ಭಾರತೀಯ ಹವಾಮಾನ ಇಲಾಖೆಯಲ್ಲಿ

Last Updated:November 19, 2025 5:03 PM IST

IMD Recruitment 2025: ಭಾರತೀಯ ಹವಾಮಾನ ಇಲಾಖೆಯು ಮಿಷನ್ ಮೌಸಮ್ ಯೋಜನೆಯಡಿ 134 ಯೋಜನಾ ವಿಜ್ಞಾನಿ, ವೈಜ್ಞಾನಿಕ ಸಹಾಯಕ ಮತ್ತು ಆಡಳಿತ ಸಹಾಯಕ ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಿದೆ. MSc, BE/BTech ಪದವೀಧರರು ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದು. ಅರ್ಹ ಅಭ್ಯರ್ಥಿಗಳು ಡಿಸೆಂಬರ್ 14 ರೊಳಗೆ ಅರ್ಜಿ ಸಲ್ಲಿಸಬೇಕು. ಹಾಗಾಗಿ, ನೇಮಕಾತಿಯ ಕುರಿತ ಸಂಪೂರ್ಣ ವಿವರ ಇಲ್ಲಿದೆ:

IMD Recruitment 2025: ಭಾರತದ ಹವಾಮಾನ ವಿಜ್ಞಾನ ಕ್ಷೇತ್ರದ ಅತ್ಯಂತ ಪ್ರತಿಷ್ಠಿತ ಸಂಸ್ಥೆಯಾದ ಇಂಡಿಯಾ ಮೆಟಿಯೊರಾಲಾಜಿಕಲ್ ಡಿಪಾರ್ಟ್‌ಮೆಂಟ್ (India Meteorological Department) ಮಿಷನ್ ಮೌಸಮ್ ಯೋಜನೆಯಡಿ (Mission Mausam Scheme) ಬೃಹತ್ ನೇಮಕಾತಿ ಪ್ರಕ್ರಿಯೆ ಘೋಷಿಸಿದೆ. ಪ್ರಾಜೆಕ್ಟ್ ಸೈಂಟಿಸ್ಟ್ (E, III, II, I) ಹಾಗೂ ಸೈಂಟಿಫಿಕ್ ಅಸಿಸ್ಟೆಂಟ್ ಹುದ್ದೆಗಳಿಗೆ ಒಟ್ಟು 141 ಹೆಚ್ಚು ಖಾಲಿ ಇದೆ. ಹವಾಮಾನ (Weather) ಆಧಾರಿತ ಕೃಷಿ ಸಲಹೆ, ಡಾಪ್ಲರ್ ರಾಡಾರ್, ಸ್ಯಾಟಲೈಟ್ ಮೆಟಿಯೊರಾಲಜಿ, ಪೋಲಾರ್ ಮೆಟಿಯೊರಾಲಜಿ, ಹೈಡ್ರೋ ಮೆಟಿಯೊರಾಲಜಿ ಮತ್ತು ಕ್ಲೈಮೇಟ್ ಸರ್ವೀಸಸ್‌ನಂತಹ ಅತ್ಯಾಧುನಿಕ ಕ್ಷೇತ್ರಗಳಲ್ಲಿ ಕೆಲಸ ಮಾಡುವ ಸುವರ್ಣಾವಕಾಶ ಇದಾಗಿದೆ. ಆನ್‌ಲೈನ್ ಅರ್ಜಿ ನವೆಂಬರ್ 24, 2025 ರಿಂದ ಪ್ರಾರಂಭವಾಗಲಿದ್ದು, ಕೊನೆಯ ದಿನಾಂಕ ಡಿಸೆಂಬರ್ 14, 2025. ಆಸಕ್ತ ಅಭ್ಯರ್ಥಿಗಳು https://mausam.imd.gov.in ವೆಬ್‌ಸೈಟ್‌ನಲ್ಲಿ ಅರ್ಜಿ ಸಲ್ಲಿಸಬಹುದು.

