ಯುಪಿಎಸ್‌ಸಿ ಪರೀಕ್ಷೆಯಲ್ಲಿ ಮೂರು ಬಾರಿ ವಿಫಲರಾಗಿ ನಾಲ್ಕನೇ ಬಾರಿ ಜಯಭೇರಿ ಬಾರಿಸಿದ ಆದಿತ್ಯ ಝಾ ಯಾರು?

ಬಿಹಾರದ ಆದಿತ್ಯ ಝಾ ಯುಪಿಎಸ್‌ಸಿ ಪರೀಕ್ಷೆಯಲ್ಲಿ ತೇರ್ಗಡೆ ಹೊಂದಬೇಕೆಂಬ ಅದಮ್ಯ ಆಸೆಯನ್ನಿಟ್ಟುಕೊಂಡು ಸಾಕಷ್ಟು ಬಾರಿ ಪ್ರಯತ್ನಪಟ್ಟ ಅಭ್ಯರ್ಥಿಯಾಗಿದ್ದಾರೆ. ಮೂರು ಬಾರಿ ಪ್ರಯತ್ನಿಸಿದರೂ ವಿಜಯಲಕ್ಷ್ಮೀ ಅವರಿಗೆ ಒಲಿಯಲಿಲ್ಲ ಆದರೆ ತಮ್ಮ ಪ್ರಯತ್ನ ಬಿಡದ ಝಾ ನಾಲ್ಕನೇ ಬಾರಿ ಪರೀಕ್ಷೆ ಬರೆದರು ಹಾಗೂ ಉತ್ತೀರ್ಣರಾಗಿ ಜಯಭೇರಿ ಬಾರಿಸಿದರು. ಝಾ ತಮ್ಮೂರಿನ ಯುವಕರಿಗೆ ಮಾದರಿಯಾಗಿದ್ದು, ಸತತವಾಗಿ ಪ್ರಯತ್ನಪಟ್ಟರೆ ಗೆಲುವು ನಮ್ಮದಾಗುತ್ತದೆ ಎಂಬುದನ್ನು ತೋರಿಸಿದ್ದಾರೆ.

ಆದಿತ್ಯ ಝಾ, ಬಿಹಾರದ ಕಿಶನ್‌ಗಂಜ್ ಜಿಲ್ಲೆಯ ಖಾನಬಾದಿ ಎಂಬ ಸಣ್ಣ ಹಳ್ಳಿಯವರು. ಅವರು 2024 ರ ಯುಪಿಎಸ್‌ಸಿ ನಾಗರಿಕ ಸೇವೆಗಳ ಪರೀಕ್ಷೆಯಲ್ಲಿ 58 ನೇ ರ‍್ಯಾಂಕ್ ಗಳಿಸಿದರು. ಆದಿತ್ಯ ಝಾ ಅವರ ಯಶಸ್ಸಿನ ಕಥೆಯು ಸಣ್ಣ ಮತ್ತು ದೂರದ ಹಳ್ಳಿಗಳಿಗೆ ಸೇರಿದ ಆಕಾಂಕ್ಷಿಗಳಿಗೆ ಬಹಳ ಸ್ಪೂರ್ತಿದಾಯಕವಾಗಿದೆ ಹಾಗೂ ಸೋಲಿನಿಂದ ಕಂಗೆಟ್ಟವರಿಗೆ ಹೇಗೆ ಪ್ರಯತ್ನಪಡಬೇಕೆಂಬ ಮಾರ್ಗದರ್ಶನ ನೀಡುತ್ತದೆ.

ಅವರು ಬಿಹಾರದ ಪುರ್ನಿಯಾದ ಉರ್ಸುಲಿನ್ ಕಾನ್ವೆಂಟ್ ಶಾಲೆಯಲ್ಲಿ ತಮ್ಮ ಆರಂಭಿಕ ಶಿಕ್ಷಣವನ್ನು ಪೂರ್ಣಗೊಳಿಸಿದರು, ನಂತರ ಅವರು ಪೂರ್ಣಿಯಾದ ಡಿಎವಿ ಶಾಲೆಯಲ್ಲಿ ಮೆಟ್ರಿಕ್ ವರೆಗೆ ಮತ್ತು ಬಿಹಾರದ ವಿಜೇಂದ್ರ ಪಬ್ಲಿಕ್ ಶಾಲೆಯಲ್ಲಿ 12 ನೇ ತರಗತಿಯನ್ನು ಪೂರ್ಣಗೊಳಿಸಿದರು. ಅವರು ಎರಡು ಬಾರಿ ಐಐಟಿ ಪ್ರವೇಶ ಪರೀಕ್ಷೆಯಲ್ಲಿ ಉತ್ತೀರ್ಣರಾದರು ಮತ್ತು ಐಎಂಎಸ್ ಧನ್ಬಾದ್‌ನಿಂದ ಕಂಪ್ಯೂಟರ್ ಸೈನ್ಸ್‌ನಲ್ಲಿ ಬಿ.ಟೆಕ್ ಪದವಿ ಪಡೆದರು.

ಆದಿತ್ಯ ಝಾ ವಿದ್ಯಾವಂತ ಕುಟುಂಬದಿಂದ ಬಂದವರು. ಅವರ ತಂದೆ ಪ್ರೊ. ವಿಷ್ಣುಕಾಂತ್ ಝಾ ಸುಶೀಲಾ ಹರಿ ಮಹಾವಿದ್ಯಾಲಯ ತುಳಸಿಯಾದಲ್ಲಿ ಪ್ರಾಧ್ಯಾಪಕರಾಗಿದ್ದಾರೆ ಮತ್ತು ಅವರ ತಾಯಿ ಮಧು ಝಾ ಐಸಿಡಿಎಸ್ ವಿಭಾಗದಲ್ಲಿ ಮೇಲ್ವಿಚಾರಕರಾಗಿದ್ದಾರೆ.

ಝಾ ಯುಪಿಎಸ್‌ಸಿ ಪರೀಕ್ಷೆಗೆ ತಯಾರಿ ಮಾಡುವ ಮುನ್ನ ಸ್ಯಾಮ್‌ಸಂಗ್‌ ಕಂಪನಿಯಲ್ಲಿ ಹಿರಿಯ ಎಂಜಿನಿಯರ್ ಆಗಿ ಮೂರು ವರ್ಷಗಳ ಕಾಲ ಕೆಲಸ ಮಾಡಿದರು. ಸಂಸ್ಥೆಯಲ್ಲಿ ಉತ್ತಮ ಸಂಬಳವಿದ್ದರೂ ದೇಶಕ್ಕಾಗಿ ಏನಾದರೂ ಸೇವೆ ಸಲ್ಲಿಸಬೇಕೆಂಬ ನಿಟ್ಟಿನಲ್ಲಿ ಯುಪಿಎಸ್‌ಸಿ ಪರೀಕ್ಷೆಗೆ ತಯಾರಿ ಆರಂಭಿಸಿದರು. ಉತ್ತಮ ಸಂಬಳದ ಕೆಲಸ ತೊರೆದು ಪರೀಕ್ಷೆಗೆ ಸಿದ್ಧತೆ ನಡೆಸಿದರು. ಝಾ ಅವರಿಗೆ ಒಮ್ಮೆಗೆ ಜಯ ದೊರೆಯಲಿಲ್ಲ, ಯುಪಿಎಸ್‌ಸಿಯಲ್ಲಿ ಮೂರು ಬಾರಿ ವಿಫಲರಾದರು