Last Updated:
ರಾಜಸ್ಥಾನದ ಮಹೇಶ್ ಕುಮಾರ್ ಅಖಿಲ ಭಾರತ ಮಟ್ಟದಲ್ಲಿ ಟಾಪರ್ ಆಗಿ ಹೊರಹೊಮ್ಮಿದ್ದಾರೆ. ಮಧ್ಯಪ್ರದೇಶದ ಉತ್ಕರ್ಷ್ ಅವಧಿಯಾ ಎರಡನೇ ರ್ಯಾಂಕ್ ಪಡೆದಿದ್ದಾರೆ. ದೆಹಲಿಯ ಅವಿಕಾ ಅಗರ್ವಾಲ್ ಮಹಿಳಾ ವಿಭಾಗದಲ್ಲಿ ಟಾಪರ್ ಆಗಿ ಹೊರಹೊಮ್ಮಿದ್ದು, ಐದನೇ ರ್ಯಾಂಕ್ ಗಳಿಸಿದ್ದಾರೆ.
NEET UG Result 2025: ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ NEET (UG) 2025 ರ ಫಲಿತಾಂಶಗಳನ್ನು ಪ್ರಕಟಿಸಿದ್ದು, ಭಾರತದಾದ್ಯಂತ ಪದವಿಪೂರ್ವ ವೈದ್ಯಕೀಯ ಮತ್ತು ದಂತ ವೈದ್ಯಕೀಯ ಕೋರ್ಸ್ಗಳಿಗೆ (medical and dental courses) ಪ್ರವೇಶಕ್ಕೆ ದಾರಿ ಮಾಡಿಕೊಟ್ಟಿದೆ. ಪರೀಕ್ಷೆ ಬರೆದ 22.09 ಲಕ್ಷ ವಿದ್ಯಾರ್ಥಿಗಳಲ್ಲಿ 12.36 ಲಕ್ಷ ವಿದ್ಯಾರ್ಥಿಗಳು ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದಾರೆ. ಕಳೆದ ವರ್ಷ 13.15 ಲಕ್ಷ ವಿದ್ಯಾರ್ಥಿಗಳು NEET ಪಾಸ್ ಮಾಡಿದ್ದರೆ, ಈ ಬಾರಿ ಅದರ ಪ್ರಮಾಣ ಸ್ವಲ್ಪ ಕಡಿಮೆ ಆಗಿದೆ. 2024 ರಲ್ಲಿ 24.06 ಲಕ್ಷ ವಿದ್ಯಾರ್ಥಿಗಳು ಪರೀಕ್ಷೆಗೆ ನೋಂದಾಯಿಸಿಕೊಂಡಿದ್ದರೆ, ಈ ವರ್ಷ 22.76 ಲಕ್ಷ ವಿದ್ಯಾರ್ಥಿಗಳು ನೋಂದಣಿ ಮಾಡಿಕೊಂಡಿದ್ದರು. ಪರೀಕ್ಷೆಯಿಂದ ತಪ್ಪಿಸಿಕೊಳ್ಳುವ ವಿದ್ಯಾರ್ಥಿಗಳ ಸಂಖ್ಯೆಯೂ ಸಹ ಕಳೆದ ವರ್ಷ 72,000 ಕ್ಕಿಂತ ಹೆಚ್ಚಾಗಿದ್ದು, 2025 ರಲ್ಲಿ ಸುಮಾರು 66,700ಕ್ಕೆ ಇಳಿದಿದೆ.
ಇನ್ನು NEET ಪರೀಕ್ಷೆಯಲ್ಲಿಯೂ ಬಾಲಕರಿಗಿಂತ ಬಾಲಕಿಯರೇ ಮೇಲುಗೈ ಸಾಧಿಸಿದ್ದಾರೆ. ಹಿಂದಿನ ವರ್ಷಗಳಲ್ಲಿ ನೋಡಿದಂತೆ, ಅರ್ಹತಾ ಪಟ್ಟಿಯಲ್ಲಿ ವಿದ್ಯಾರ್ಥಿನಿಯರು ಪುರುಷರಿಗಿಂತ ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ. ಈ ವರ್ಷ 7.22 ಲಕ್ಷಕ್ಕೂ ಹೆಚ್ಚು ಹುಡುಗಿಯರು ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದರೆ, 5.14 ಲಕ್ಷ ಹುಡುಗರು ಉತ್ತೀರ್ಣರಾಗಿದ್ದರು. 2024 ರಲ್ಲಿ, ಈ ಸಂಖ್ಯೆಗಳು ಕ್ರಮವಾಗಿ 7.69 ಲಕ್ಷ ಮತ್ತು 5.46 ಲಕ್ಷ. ಈ ವರ್ಷ ಆರು ಟ್ರಾನ್ಸ್ಜೆಂಡರ್ ಅಭ್ಯರ್ಥಿಗಳು ಸಹ ಅರ್ಹತೆ ಪಡೆದಿದ್ದಾರೆ.
