Last Updated:
RIE Mysore Recruitment 2025: ಶಿಕ್ಷಣ ಕ್ಷೇತ್ರದಲ್ಲಿ ಆಸಕ್ತಿ ಹೊಂದಿರುವ ಮತ್ತು ಸಮಾಜಮುಖಿ ಯೋಜನೆಗಳಲ್ಲಿ ಕೆಲಸ ಮಾಡಲು ಬಯಸುವವರಿಗೆ ಆರ್ಐಇ ಮೈಸೂರು ನೀಡಿರುವ ಹೊಸ ಅವಕಾಶ ಗಮನ ಸೆಳೆಯುತ್ತಿದೆ. ಎನ್ಸಿಇಆರ್ಟಿ ಘಟಕವಾಗಿರುವ ಪ್ರಾದೇಶಿಕ ಶಿಕ್ಷಣ ಸಂಸ್ಥೆ 2025ರ ನವೆಂಬರ್ 20ರಂದು ವಿವಿಧ ಯೋಜನೆಗಳ ಅಡಿಯಲ್ಲಿ ವಿವಿಧ ಹುದ್ದೆಗಳಿಗೆ ನೇರ ಸಂದರ್ಶನ ಆಯೋಜಿಸಿದ್ದು, ನೇಮಕಾತಿಯ ವಿವರ ಇಲ್ಲಿದೆ:
RIE Mysore Recruitment 2025: ಶಿಕ್ಷಣ (Education) ಕ್ಷೇತ್ರದಲ್ಲಿ ಆಸಕ್ತಿ ಹೊಂದಿರುವ ಮತ್ತು ಸಮಾಜಮುಖಿ ಯೋಜನೆಗಳಲ್ಲಿ ಕೆಲಸ ಮಾಡಲು ಬಯಸುವವರಿಗೆ ಆರ್ಐಇ ಮೈಸೂರು (RIE Mysore) ನೀಡಿರುವ ಹೊಸ ಅವಕಾಶ ಗಮನ ಸೆಳೆಯುತ್ತಿದೆ. ಎನ್ಸಿಇಆರ್ಟಿ (NCERT) ಘಟಕವಾಗಿರುವ ಪ್ರಾದೇಶಿಕ ಶಿಕ್ಷಣ ಸಂಸ್ಥೆ 2025ರ ನವೆಂಬರ್ 20 ರಂದು ವಿವಿಧ ಯೋಜನೆಗಳ ಅಡಿಯಲ್ಲಿ 15 ಗುತ್ತಿಗೆ ಹುದ್ದೆಗಳಿಗೆ ನೇರ ಸಂದರ್ಶನ ಆಯೋಜಿಸಿದೆ. ಯಾವುದೇ ಆನ್ಲೈನ್ ಅರ್ಜಿ ಅಗತ್ಯವಿಲ್ಲ, ಅಭ್ಯರ್ಥಿಗಳು ನಿಗದಿತ ದಿನಾಂಕದಲ್ಲಿ ಹಾಜರಾಗಿ ಸಂದರ್ಶನದಲ್ಲಿ ಪಾಲ್ಗೊಳ್ಳಬಹುದು.
ಈ ನೇಮಕಾತಿ ಸಂಪೂರ್ಣವಾಗಿ ಗುತ್ತಿಗೆ ಆಧಾರಿತವಾಗಿದ್ದು, ಹುದ್ದೆಗಳ ಅವಧಿ ಒಂದು ವರ್ಷ ಅಥವಾ ಯೋಜನೆ ಮುಕ್ತಾಯದವರೆಗೆ ಮಾನ್ಯ. ಸಂದರ್ಶನ ಬೆಳಗ್ಗೆ 10 ಗಂಟೆಯಿಂದ ಸಂಜೆ 4 ಗಂಟೆಯವರೆಗೆ ನಡೆಯಲಿದ್ದು, ಸ್ಥಳ ಆರ್ಐಇ ಮೈಸೂರು ಕ್ಯಾಂಪಸ್. ಅಭ್ಯರ್ಥಿಗಳು ತಮ್ಮ ಮೂಲ ದಾಖಲೆಗಳ ಜೊತೆಗೆ ಜೆರಾಕ್ಸ್ ಪ್ರತಿಗಳನ್ನು ತರಬೇಕು. ಯಾವುದೇ ಅರ್ಜಿ ಶುಲ್ಕ ವಿಧಿಸಲಾಗುವುದಿಲ್ಲ ಮತ್ತು ಆಯ್ಕೆ ಸಂಪೂರ್ಣವಾಗಿ ಸಂದರ್ಶನದ ಆಧಾರದ ಮೇಲೆ ನಡೆಯಲಿದೆ.
