತ್ತು ಕ್ಯಾರೆಕ್ಟರ್ ಅಥವಾ ಒಳ್ಳೆಯ ನಡತೆ ನಾವಾಗಿಯೇ ಬೆಳೆಸಿಕೊಳ್ಳಬೇಕು. ಕೆಲಸಕ್ಕೆ ತಗೊಳ್ಳುವಾಗ ಕಂಪನಿಗಳು ಕೇವಲ ಸರ್ಟಿಫಿಕೇಟ್ ನೋಡುವ ಬದಲು ಇಂತಹ ಗುಣಗಳ ಕಡೆಗೂ ಗಮನ ಹರಿಸಬೇಕು. ಆ ಯುವತಿ ಇವತ್ತು ಆ ಕಂಪನಿಯ ಅತ್ಯುತ್ತಮ ಉದ್ಯೋಗಿಯಾಗಿದ್ದಾಳೆ.
ಹಾಗಾಗಿ, ನಿಜವಾದ ಪ್ರತಿಭೆ ಯಾವತ್ತೂ ಮುಚ್ಚಿಡೋಕೆ ಆಗಲ್ಲ ಅಲ್ವಾ? ಎಲ್ಲರನ್ನೂ ಪ್ರೀತಿ ಗೌರವದಿಂದ ಮಾತಾಡಿಸೋದು ನಮ್ಮ ಬದುಕನ್ನೇ ಬದಲಿಸಬಹುದು.
Resume: ಕೇವಲ 2 ಸಾಲಿನ ರೆಸ್ಯೂಮ್ ಇದ್ದರೂ ಯುವತಿಗೆ ಕೆಲಸ ಸಿಕ್ಕಿದ್ದು ಹೇಗೆ? ಉದ್ಯಮಿ ಸ್ಟೀವನ್ ಬಾರ್ಟ್ಲೆಟ್ ಬಿಚ್ಚಿಟ್ಟ ಅಸಲಿ ರಹಸ್ಯ