ಮೊದಲ RANK ಪಡೆದ ಮಹೇಶ್ ಕುಮಾರ್
ರಾಜಸ್ಥಾನದ ಮಹೇಶ್ ಕುಮಾರ್ ಅಖಿಲ ಭಾರತ ಮಟ್ಟದಲ್ಲಿ ಟಾಪರ್ ಆಗಿ ಹೊರಹೊಮ್ಮಿದ್ದಾರೆ. ಮಧ್ಯಪ್ರದೇಶದ ಉತ್ಕರ್ಷ್ ಅವಧಿಯಾ ಎರಡನೇ ರ್ಯಾಂಕ್ ಪಡೆದಿದ್ದಾರೆ. ದೆಹಲಿಯ ಅವಿಕಾ ಅಗರ್ವಾಲ್ ಮಹಿಳಾ ವಿಭಾಗದಲ್ಲಿ ಟಾಪರ್ ಆಗಿ ಹೊರಹೊಮ್ಮಿದ್ದು, ಐದನೇ ರ್ಯಾಂಕ್ ಗಳಿಸಿದ್ದಾರೆ.
ಉತ್ತರ ಪ್ರದೇಶವು ಸತತ ಎರಡನೇ ವರ್ಷವೂ ಅತಿ ಹೆಚ್ಚು ಅರ್ಹತೆ ಪಡೆದ ಅಭ್ಯರ್ಥಿಗಳನ್ನು ದಾಖಲಿಸಿದ್ದು, 1.70 ಲಕ್ಷ ವಿದ್ಯಾರ್ಥಿಗಳು ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದಾರೆ. ಕಳೆದ ವರ್ಷ 1.65 ಲಕ್ಷ ಇದ್ದು, ಈ ಬಾರಿ ಜಾಸ್ತಿಯಾಗಿರೋದು ವಿಶೇಷ.
ವಿಜಯಪುರದ ನಿಖಿಲ್ ಸೊನ್ನದ್ 17ನೇ RANK
- ಮಹಾರಾಷ್ಟ್ರ: 1.25 ಲಕ್ಷ ಅರ್ಹತೆ (1.42 ಲಕ್ಷದಿಂದ ಇಳಿಕೆ)
- ರಾಜಸ್ಥಾನ: 1.19 ಲಕ್ಷ (1.21 ಲಕ್ಷದಿಂದ ಸ್ವಲ್ಪ ಕಡಿಮೆ)
- ಬಿಹಾರ: 80,954 (74,716 ರಿಂದ ಏರಿಕೆ)
- ಕರ್ನಾಟಕ: 83,582 (88,887 ರಿಂದ ಇಳಿಕೆ)
- ತಮಿಳುನಾಡು: 76,181 (89,198 ರಿಂದ ಇಳಿಕೆ)
- ಮಧ್ಯಪ್ರದೇಶ: 60,346 (ಕಳೆದ ವರ್ಷದಷ್ಟೇ)
- ದೆಹಲಿ: 40,331 (61,199 ರಿಂದ ತೀವ್ರ ಕುಸಿತ)
- ಪಶ್ಚಿಮ ಬಂಗಾಳ: 59,018 (63,251 ರಿಂದ ಇಳಿಕೆ)
- ತೆಲಂಗಾಣ: 41,584 (47,356 ರಿಂದ ಇಳಿಕೆ)
- ಪಂಜಾಬ್: 26,394 (15,717 ರಿಂದ ದೊಡ್ಡ ಜಿಗಿತ)
ಇತ್ತ ಕರ್ನಾಟಕದ ವಿಜಯಪುರದ ವಿದ್ಯಾರ್ಥಿಗೆ ರಾಷ್ಟ್ರ ಮಟ್ಟದಲ್ಲಿ 17 ನೇ ಹಾಗೂ ರಾಜ್ಯಕ್ಕೆ ಮೊದಲ ರ್ಯಾಂಕ್ ಪಡೆದಿದ್ದಾನೆ. ವಿಜಯಪುರ ನಗರದ ನಿಖಿಲ್ ಸೊನ್ನದ ರಾಷ್ಟ್ರಕ್ಕೆ 17ನೇ ರ್ಯಾಂಕ್ ಹಾಗೂ ರಾಜ್ಯಕ್ಕೆ ಪ್ರಥಮ ರ್ಯಾಂಕ್ ಪಡೆದಿದ್ದಾರೆ. ಮಂಗಳೂರು ಎಕ್ಸ್ಫರ್ಟ್ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿಯಾಗಿರೋ ನಿಖಿಲ್ ಸೊನ್ನದ, ನೀಟ್ ನಲ್ಲಿ 720 ಅಂಕಗಳಿಗೆ 670 ಅಂಕ ಪಡೆದಿದ್ದಾರೆ. ವಿಜಯಪುರ ನಗರದ ಸಂಜೀವಿನಿ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆ ವೈದ್ಯ ಡಾ.ಸಿದ್ದಪ್ಪ ಸೊನ್ನದ ಮತ್ತು ಡಾ.ಮೀನಾಕ್ಷಿ ಸೊನ್ನದ ಅವರ ಪುತ್ರನಾಗಿದ್ದು, ವಿಜಯಪುರ ಸೈನಿಕ್ ಶಾಲೆಯ ವಿದ್ಯಾರ್ಥಿಯಾಗಿದ್ದ. ಇದೀಗ ನಿಖಿಲ್ ಸಾಧನೆಗೆ ಶುಭಾಶಯಗಳ ಮಹಾಪೂರವೇ ಹರಿದು ಬಂದಿದೆ.
June 14, 2025 8:13 PM IST
