ಈ ಹುದ್ದೆಗಳು ಸಂಪೂರ್ಣವಾಗಿ ತಾತ್ಕಾಲಿಕವಾಗಿದ್ದು, ಗೌರವಧನದ ಆಧಾರದ ಮೇಲೆ ನೀಡಲಾಗುತ್ತವೆ. ಅಭ್ಯರ್ಥಿಗಳಿಗೆ ಮಾಸಿಕ ಗೌರವಧನದ ರೂಪದಲ್ಲಿ ವೇತನ ನೀಡಲಾಗುತ್ತದೆ. ಯಾವುದೇ ಸರ್ಕಾರಿ ಸೌಲಭ್ಯಗಳು, ಪಿಂಚಣಿ ಅಥವಾ ಬಡ್ತಿ ಈ ಹುದ್ದೆಗಳಿಗೆ ಅನ್ವಯವಾಗುವುದಿಲ್ಲ. ನೇಮಕಾತಿ ಆದೇಶ ನೀಡಿದ ದಿನಾಂಕದಿಂದ ಮಾರ್ಚ್ 2026ರವರೆಗೆ ಗುತ್ತಿಗೆ ಅವಧಿ ನಿಗದಿಯಾಗಿದೆ. ನೇಮಕಾತಿ ಪ್ರಕ್ರಿಯೆ ಕ್ರೀಡಾ ಇಲಾಖೆಯ ನೃಪತುಂಗ ರಸ್ತೆ, ಬೆಂಗಳೂರು ಕಚೇರಿಯ ಮೂಲಕ ನಡೆಯಲಿದೆ.
ಈ ನೇಮಕಾತಿಯಲ್ಲಿ ಮೂರು ಹುದ್ದೆಗಳಿಗೆ ಅವಕಾಶವಿದ್ದು, ಅವುಗಳ ಮಾಸಿಕ ಗೌರವಧನ ಈ ಕೆಳಗಿನಂತಿದೆ:
- Strength and Conditioning Lead – ಮಾಸಿಕ ರೂ. 1,00,000 ರಿಂದ ರೂ. 1,50,000
- Young Professional – ಮಾಸಿಕ ರೂ. 40,000
- Sports Masseur (Male) – ಮಾಸಿಕ ರೂ. 35,000
ಈ ಹುದ್ದೆಗೆ ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಕ್ರೀಡೆ ಮತ್ತು ವ್ಯಾಯಾಮ ವಿಜ್ಞಾನ, ಕ್ರೀಡಾ ವಿಜ್ಞಾನ ಅಥವಾ ಕ್ರೀಡಾ ತರಬೇತಿಯಲ್ಲಿ ಸ್ನಾತಕೋತ್ತರ ಪದವಿ ಹೊಂದಿರಬೇಕು. ಬದಲಾಗಿ, ASCA Level-1 ಅಥವಾ ಅದಕ್ಕಿಂತ ಮೇಲಿನ ಮಾನ್ಯತೆ ಅಥವಾ ಸರ್ಕಾರಿ ಸಂಸ್ಥೆಯಿಂದ ಫಿಟ್ನೆಸ್ ತರಬೇತಿಯಲ್ಲಿ ಡಿಪ್ಲೋಮಾ ಇದ್ದರೂ ಅರ್ಹತೆ ಸಿಗುತ್ತದೆ. ಅರ್ಜಿಗಳನ್ನು ಸಲ್ಲಿಸಲು ಕೊನೆಯ ದಿನಾಂಕದಂದು ಅಭ್ಯರ್ಥಿಯ ವಯಸ್ಸು 45 ವರ್ಷ ಮೀರಿರಬಾರದು.
ಈ ಹುದ್ದೆಗೆ ಕನಿಷ್ಠ 50% ಅಂಕಗಳೊಂದಿಗೆ ಸ್ನಾತಕೋತ್ತರ ಪದವಿ ಅಥವಾ ಕ್ರೀಡಾ ನಿರ್ವಹಣೆಯಲ್ಲಿ ಸ್ನಾತಕೋತ್ತರ ಡಿಪ್ಲೋಮಾ ಅಗತ್ಯವಿದೆ. ಕನಿಷ್ಠ ಮೂರು ವರ್ಷಗಳ ಕೆಲಸದ ಅನುಭವ ಇದ್ದರೆ ಅರ್ಹತೆ ದೊರೆಯುತ್ತದೆ. ಅಂತರರಾಷ್ಟ್ರೀಯ ಮಟ್ಟದಲ್ಲಿ ಭಾರತವನ್ನು ಪ್ರತಿನಿಧಿಸಿದವರು ಅಥವಾ MBA ಪದವಿದಾರರು ಆದ್ಯತೆ ಪಡೆಯುತ್ತಾರೆ. ಗರಿಷ್ಠ ವಯೋಮಿತಿ 32 ವರ್ಷ.