ಒಟ್ಟು 15 ಹುದ್ದೆಗಳ ವಿವರ ಹೀಗಿದೆ:
- ವೈದ್ಯಾಧಿಕಾರಿ (ಪಾರ್ಟ್ ಟೈಮ್) – 1
- ಔಷಧಶಾಸ್ತ್ರಜ್ಞ – 1
- ಕಿರಿಯ ಲೆಕ್ಕಿಗ – 2
- ಫೀಲ್ಡ್ ಇನ್ವೆಸ್ಟಿಗೇಟರ್ (PAC 25.02) – 8
- ಫೀಲ್ಡ್ ಇನ್ವೆಸ್ಟಿಗೇಟರ್ – 3
ಇವುಗಳ ಕಾರ್ಯ ಜನಜಾಗೃತಿ ಕಾರ್ಯಕ್ರಮಗಳು, ಡೇಟಾ ಸಂಗ್ರಹಣೆ, ಆರೋಗ್ಯ ಸೇವೆಗಳು, ಹಣಕಾಸು ನಿರ್ವಹಣೆ ಮತ್ತು ಶೈಕ್ಷಣಿಕ ಯೋಜನೆಗಳನ್ನು ಒಳಗೊಂಡಿರುತ್ತವೆ.
- ವೈದ್ಯಾಧಿಕಾರಿ ಹುದ್ದೆಯ ವಿವರ
ವೈದ್ಯಾಧಿಕಾರಿ ಹುದ್ದೆಗೆ ಎಂಬಿಬಿಎಸ್ ಪದವಿ ಮತ್ತು ರಾಜ್ಯ ವೈದ್ಯಕೀಯ ಮಂಡಳಿಯ ನೋಂದಣಿ ಕಡ್ಡಾಯ. ಮಹಿಳಾ ವೈದ್ಯರಿಗೆ ಆದ್ಯತೆ ನೀಡಲಾಗುತ್ತದೆ. ವಾರದಲ್ಲಿ ಆರು ದಿನಗಳು, ದಿನಕ್ಕೆ ಆರು ಗಂಟೆಗಳ ಕೆಲಸ. ವೇತನ ತಿಂಗಳಿಗೆ 25,000 ರೂಪಾಯಿ. ಸಂದರ್ಶನ ಬೆಳಗ್ಗೆ 10 ಗಂಟೆಗೆ. ವಯೋಮಿತಿ 62 ವರ್ಷಗಳಿಗಿಂತ ಕಡಿಮೆ.
ಡಿ ಫಾರ್ಮ್ ಅಥವಾ ಬಿ ಫಾರ್ಮ್ ಪದವಿ ಹೊಂದಿದ್ದು, ರಾಜ್ಯ ಔಷಧಶಾಸ್ತ್ರ ಮಂಡಳಿಯ ನೋಂದಣಿ ಅಗತ್ಯ. ಎರಡು ವರ್ಷದ ಆಸ್ಪತ್ರೆ ಅನುಭವ ಇರುವ ಅಭ್ಯರ್ಥಿಗಳಿಗೆ ಆದ್ಯತೆ. ತಿಂಗಳಿಗೆ 46,000 ರೂಪಾಯಿ ವೇತನ. ಸಂದರ್ಶನ ಮಧ್ಯಾಹ್ನ 11 ಗಂಟೆಗೆ. ವಯೋಮಿತಿ 62 ವರ್ಷಗಳಿಗಿಂತ ಕಡಿಮೆ.
ಕಿರಿಯ ಲೆಕ್ಕಿಗ ಹುದ್ದೆಗೆ ಬಿ ಕಾಂ ಅಥವಾ ಸಮಾನ ಪದವಿ ಅಗತ್ಯ. ಹಣಕಾಸು ನಿರ್ವಹಣೆ ಮತ್ತು ಲೆಕ್ಕಪತ್ರದ ಜ್ಞಾನ ಮುಖ್ಯ. ವೇತನ ತಿಂಗಳಿಗೆ 55,000 ರೂಪಾಯಿ. ಸಂದರ್ಶನ ಮಧ್ಯಾಹ್ನ 2.30ಕ್ಕೆ. ವಯೋಮಿತಿ 30 ವರ್ಷಗಳ ಒಳಗೆ.