ಒಟ್ಟು ಹುದ್ದೆಗಳು:

ಪ್ರಾಜೆಕ್ಟ್ ಸೈಂಟಿಸ್ಟ್ E (1 ಹುದ್ದೆ)
ಪ್ರಾಜೆಕ್ಟ್ ಸೈಂಟಿಸ್ಟ್ III (13 ಹುದ್ದೆಗಳು)
ಪ್ರಾಜೆಕ್ಟ್ ಸೈಂಟಿಸ್ಟ್ II (31 ಹುದ್ದೆಗಳು)
ಪ್ರಾಜೆಕ್ಟ್ ಸೈಂಟಿಸ್ಟ್ I (69 ಹುದ್ದೆಗಳು)
ಸೈಂಟಿಫಿಕ್ ಅಸಿಸ್ಟೆಂಟ್ (25 ಹುದ್ದೆಗಳು)
ಅಡ್ಮಿನ್ ಅಸಿಸ್ಟೆಂಟ್ (2 ಹುದ್ದೆಗಳು)
ಒಟ್ಟು 141 ಹೆಚ್ಚು ಹುದ್ದೆ

ಈ ಎಲ್ಲ ಹುದ್ದೆಗಳೂ ಒಪ್ಪಂದ ಆಧಾರಿತವಾಗಿದ್ದು, ಆರಂಭಿಕ ಅವಧಿ ಒಂದು ವರ್ಷ, ಮಾರ್ಚ್ 31, 2026ರವರೆಗೆ ವಿಸ್ತರಣೆ ಸಾಧ್ಯ. ಕಾರ್ಯಕ್ಷಮತೆ ಆಧಾರದ ಮೇಲೆ ಮಾತ್ರ ಮುಂದುವರಿಸಲಾಗುವುದು.

ವೇತನ ಶ್ರೇಣಿ:

Project Scientist E: ರೂ.123,100/- ಪ್ಲಸ್ HRA (ಅನಿಭವ ಆಧಾರಿತ ಇಂಕ್ರಿಮೆಂಟ್ 5% ಪ್ರತಿ 2 ವರ್ಷಕ್ಕೆ).
Project Scientist III: ರೂ.78,000/- ಪ್ಲಸ್ HRA.
Project Scientist II: ರೂ.67,000/- ಪ್ಲಸ್ HRA.
Project Scientist I: ರೂ.56,000/- ಪ್ಲಸ್ HRA.
Scientific Assistant/Admin Assistant: ರೂ.29,200/- ಪ್ಲಸ್ HRA. ಎಲ್ಲರಿಗೂ ಅನುಭವ ಆಧಾರಿತ increments ಉಂಟು.

ಪೋಸ್ಟಿಂಗ್: Delhi/Pune ಅಥವಾ ದೇಶದ ಯಾವುದೇ ಸ್ಥಳ.

ಅರ್ಹತೆ ಮತ್ತು ಅನುಭವದ ಮುಖ್ಯ ಅಂಶಗಳು

ಎಲ್ಲ ಹುದ್ದೆಗಳಿಗೂ ಎಂಎಸ್ಸಿ ಫಿಸಿಕ್ಸ್/ಮೆಟಿಯೊರಾಲಜಿ/ಅಟ್ಮಾಸ್ಫಿಯರಿಕ್ ಸೈನ್ಸ್/ಎಲೆಕ್ಟ್ರಾನಿಕ್ಸ್/ಕಂಪ್ಯೂಟರ್ ಸೈನ್ಸ್‌ನಲ್ಲಿ ಕನಿಷ್ಠ 60% ಅಂಕಗಳೊಂದಿಗೆ ಪದವಿ ಅಥವಾ ಬಿಇ/ಬಿ.ಟೆಕ್ ಅಗತ್ಯ. ಡಾಕ್ಟರೇಟ್ ಅಥವಾ ಎಂಟೆಕ್ ಇದ್ದರೆ ಆದ್ಯತೆ. ಇನ್ನು ಅನುಭವದ ವಿಷಯಕ್ಕೆ ಬಂದ್ರೆ ಸೈಂಟಿಸ್ಟ್ Eಗೆ 11 ವರ್ಷ, IIIಗೆ 7 ವರ್ಷ, IIಗೆ 3 ವರ್ಷ, Iಗೆ ಅನುಭವ ಅಗತ್ಯವಿಲ್ಲ. ಹೈ ಪರ್ಫಾರ್ಮೆನ್ಸ್ ಕಂಪ್ಯೂಟಿಂಗ್, FORTRAN, GrADS, NetCDF, GIS, ರಿಮೋಟ್ ಸೆನ್ಸಿಂಗ್, ಕ್ರಾಪ್ ಮಾಡೆಲಿಂಗ್, ಡಾಪ್ಲರ್ ರಾಡಾರ್, ಸ್ಯಾಟಲೈಟ್ ಡೇಟಾ ಪ್ರಾಸೆಸಿಂಗ್‌ನಂತಹ ಕೌಶಲಗಳಿರುವವರಿಗೆ ವಿಶೇಷ ಆದ್ಯತೆ.

