ಶೀಘ್ರವೇ ಹೊರ ಬೀಳಲಿದೆ ಎಸ್‌ಬಿಐ ಕ್ಲರ್ಕ್ ಮೇನ್ಸ್ ಪರೀಕ್ಷೆಯ ಫಲಿತಾಂಶ!

ಇಲ್ಲಿಯೂ ಸಹ ಒಂದು ಪ್ರತಿಷ್ಠಿತ ಬ್ಯಾಂಕಿನ ಪರೀಕ್ಷೆ ಬರೆದ ಅಭ್ಯರ್ಥಿಗಳು ಅದರ ಫಲಿತಾಂಶ ಯಾವಾಗಪ್ಪಾ ಬರುತ್ತೆ ಅಂತ ಕಾತುರತೆಯಿಂದ ಕಾಯುತ್ತಿದ್ದಾರೆ ನೋಡಿ.

ಹೌದು.. ಈ ಅವಸ್ಥೆ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್‌ಬಿಐ) ಜೂನಿಯರ್ ಅಸೋಸಿಯೇಟ್ಸ್ (ಕಸ್ಟಮರ್ ಸಪೋರ್ಟ್ ಮತ್ತು ಸೇಲ್ಸ್) ಮುಖ್ಯ ಪರೀಕ್ಷೆಯನ್ನು ಬರೆದು, ಅದರ ಫಲಿತಾಂಶಗಳಿಗಾಗಿ ಕಾಯುತ್ತಿರುವ ಅಭ್ಯರ್ಥಿಗಳದ್ದು ಅಂತ ಹೇಳಿದರೆ ತಪ್ಪಾಗುವುದಿಲ್ಲ. ಈ ಪರೀಕ್ಷೆಯ ಫಲಿತಾಂಶವನ್ನು ಶೀಘ್ರದಲ್ಲಿಯೇ ಬಿಡುಗಡೆ ಮಾಡುವ ನಿರೀಕ್ಷೆಯಿದೆಯಂತೆ.

ಎಸ್‌ಬಿಐ ಕ್ಲರ್ಕ್ ಮೇನ್ಸ್ ಪರೀಕ್ಷೆಯನ್ನು ನವೆಂಬರ್ 21 ರಂದು ನಡೆಸಲಾಗಿತ್ತು ಮತ್ತು ಪ್ರಾಥಮಿಕ ಫಲಿತಾಂಶಗಳು ನವೆಂಬರ್ 4 ರಂದು ಈಗಾಗಲೇ ಹೊರಬಿದ್ದಿದ್ದವು. ಈ ನೇಮಕಾತಿ ಅಭಿಯಾನವು ಭಾರತದಾದ್ಯಂತ 6,589 ಜೂನಿಯರ್ ಅಸೋಸಿಯೇಟ್ಸ್ (ಕಸ್ಟಮರ್ ಸಪೋರ್ಟ್ ಮತ್ತು ಸೇಲ್ಸ್) ಹುದ್ದೆಗಳನ್ನು ಕಡ್ಡಾಯವಾಗಿ ಸ್ಥಳೀಯ ಭಾಷೆಯ ಅವಶ್ಯಕತೆಯೊಂದಿಗೆ ಭರ್ತಿ ಮಾಡುವ ಗುರಿಯನ್ನು ಹೊಂದಿದೆ ಅಂತ ಹೇಳಲಾಗುತ್ತಿದೆ.

ಎಸ್‌ಬಿಐ ಕ್ಲರ್ಕ್ ಹುದ್ದೆಗೆ ಆರಂಭಿಕ ಮೂಲ ವೇತನ 26,730 ರೂಪಾಯಿಯನ್ನು ನಿಗದಿಪಡಿಸಲಾಗಿದ್ದು, ಪದವೀಧರರಿಗೆ ಎರಡು ಮುಂಗಡ ವೇತನ ಹೆಚ್ಚಳವಿದೆ. ಪ್ರಮುಖ ಭತ್ಯೆಗಳು 7,161 ರೂಪಾಯಿ ತುಟ್ಟಿ ಭತ್ಯೆ, 2,862 ರೂಪಾಯಿ ಮನೆ ಬಾಡಿಗೆ ಭತ್ಯೆ, 850 ರೂಪಾಯಿ ಸಾರಿಗೆ ಭತ್ಯೆ, 7,083 ರೂಪಾಯಿ ವಿಶೇಷ ಭತ್ಯೆ  ಮತ್ತು 1,200 ರೂಪಾಯಿ ವಿಶೇಷ ವೇತನ ಸಹ ಇದರಲ್ಲಿ ಸೇರಿಕೊಂಡಿರುತ್ತದೆ.

• ಮೊದಲಿಗೆ ಅಭ್ಯರ್ಥಿಗಳು ಎಸ್‌ಬಿಐನ ಅಧಿಕೃತ ವೆಬ್‌ಸೈಟ್ – bank.in ಗೆ ಭೇಟಿ ನೀಡಬೇಕು
• ನಂತರ ವೆಬ್‌ಸೈಟಿನ ಮುಖಪುಟದಲ್ಲಿ, ‘ಕರಿಯರ್ಸ್’ ವಿಭಾಗದ ಮೇಲೆ ಕ್ಲಿಕ್ ಮಾಡಿರಿ
• ಅದರ ನಂತರ ‘ರಿಕ್ರ್ಯೂಟ್‌ಮೆಂಟ್ ಆಫ್ ಜೂನಿಯರ್ ಅಸೋಸಿಯೇಟ್ಸ್ (ಕಸ್ಟಮರ್ ಸಪೋರ್ಟ್ ಆಂಡ್ ಸೇಲ್ಸ್)’ ಲಿಂಕ್ ಮೇಲೆ ಇರುವಂತಹ ‘ಮೇನ್ಸ್ ರಿಸಲ್ಟ್’ ಎಂಬ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿರಿ
• ಅಲ್ಲಿ ನಿಮ್ಮ ಜನ್ಮ ದಿನಾಂಕ, ಪಾಸ್‌ವರ್ಡ್ ಮತ್ತು ನೋಂದಣಿ ಸಂಖ್ಯೆ ಅಥವಾ ರೋಲ್ ನಂಬರ್ ಅನ್ನು ಸಹ ನಮೂದಿಸಿ
• ಆಗ ನಿಮ್ಮ ಫಲಿತಾಂಶ ಕಂಪ್ಯೂಟರ್ ಸ್ಕ್ರೀನ್ ಮೇಲೆ ಪ್ರದರ್ಶಿಸಲಾಗುತ್ತದೆ
• ಭವಿಷ್ಯದ ಉಲ್ಲೇಖಕ್ಕಾಗಿ ಅದನ್ನು ನೀವು ಡೌನ್‌ಲೋಡ್ ಮಾಡಿಕೊಳ್ಳಬಹುದು ಮತ್ತು ಅದನ್ನು ಸೇವ್ ಸಹ ಮಾಡಿಕೊಳ್ಳಬಹುದು. ಇದರ ಪ್ರತಿಯನ್ನು ಸಹ ನೀವು ಪ್ರಿಂಟ್ ಕೊಟ್ಟು ಪಡೆಯಬಹುದು.