ಈ ಹುದ್ದೆಯು ಆಡಳಿತಾತ್ಮಕ ಮತ್ತು ಸಂಯೋಜನಾ ಕೆಲಸಗಳನ್ನು ಒಳಗೊಂಡಿದೆ. ಅಭ್ಯರ್ಥಿಯು KISCE ಯ ಎಲ್ಲಾ ದಾಖಲೆಗಳು, ಸಂಪನ್ಮೂಲಗಳು ಹಾಗೂ ದತ್ತಾಂಶ ನಿರ್ವಹಣೆ, ಕ್ರೀಡಾ ಯೋಜನೆಗಳ ಅನುಷ್ಠಾನ ಹಾಗೂ ವಿವಿಧ ಇಲಾಖೆಗಳೊಂದಿಗೆ ಸಮನ್ವಯ ಮಾಡಬೇಕಾಗುತ್ತದೆ. MS Office, Excel, Word ನಲ್ಲಿ ಪರಿಣಿತಿ ಹಾಗೂ ಕನ್ನಡ, ಇಂಗ್ಲಿಷ್ ಮತ್ತು ಹಿಂದಿ ಭಾಷಾ ಜ್ಞಾನ ಅಗತ್ಯ.
ಮಾಸ್ಸರ್ ಅಥವಾ ಮಾಸ್ಯೂಸ್ ಆಗಿ ಕನಿಷ್ಠ ಎರಡು ವರ್ಷಗಳ ಕೆಲಸದ ಅನುಭವ ಇರಬೇಕು. ಅಭ್ಯರ್ಥಿಯು ಕ್ರೀಡಾಪಟುಗಳ ಶಾರೀರಿಕ ಆರೈಕೆಯ ತರಬೇತಿಯಲ್ಲಿ ನಿಪುಣರಾಗಿರಬೇಕು. ಈ ಹುದ್ದೆಗೆ ಗರಿಷ್ಠ ವಯೋಮಿತಿ 35 ವರ್ಷ ಎಂದು ನಿಗದಿಯಾಗಿದೆ.
ಎಲ್ಲಾ ಹುದ್ದೆಗಳಿಗೆ ಅರ್ಜಿದಾರರನ್ನು ಶೈಕ್ಷಣಿಕ ಅರ್ಹತೆ, ಅನುಭವ ಮತ್ತು ಪ್ರಮಾಣೀಕರಣದ ಆಧಾರದ ಮೇಲೆ ಶಾರ್ಟ್ಲಿಸ್ಟ್ ಮಾಡಲಾಗುತ್ತದೆ. ನಂತರ ಸಂದರ್ಶನದ ಮೂಲಕ ಅಂತಿಮ ಆಯ್ಕೆ ಮಾಡಲಾಗುತ್ತದೆ. Strength and Conditioning Lead ಹುದ್ದೆಗೆ 100 ಅಂಕಗಳ ಸಂದರ್ಶನ ನಡೆಯುತ್ತದೆ. Young Professional ಹುದ್ದೆಗೆ ಭಾಷಾ ಪ್ರಾವೀಣ್ಯತೆ, ನಿರ್ವಹಣಾ ಕೌಶಲ್ಯ, ಕ್ರೀಡಾ ಕ್ಷೇತ್ರದ ಜ್ಞಾನವನ್ನು ಪರಿಗಣಿಸಲಾಗುತ್ತದೆ. Sports Masseur ಹುದ್ದೆಗೆ 50 ಅಂಕಗಳ ಸಂದರ್ಶನ ನಡೆಯಲಿದೆ.
ಅರ್ಜಿ ಸಲ್ಲಿಸಲು ಅಭ್ಯರ್ಥಿಗಳು ತಮ್ಮ ಪೂರ್ಣ ಮಾಹಿತಿಯುಳ್ಳ ರೆಸ್ಯೂಮೆಯನ್ನು ನಿಗದಿತ ಅವಧಿಯೊಳಗೆ ಸಲ್ಲಿಸಬೇಕು. ಈ ನೇಮಕಾತಿಯು ಕ್ರೀಡಾ ಅಭಿವೃದ್ಧಿಯ ಉದ್ದೇಶದಿಂದ ನಡೆಯುತ್ತಿರುವುದರಿಂದ ಅನುಭವ ಮತ್ತು ತಾಂತ್ರಿಕ ನಿಪುಣತೆ ಹೊಂದಿರುವವರಿಗೆ ಹೆಚ್ಚಿನ ಅವಕಾಶವಿದೆ.
ಕರ್ನಾಟಕ ಕ್ರೀಡಾ ಇಲಾಖೆ ರಾಜ್ಯದ ಕ್ರೀಡಾ ಮೂಲಸೌಕರ್ಯ ಮತ್ತು ಆಟಗಾರರ ಪ್ರತಿಭೆ ಅಭಿವೃದ್ಧಿಗೆ ನಿಷ್ಠೆಯೊಂದಿಗೆ ಮುಂದಾಗಿದೆ. ಈ ಗುತ್ತಿಗೆ ಹುದ್ದೆಗಳು ಕ್ರೀಡಾ ನಿರ್ವಹಣೆ ಮತ್ತು ತರಬೇತಿ ಕ್ಷೇತ್ರದಲ್ಲಿ ಕಾರ್ಯನಿರ್ವಹಿಸಲು ಬಯಸುವ ಯುವ ವೃತ್ತಿಪರರಿಗೆ ಉತ್ತಮ ಅವಕಾಶವನ್ನು ನೀಡುತ್ತವೆ.
Bangalore,Karnataka
November 04, 2025 8:39 AM IST