ಈ ವಿಭಾಗದಲ್ಲಿ ಎಂಟು ಹುದ್ದೆಗಳಿದ್ದು, ಸಮಾಜಶಾಸ್ತ್ರ ಅಥವಾ ಸಾಮಾಜಿಕ ಕೆಲಸದಲ್ಲಿ ಮಾಸ್ಟರ್ಸ್ ಪದವಿ ಹೊಂದಿರಬೇಕು. ತೆಲುಗು ಭಾಷೆಯ ಓದು-ಬರಹ ತಿಳಿದಿರಬೇಕು. ಯೋಜನೆ ಆಂಧ್ರಪ್ರದೇಶ ಮತ್ತು ತೆಲಂಗಾಣ ಪ್ರದೇಶಗಳನ್ನು ಒಳಗೊಂಡಿದೆ. ದಿನಕ್ಕೆ 1000 ರೂಪಾಯಿ ವೇತನ. ಸಂದರ್ಶನ ಮಧ್ಯಾಹ್ನ 3.30ಕ್ಕೆ. ವಯೋಮಿತಿ 40 ವರ್ಷಗಳ ಒಳಗೆ.
ಸಾಮಾಜಿಕ ವಿಜ್ಞಾನಗಳಲ್ಲಿ ಕನಿಷ್ಠ 55 ಪ್ರತಿಶತ ಅಂಕಗಳೊಂದಿಗೆ ಮಾಸ್ಟರ್ಸ್ ಪದವಿ ಅಗತ್ಯ. ದಕ್ಷಿಣ ಭಾರತೀಯ ಭಾಷೆಗಳ ಜ್ಞಾನ ಹೊಂದಿದವರಿಗೆ ಆದ್ಯತೆ. ತಿಂಗಳಿಗೆ 20,000 ವೇತನ. ಸಂದರ್ಶನ ಸಂಜೆ 4 ಗಂಟೆಗೆ. ವಯೋಮಿತಿ 40 ವರ್ಷಗಳ ಒಳಗೆ.
ಸಂದರ್ಶನಕ್ಕೆ ತರಬೇಕಾದ ದಾಖಲೆಗಳು:
- ಶೈಕ್ಷಣಿಕ ಪ್ರಮಾಣಪತ್ರಗಳು
- ಅನುಭವ ಪತ್ರ
- ಜನ್ಮದಾಖಲೆ ಅಥವಾ ಗುರುತಿನ ಚೀಟಿ
- ಪಾಸ್ಪೋರ್ಟ್ ಗಾತ್ರದ ಫೋಟೋಗಳು
- ಜೆರಾಕ್ಸ್ ಪ್ರತಿಗಳು ಮತ್ತು ಮೂಲ ದಾಖಲೆಗಳು
- ಯಾವುದೇ ಟಿಎ/ಡಿಎ ನೀಡಲಾಗುವುದಿಲ್ಲ. ಸಮಯಕ್ಕೆ ಸರಿಯಾಗಿ ಹಾಜರಾಗುವುದು ಅವಶ್ಯಕ.
ಆರ್ಐಇ ಮೈಸೂರಿನ ಈ ನೇಮಕಾತಿ ಶಿಕ್ಷಣ ಕ್ಷೇತ್ರ, ಆರೋಗ್ಯ ಸೇವೆಗಳು ಮತ್ತು ಸಾಮಾಜಿಕ ಸಂಶೋಧನೆಗಳಲ್ಲಿ ಕೆಲಸ ಮಾಡಲು ಬಯಸುವವರಿಗೆ ಉತ್ತಮ ಅವಕಾಶ. ಗುತ್ತಿಗೆ ಆಧಾರದ ವೇತನ ಆಕರ್ಷಕವಾಗಿದ್ದು, ನೇರ ಸಂದರ್ಶನ ವ್ಯವಸ್ಥೆ ಅರ್ಜಿ ಪ್ರಕ್ರಿಯೆಯನ್ನು ಸರಳಗೊಳಿಸಿದೆ. ಈ ಅವಕಾಶವನ್ನು ಬಳಸಿಕೊಂಡು ವೃತ್ತಿಜೀವನಕ್ಕೆ ಹೊಸ ದಿಕ್ಕನ್ನು ನೀಡಬಹುದು.
Mysore,Karnataka
November 15, 2025 8:23 PM IST