ಆಯ್ಕೆ ಪ್ರಕ್ರಿಯೆ:

ಅರ್ಜಿಗಳ ಸಂಖ್ಯೆ ಹೆಚ್ಚಿದ್ದಲ್ಲಿ ಸ್ಕ್ರೀನಿಂಗ್ ನಡೆಸಿ ಶಾರ್ಟ್‌ಲಿಸ್ಟ್ ಮಾಡಲಾಗುವುದು. ಅಂತಿಮವಾಗಿ ಸಂದರ್ಶನದ ಮೂಲಕ ಆಯ್ಕೆ. ಅರ್ಜಿ ಸಲ್ಲಿಸುವಾಗ ಎಲ್ಲ ದಾಖಲೆಗಳ ಸೆಲ್ಫ್ ಅಟೆಸ್ಟೆಡ್ ಕಾಪಿಗಳನ್ನು ಅಪ್‌ಲೋಡ್ ಮಾಡಬೇಕು. ಸಂದರ್ಶನಕ್ಕೆ ಆಯ್ಕೆಯಾದವರ ಪಟ್ಟಿ ವೆಬ್‌ಸೈಟ್‌ನಲ್ಲಿ ಪ್ರಕಟವಾಗುತ್ತದೆ. ಯಾವುದೇ ಟಿಎ/ಡಿಎ ನೀಡುವುದಿಲ್ಲ.

ಅರ್ಜಿ ಸಲ್ಲಿಸುವ ವಿಧಾನ ಮತ್ತು ಮುಖ್ಯ ದಿನಾಂಕಗಳು

ಆನ್‌ಲೈನ್ ಅರ್ಜಿ ಮಾತ್ರ ಸ್ವೀಕಾರ. ಅರ್ಜಿ ಲಿಂಕ್ ನವೆಂಬರ್ 24, 2025ರಿಂದ ಲಭ್ಯವಾಗಲಿದೆ. ಕೊನೆಯ ದಿನಾಂಕ ಡಿಸೆಂಬರ್ 14, 2025. ಅರ್ಜಿ ಸಲ್ಲಿಸಲು https://mausam.imd.gov.in/recruitment ವಿಭಾಗಕ್ಕೆ ಭೇಟಿ ನೀಡಿ. ಒಂದೇ ಅಭ್ಯರ್ಥಿಗೆ ಒಂದಕ್ಕಿಂತ ಹೆಚ್ಚು ಹುದ್ದೆಗಳಿಗೆ ಅರ್ಜಿ ಸಲ್ಲಿಸಬಹುದು.

ಹವಾಮಾನ ವಿಜ್ಞಾನ ಕ್ಷೇತ್ರದಲ್ಲಿ ಕೆಲಸ ಮಾಡುವ ಕನಸು ಹೊಂದಿರುವ ಎಂಜಿನಿಯರ್ ಮತ್ತು ಸೈಂಟಿಸ್ಟ್‌ಗಳಿಗೆ ಇದು ಅಪರೂಪದ ಅವಕಾಶ. ತಕ್ಷಣ ಸಿದ್ಧತೆ ಆರಂಭಿಸಿ, ಡಿಸೆಂಬರ್ 14ರೊಳಗೆ ಅರ್ಜಿ ಸಲ್ಲಿಸಿ.

First Published :

November 19, 2025 5:03 PM IST

IMD Recruitment 2025: ಭಾರತೀಯ ಹವಾಮಾನ ಇಲಾಖೆಯಲ್ಲಿ ಭರ್ಜರಿ ಉದ್ಯೋಗಾವಕಾಶ; 1.23 ಲಕ್ಷ ಸಂಬಳ, 141 ಸ್ಥಾನಗಳಿಗೆ ಅರ್ಜಿ ಆಹ್ವಾನ

Source link