12 ಪ್ರಯತ್ನ, 7 ಬಾರಿ ಮೇನ್ಸ್‌ ಎಕ್ಸಾಂ, 5 ಬಾರಿ ಸಂದರ್ಶನ

2024ರಲ್ಲಿ ಯುಪಿಎಸ್‌ಸಿ ಪರೀಕ್ಷೆಯ (UPSC Exam) ಫಲಿತಾಂಶ ಹೊರಬಿದ್ದಾಗ ಒಂದು ಕಡೆ ಗೆದ್ದ ಅಭ್ಯರ್ಥಿಗಳ ಸಂಭ್ರಮ, ಇನ್ನೊಂದೆಡೆ ಕುನಾಲ್ ಆರ್. ವಿರುಲ್ಕರ್ ಅವರ ಹೋರಾಟದ ಕಥೆ ಎಲ್ಲರನ್ನೂ ಅಚ್ಚರಿಗೊಳಿಸಿತು. ಯುಪಿಎಸ್‌ಸಿ (UPSC) ಪರೀಕ್ಷೆ ಪಾಸ್ ಮಾಡಿದ ಸುಮಾರು ಸಾಧಕರ ಬಗ್ಗೆ ನೀವೆಲ್ಲಾ ಕೇಳಿರಬಹುದು. ಐದಾರು ಬಾರಿ ಪರೀಕ್ಷೆ ಬರೆದು ಆಮೇಲೆ ಪಾಸ್ ಮಾಡಿ ಕೊನೆಗೂ ಗೆದ್ದು ಅಧಿಕಾರಿಗಳಾಗಿರುವ ಉದಾಹರಣೆಗಳಿವೆ.

ಇಷ್ಟಾದ್ರೂ ಛಲ ಬಿಡದ ಇವರು 2015ರಲ್ಲಿ ಮತ್ತೆ ಪರೀಕ್ಷೆ ತೆಗೆದುಕೊಂಡು, ಈ ವರ್ಷ ಮೇನ್ಸ್ ಅನ್ನು ಪಾಸ್ ಮಾಡಿದರು, ಆದರೆ ಸಂದರ್ಶನ ಹಂತದಲ್ಲಿ ಕೇವಲ 52 ಅಂಕಗಳಿಂದ ಆಯ್ಕೆಯನ್ನು ಕೈತಪ್ಪಿಸಿಕೊಂಡರು. ಈ ಹಂತ ಅವರನ್ನು ಕುಗ್ಗಿಸಿತಾದರೂ, ಓದುವ ಗೀಳು ಕಡಿಮೆಯಾಗಿರಲಿಲ್ಲ. ಮತ್ತೆ 2016 ಮತ್ತು 2017ರಲ್ಲಿ ಪರೀಕ್ಷೆಗೆ ಕೂತ್ರು. ಆದರೆ ಆಗಲೂ ಸಹ ಪ್ರಿಲಿಮ್ಸ್‌ನಲ್ಲಿ ಅನುತ್ತೀರ್ಣರಾದರು.

ಈ ಜರ್ನಿ ಹೀಗೆ ಮುಂದುವರೆಯುತ್ತಲೇ ಹೋಯ್ತು. ಮತ್ತೆ 2019 ರಲ್ಲಿ ಪ್ರಿಲಿಮ್ಸ್‌ನಲ್ಲಿ ಅನುತ್ತೀರ್ಣರಾದರು. 2020ರಲ್ಲಿ, ಕೊನೆಯ ಹಂತಕ್ಕೆ ಬಂದು ಅಂತಿಮ ಪಟ್ಟಿಯನ್ನು 10 ಅಂಕಗಳಿಂದ ತಪ್ಪಿಸಿಕೊಂಡರು. 2021ರಲ್ಲೂ 16 ಅಂಕಗಳಿಂದ ಅವಕಾಶ ಕೈತಪ್ಪಿತು. ಮತ್ತೆ 2022ರಲ್ಲಿ ಪ್ರಿಲಿಮ್ಸ್‌ನಲ್ಲಿ ಅನುತ್ತೀರ್ಣರಾದ ನಂತರ, ಅವರು 2023ರಲ್ಲಿ ಕೊನೆಯ ಪ್ರಯತ್ನ ಮಾಡಿದರು. ಈ ಪ್ರಯತ್ನದಲ್ಲೂ 9 ಅಂಕಗಳಿಂದ ಅವಕಾಶ ಕೈತಪ್ಪಿತು.

ಹನ್ನೆರಡು ಪ್ರಯತ್ನಗಳು, ಏಳು ಬಾರಿ ಮೇನ್ಸ್ ಎಕ್ಸಾಂ, ಐದು ಬಾರಿ ಸಂದರ್ಶನ, ಇನ್ನೇನು ಆಯ್ತು ಅನ್ನೋಷ್ಟರಲ್ಲಿ ಕಡಿಮೆ ಅಂಕದಿಂದ ತಪ್ಪಿದ ಅವಕಾಶ, ಇವೆಲ್ಲವನ್ನೂ ಜೀವನದ ದೊಡ್ಡ ಪಾಠವಾಗಿ ತೆಗೆದುಕೊಂಡಿದ್ದಾರೆ ಕುನಾಲ್. 2023ರ ಪರೀಕ್ಷೆ ಫಲಿತಾಂಶಗಳು 2024ರಲ್ಲಿ ಪ್ರಕಟವಾದಾಗ, ಕುನಾಲ್ ತಮ್ಮ ಕಥೆಯನ್ನು ಎಲ್ಲರೊಟ್ಟಿಗೆ ಹಂಚಿಕೊಂಡರು. ’12 ಪ್ರಯತ್ನ, 7 ಮೇನ್ಸ್, 5 ಸಂದರ್ಶನ. ಆದ್ರೂ ಸೆಲೆಕ್ಷನ್ ಇಲ್ಲ’ ಎಂದು ವಿರುಲ್ಕರ್ ಬರೆದುಕೊಂಡಿದ್ದಾರೆ.

ಅದರೊಂದಿಗೆ ದೆಹಲಿಯ ಯುಪಿಎಸ್‌ಸಿ ಕೇಂದ್ರ ಕಚೇರಿಯ ಹೊರಗಡೆ ತೆಗೆಸಿಕೊಂಡಿರುವ ತಮ್ಮ ಚಿತ್ರವನ್ನೂ ಅದರಲ್ಲಿ ಪೋಸ್ಟ್ ಮಾಡಿದ್ದಾರೆ. ಬಹುಶಃ ಜೀವನದ ಇನ್ನೊಂದು ಹೆಸರೇ ಹೋರಾಟ ಎಂದು ಅವರು ಹೇಳಿಕೊಂಡಿದ್ದಾರೆ. ಫಲಿತಾಂಶವನ್ನು ಮಾತ್ರವಲ್ಲ, ಪ್ರಯತ್ನವನ್ನು ಕೂಡ ಆಚರಿಸಬೇಕು ಅನ್ನೋದನ್ನು ಇವರ ಜೀವನದಿಂದ ಕಲಿಯಬೇಕು ನೋಡಿ.